6.6.4.6

स वै समिधम् आधायाथ व्रतयति

sa vai samidham ādhāyātha vratayati

6.6.4.6.2

दैवो वा अस्यैष आत्मा मानुषो ऽयं देवा उ वा अग्रे ऽथ मनुष्यास् तस्मात् समिधमाधायाथ व्रतयति

daivo vā asyaiṣa ātmā mānuṣo 'yaṃ devā u vā agre 'tha manuṣyās tasmāt samidhamādhāyātha vratayati

6.6.4.7

अन्नपते ऽन्नस्य नो देहीति

annapate 'nnasya no dehīti

6.6.4.7.2

अशनपते ऽशनस्य नो देहीत्य् एतद् अनमीवस्य शुष्मिण इत्य् अनशनायस्य शुष्मिण इत्य् एतत् प्र प्र दातारं तारिष इति यजमानो वै दाता प्र यजमानं तारिष इत्य् एतद् ऊर्जं धेहि द्विपदे चतुष्पद इत्य् आशिषम् आशास्ते यद् उ भिन्नायै प्रायश्चित्तिम् आहोत्तरस्मिंस्तद् अन्वाख्यान इति

aśanapate 'śanasya no dehīty etad anamīvasya śuṣmiṇa ity anaśanāyasya śuṣmiṇa ity etat pra pra dātāraṃ tāriṣa iti yajamāno vai dātā pra yajamānaṃ tāriṣa ity etad ūrjaṃ dhehi dvipade catuṣpada ity āśiṣam āśāste yad u bhinnāyai prāyaścittim āhottarasmiṃstad anvākhyāna iti

6.6.4.8

यद्य् एषोखा भिद्येत

yady eṣokhā bhidyeta

6.6.4.8.2

याभिन्ना नवा स्थाल्य् उरुबिली स्यात् तस्याम् एनम् पर्यावपेद् आर्च्छति वा एषोखा या भिद्यते ऽनार्तो इयं देवतानार्तायाम् इमम् अनार्तम् बिभराणीति तत्रोखायै कपालम् पुरस्तात् प्रास्यति तथो हैष एतस्यै योनेर्न च्यवते

yābhinnā navā sthāly urubilī syāt tasyām enam paryāvaped ārcchati vā eṣokhā yā bhidyate 'nārto iyaṃ devatānārtāyām imam anārtam bibharāṇīti tatrokhāyai kapālam purastāt prāsyati tatho haiṣa etasyai yonerna cyavate

6.6.4.9

अथ मृदम् आहृत्य

atha mṛdam āhṛtya

6.6.4.9.2

उखां चोपशयां च पिष्ट्वा संसृज्योखां करोत्य् एतयैवावृतानुपहरन् यजुस् तूष्णीम् एव पक्त्वा पर्यावपति कर्मणिरेव तत्र प्रायश्चित्तिः पुनस् तत् कपालम् उखायाम् उपसमस्योखां चोपशयां च पिष्ट्वा संसृज्य निदधाति प्रायश्चित्तिभ्यः

ukhāṃ copaśayāṃ ca piṣṭvā saṃsṛjyokhāṃ karoty etayaivāvṛtānupaharan yajus tūṣṇīm eva paktvā paryāvapati karmaṇireva tatra prāyaścittiḥ punas tat kapālam ukhāyām upasamasyokhāṃ copaśayāṃ ca piṣṭvā saṃsṛjya nidadhāti prāyaścittibhyaḥ

6.6.4.10

अथ यद्येष उख्यो ऽग्निर् अनुगच्छेत्

atha yadyeṣa ukhyo 'gnir anugacchet

6.6.4.10.2

गार्हपत्यं वाव स गच्छति गार्हपत्याद्धि स आहृतो भवति गार्हपत्याद् एवैनम् प्राञ्चम् उद्धृत्योपसमाधायोखाम् प्रवृञ्ज्याद् एतयैवावृतानुपहरन् यजुस् तूष्णीम् एव तां यदाग्निर् आरोहति

gārhapatyaṃ vāva sa gacchati gārhapatyāddhi sa āhṛto bhavati gārhapatyād evainam prāñcam uddhṛtyopasamādhāyokhām pravṛñjyād etayaivāvṛtānupaharan yajus tūṣṇīm eva tāṃ yadāgnir ārohati

6.6.4.11

अथ प्रायश्चित्ती करोति

atha prāyaścittī karoti

6.6.4.11.2

सर्वेभ्यो वा एष एतं कामेभ्य आधत्ते तद् यद् एवास्यात्र कामानां व्यवच्छिद्यते ऽग्नावनुगते तदेवैतत्संतनोति संदधात्य् उभे प्रायश्चित्ती करोत्य् अध्वरप्रायश्चित्तिं चाग्निप्रायश्चित्तिं चाध्वरस्य पूर्वाम् अथाग्नेस् तस्योक्तो बन्धुः

sarvebhyo vā eṣa etaṃ kāmebhya ādhatte tad yad evāsyātra kāmānāṃ vyavacchidyate 'gnāvanugate tadevaitatsaṃtanoti saṃdadhāty ubhe prāyaścittī karoty adhvaraprāyaścittiṃ cāgniprāyaścittiṃ cādhvarasya pūrvām athāgnes tasyokto bandhuḥ

6.6.4.12

स समिधाज्यस्योपहत्य

sa samidhājyasyopahatya

6.6.4.12.2

आसीन आहुतिं जुहोति विश्वकर्मणे स्वाहेत्य् अथोपोत्थाय समिधम् आदधाति पुनस्त्वादित्या रुद्रा वसवः समिन्धताम् पुनर्ब्रह्माणो वसुनीथ यज्ञैर् इत्य् एतास्त्वा देवताः पुनः समिन्धताम् इत्य् एतद् घृतेन त्वं तन्वं वर्धयस्व सत्याः सन्तु यजमानस्य कामा इति घृतेनाह त्वं वर्धयस्व येभ्य उ त्वां कामेभ्यो यजमान आधत्त ते ऽस्य सर्वे सत्याः सन्त्वित्येतत्

āsīna āhutiṃ juhoti viśvakarmaṇe svāhety athopotthāya samidham ādadhāti punastvādityā rudrā vasavaḥ samindhatām punarbrahmāṇo vasunītha yajñair ity etāstvā devatāḥ punaḥ samindhatām ity etad ghṛtena tvaṃ tanvaṃ vardhayasva satyāḥ santu yajamānasya kāmā iti ghṛtenāha tvaṃ vardhayasva yebhya u tvāṃ kāmebhyo yajamāna ādhatta te 'sya sarve satyāḥ santvityetat

6.6.4.13

अथ यदि गार्हपत्यो ऽनुगच्छेत्

atha yadi gārhapatyo 'nugacchet

6.6.4.13.2

अरणी वाव स गच्छत्य् अरणिभ्यां हि स आहृतो भवत्य् अरणिभ्याम् एवैनम् मथित्वोपसमाधाय प्रायश्चित्ती करोति

araṇī vāva sa gacchaty araṇibhyāṃ hi sa āhṛto bhavaty araṇibhyām evainam mathitvopasamādhāya prāyaścittī karoti

6.6.4.14

अथ यदि प्रसुत आहवनीयो ऽनुगच्छेत्

atha yadi prasuta āhavanīyo 'nugacchet

6.6.4.14.2

गार्हपत्यं वाव स गच्छति गार्हपत्याद्धि स आहृतो भवति गार्हपत्यादेवैनम् प्राञ्चं सांकाशिनेन हृत्वोपसमाधाय प्रायश्चित्ती करोति यस् तस्मिन् काले ऽध्वरः स्यात् ताम् अध्वरप्रायश्चित्तिं कुर्यात् समान्यग्निप्रायश्चित्तिः

gārhapatyaṃ vāva sa gacchati gārhapatyāddhi sa āhṛto bhavati gārhapatyādevainam prāñcaṃ sāṃkāśinena hṛtvopasamādhāya prāyaścittī karoti yas tasmin kāle 'dhvaraḥ syāt tām adhvaraprāyaścittiṃ kuryāt samānyagniprāyaścittiḥ

6.6.4.15

अथ यद्याग्नीध्रीयो ऽनुगच्छेत्

atha yadyāgnīdhrīyo 'nugacchet

6.6.4.15.2

गार्हपत्यं वाव स गच्छति गार्हपत्याद्धि स आहृतो भवति गार्हपत्याद् एवैनम् प्राञ्चमुत्तरेण सदो हृत्वोपसमाधाय प्रायश्चित्ती करोत्य् अथ यदि गार्हपत्यो ऽनुगच्छेत् तस्योक्तो बन्धुः

gārhapatyaṃ vāva sa gacchati gārhapatyāddhi sa āhṛto bhavati gārhapatyād evainam prāñcamuttareṇa sado hṛtvopasamādhāya prāyaścittī karoty atha yadi gārhapatyo 'nugacchet tasyokto bandhuḥ

Śatapathabrāhmaṇa