1.1.3.4

वृत्रो ह वा इदं सर्वं वृत्वा शिश्ये

vṛtro ha vā idaṃ sarvaṃ vṛtvā śiśye

1.1.3.4.2

यदिदमन्तरेण द्यावापृथिवी स यदेदं सर्वं वृत्वा शिश्ये तस्माद् वृत्रो नाम

yadidamantareṇa dyāvāpṛthivī sa yadedaṃ sarvaṃ vṛtvā śiśye tasmād vṛtro nāma

1.1.3.5

तमिन्द्रो जघान

tamindro jaghāna

1.1.3.5.2

स हतः पूतिः सर्वत एवापो ऽभिप्रसुस्राव सर्वत इव ह्ययं समुद्रस् तस्माद् उ हैका आपो बीभत्सांचक्रिरे ता उपर्युपर्य् अतिपुप्रुविरे ऽत इमे दर्भास् ता हैता अनापूयिता आपो ऽस्ति वा इतरासु संसृष्टम् इव यद् एना वृत्रः पूतिर् अभिप्रास्रवत् तद् एवासाम् एताभ्याम् पवित्राभ्याम् अपहन्त्य् अथ मेध्याभिर् एवाद्भिः प्रोक्षति तस्माद् वा एताभ्याम् उत्पुनाति

sa hataḥ pūtiḥ sarvata evāpo 'bhiprasusrāva sarvata iva hyayaṃ samudras tasmād u haikā āpo bībhatsāṃcakrire tā uparyupary atipupruvire 'ta ime darbhās tā haitā anāpūyitā āpo 'sti vā itarāsu saṃsṛṣṭam iva yad enā vṛtraḥ pūtir abhiprāsravat tad evāsām etābhyām pavitrābhyām apahanty atha medhyābhir evādbhiḥ prokṣati tasmād vā etābhyām utpunāti

1.1.3.6

स उत्पुनाति

sa utpunāti

1.1.3.6.2

सवितुर्वः प्रसव उत्पुनाम्यछिद्रेण पवित्रेण सूर्यस्य रश्मिभिरिति सविता वै देवानाम् प्रसविता तत्सवितृप्रसूत एवैतदुत्पुनात्य् अछिद्रेण पवित्रेणेति यो वा अयम् पवत एषो ऽछिद्रम् पवित्रम् एतेनैतदाह सूर्यस्य रश्मिभिरित्य् एते वा उत्पवितारो यत्सूर्यस्य रश्मयस् तस्मादाह सूर्यस्य रश्मिभिरिति

saviturvaḥ prasava utpunāmyachidreṇa pavitreṇa sūryasya raśmibhiriti savitā vai devānām prasavitā tatsavitṛprasūta evaitadutpunāty achidreṇa pavitreṇeti yo vā ayam pavata eṣo 'chidram pavitram etenaitadāha sūryasya raśmibhirity ete vā utpavitāro yatsūryasya raśmayas tasmādāha sūryasya raśmibhiriti

1.1.3.7

ताः सव्ये पाणौ कृत्वा

tāḥ savye pāṇau kṛtvā

1.1.3.7.2

दक्षिणेनोदिङ्गयत्य् उपस्तौत्य् एवैना एतन्महयत्येव देवीर् आपो अग्रेगुवो अग्रेपुव इति देव्यो ह्य् आपस् तस्मादाह देवीर् आप इत्य् अग्रेगुव इति ता यत्समुद्रं गच्छन्ति तेनाग्रेगुवो ऽग्रेपुव इति ता यत्प्रथमाः सोमस्य राज्ञो भक्षयन्ति तेनाग्रेपुवो ऽग्र इममद्य यज्ञं नयताग्रे यज्ञपतिं सुधातुं यज्ञपतिं देवयुवम् इति साधु यज्ञं साधु यज्ञमानम् इत्येवैतद् आह

dakṣiṇenodiṅgayaty upastauty evainā etanmahayatyeva devīr āpo agreguvo agrepuva iti devyo hy āpas tasmādāha devīr āpa ity agreguva iti tā yatsamudraṃ gacchanti tenāgreguvo 'grepuva iti tā yatprathamāḥ somasya rājño bhakṣayanti tenāgrepuvo 'gra imamadya yajñaṃ nayatāgre yajñapatiṃ sudhātuṃ yajñapatiṃ devayuvam iti sādhu yajñaṃ sādhu yajñamānam ityevaitad āha

1.1.3.8

युष्मा इन्द्रो ऽवृणीत वृत्रतूर्य

indro 'vṛṇīta vṛtratūrya iti

1.1.3.8.2

एता उ हीन्द्रो ऽवृणीत वृत्रेण स्पर्धमान एताभिर्ह्येनमहंस्तस्माद् आह युष्मा इन्द्रो ऽवृणीत वृत्रतूर्य

etā u hīndro 'vṛṇīta vṛtreṇa spardhamāna etābhirhyenamahaṃstasmād āha yuṣmā indro 'vṛṇīta vṛtratūrya

1.1.3.9

यूयमिन्द्रमवृणीध्वं वृत्रतूर्य इति

yūyamindramavṛṇīdhvaṃ vṛtratūrya iti

1.1.3.9.2

एता उ हीन्द्रमवृणत वृत्रेण स्पर्धमानम् एताभिर्ह्येनमहंस् तस्माद् आह यूयमिन्द्रमवृणीध्वं वृत्रतूर्य इति

etā u hīndramavṛṇata vṛtreṇa spardhamānam etābhirhyenamahaṃs tasmād āha yūyamindramavṛṇīdhvaṃ vṛtratūrya iti

1.1.3.10

प्रोक्षिता स्थेति

prokṣitā stheti

1.1.3.10.2

तदेताभ्यो निह्नुते ऽथ हविः प्रोक्षत्येको वै प्रोक्षणस्य बन्धुर्मेध्यमेवैतत्करोति

tadetābhyo nihnute 'tha haviḥ prokṣatyeko vai prokṣaṇasya bandhurmedhyamevaitatkaroti

1.1.3.11

स प्रोक्षति अग्नये त्वा जुष्टम् प्रोक्षामीति तद्यस्यै देवतायै हविर्भवति तस्यै मेध्यं करोत्येवमेव यथापूर्वं हवींषि प्रोक्ष्य

sa prokṣati agnaye tvā juṣṭam prokṣāmīti tadyasyai devatāyai havirbhavati tasyai medhyaṃ karotyevameva yathāpūrvaṃ havīṃṣi prokṣya

1.1.3.12

अथ यज्ञपात्राणि प्रोक्षति

atha yajñapātrāṇi prokṣati

1.1.3.12.2

दैव्याय कर्मणे शुन्धध्वं देवयज्याया इति दैव्याय हि कर्मणे शुन्धति देवयज्यायै यद्वो ऽशुद्धाः पराजघ्नुर् इदं वस्तच्छुन्धामीति तद् यद् एवैषाम् अत्राशुद्धस्तक्षा वान्यो वामेध्यः कश्चित् पराहन्ति तदेवैषामेतदद्भिर्मेध्यं करोति तस्मादाह यद्वो ऽशुद्धाः पराजघ्नुरिदं वस्तच्छुन्धामीति

daivyāya karmaṇe śundhadhvaṃ devayajyāyā iti daivyāya hi karmaṇe śundhati devayajyāyai yadvo 'śuddhāḥ parājaghnur idaṃ vastacchundhāmīti tad yad evaiṣām atrāśuddhastakṣā vānyo vāmedhyaḥ kaścit parāhanti tadevaiṣāmetadadbhirmedhyaṃ karoti tasmādāha yadvo 'śuddhāḥ parājaghnuridaṃ vastacchundhāmīti

1.1.4.1

अथ कृष्णाजिनमादत्ते

atha kṛṣṇājinamādatte

1.1.4.1.2

यज्ञस्यैव सर्वत्वाय यज्ञो ह देवेभ्यो ऽपचक्राम स कृष्णो भूत्वा चचार तस्य देवा अनुविद्य त्वचम् एवावच्छायाजह्रुः

yajñasyaiva sarvatvāya yajño ha devebhyo 'pacakrāma sa kṛṣṇo bhūtvā cacāra tasya devā anuvidya tvacam evāvacchāyājahruḥ

1.1.4.2

तस्य यानि शुक्लानि च कृष्णानि च लोमानि

tasya yāni śuklāni ca kṛṣṇāni ca lomāni

Śatapathabrāhmaṇa