6.6.3.12.2

अक्षत्रियस्य वापुरोहितस्य वासर्वं वै तद् यद् एकादशासर्वं तद् यद् अक्षत्रियो वापुरोहितो वा

akṣatriyasya vāpurohitasya vāsarvaṃ vai tad yad ekādaśāsarvaṃ tad yad akṣatriyo vāpurohito vā

6.6.3.13

द्वादश क्षत्रियस्य वा पुरोहितस्य वा

dvādaśa kṣatriyasya vā purohitasya vā

6.6.3.13.2

सर्वं वै तद्यद्द्वादश सर्वं तद् यत् क्षत्रियो वा पुरोहितो वा

sarvaṃ vai tadyaddvādaśa sarvaṃ tad yat kṣatriyo vā purohito vā

6.6.3.14

स पुरोहितस्यादधाति

sa purohitasyādadhāti

6.6.3.14.2

संशितम् मे ब्रह्म संशितं वीर्यम् बलम् संशितं क्षत्रं जिष्णु यस्याहमस्मि पुरोहित इति तदस्य ब्रह्म च क्षत्रं च संश्यति

saṃśitam me brahma saṃśitaṃ vīryam balam saṃśitaṃ kṣatraṃ jiṣṇu yasyāhamasmi purohita iti tadasya brahma ca kṣatraṃ ca saṃśyati

6.6.3.15

अथ क्षत्रियस्य

atha kṣatriyasya

6.6.3.15.2

उद् एषाम् बाहू अतिरम् उद् वर्चो अथो बलम् क्षिणोमि ब्रह्मणामित्रानुन्नयामि स्वाṁ अहमिति यथैव क्षिणुयाद् अमित्रान् उन्नयेत् स्वान् एवमेतद् आहोभे त्व् एवैते आदध्याद् अयं वा अग्निर्ब्रह्म च क्षत्रं चेममेवैतदग्निमेताभ्यामुभाभ्यां समिन्द्धे ब्रह्मणा च क्षत्रेण च

ud eṣām bāhū atiram ud varco atho balam kṣiṇomi brahmaṇāmitrānunnayāmi svāṁ ahamiti yathaiva kṣiṇuyād amitrān unnayet svān evametad āhobhe tv evaite ādadhyād ayaṃ vā agnirbrahma ca kṣatraṃ cemamevaitadagnimetābhyāmubhābhyāṃ saminddhe brahmaṇā ca kṣatreṇa ca

6.6.3.16

तास्त्रयोदश सम्पद्यन्ते

tāstrayodaśa sampadyante

6.6.3.16.2

त्रयोदश मासाः संवत्सरः संवत्सरो ऽग्निर् यावान् अग्निर् यावत्यस्य मात्रा तावतैवैनमेतदन्नेन प्रीणाति

trayodaśa māsāḥ saṃvatsaraḥ saṃvatsaro 'gnir yāvān agnir yāvatyasya mātrā tāvataivainametadannena prīṇāti

6.6.3.17

प्रादेशमात्र्यो भवन्ति

prādeśamātryo bhavanti

6.6.3.17.2

प्रादेशमात्रो वै गर्भो विष्णुर् अन्नम् एतद् आत्मसंमितेनैवैनम् एतद् अन्नेन प्रीणाति यद् उ वा आत्मसंमितम् अन्नं तदवति तन्न हिनस्ति यद्भूयो हिनस्ति तद् यत् कनीयो न तदवति तिष्ठन्नादधाति तस्योपरि बन्धुः स्वाहाकारेण रेतो वा इदं सिक्तमयम् अग्निस् तस्मिन् यत् काष्ठान्य् अस्वाहाकृतान्य् अभ्यादध्याद्धिंस्याद्धैनं ता यत् समिधस्तेन नाहुतयो यद् उ स्वाहाकारेण तेनान्नम् अन्नं हि स्वाहाकारस् तथो हैनं न हिनस्ति

prādeśamātro vai garbho viṣṇur annam etad ātmasaṃmitenaivainam etad annena prīṇāti yad u vā ātmasaṃmitam annaṃ tadavati tanna hinasti yadbhūyo hinasti tad yat kanīyo na tadavati tiṣṭhannādadhāti tasyopari bandhuḥ svāhākāreṇa reto vā idaṃ siktamayam agnis tasmin yat kāṣṭhāny asvāhākṛtāny abhyādadhyāddhiṃsyāddhainaṃ tā yat samidhastena nāhutayo yad u svāhākāreṇa tenānnam annaṃ hi svāhākāras tatho hainaṃ na hinasti

6.6.4.1

अथ विष्णुक्रमान् क्रान्त्वा

atha viṣṇukramān krāntvā

6.6.4.1.2

वात्सप्रेणोपस्थायास्तमित आदित्ये भस्मैव प्रथमम् उद्वपत्य् एतद् वा एनम् एतेनान्नेन प्रीणात्य् एताभिः समिद्भिस् तस्यान्नस्य जग्धस्यैष पाप्मा सीदति भस्म तेनैनम् एतद् व्यावर्तयति तस्मिन्न् अपहतपाप्मन् वाचं विसृजते वाचं विसृज्य समिधम् आदधाति रात्र्या एवैनम् एतद् अन्नेन प्रीणाति रात्रीं रात्रीम् अप्रयावम् भरन्त इति तस्योक्तो बन्धू रात्र्या एवैताम् अरिष्टिं स्वस्तिम् आशास्ते तद् यत् किं चातो रात्र्योपसमादधात्य् आहुतिकृतं हैवास्मै तद् उपसमादधाति

vātsapreṇopasthāyāstamita āditye bhasmaiva prathamam udvapaty etad vā enam etenānnena prīṇāty etābhiḥ samidbhis tasyānnasya jagdhasyaiṣa pāpmā sīdati bhasma tenainam etad vyāvartayati tasminn apahatapāpman vācaṃ visṛjate vācaṃ visṛjya samidham ādadhāti rātryā evainam etad annena prīṇāti rātrīṃ rātrīm aprayāvam bharanta iti tasyokto bandhū rātryā evaitām ariṣṭiṃ svastim āśāste tad yat kiṃ cāto rātryopasamādadhāty āhutikṛtaṃ haivāsmai tad upasamādadhāti

6.6.4.2

अथ प्रातरुदित आदित्ये

atha prātarudita āditye

6.6.4.2.2

भस्मैव प्रथमम् उद्वपत्य् एतद् वा एनम् एतेनान्नेन प्रीणात्य् एतया समिधा यच्च रात्र्योपसमादधाति तस्यान्नस्य जग्धस्यैष पाप्मा सीदति भस्म तेनैनम् एतद् व्यावर्तयति तस्मिन्न् अपहतपाप्मन् वाचं विसृजते वाचं विसृज्य समिधम् आदधात्य् अह्न एवैनम् एतद् अन्नेन प्रीणात्य् अहरहर् अप्रयावम् भरन्त इति तस्योक्तो बन्धुर् अह्न एवैताम् अरिष्टिं स्वस्तिम् आशास्ते तद् यत् किं चातो ऽह्नोपसमादधात्य् आहुतिकृतं हैवास्मै तदुपसमादधाति

bhasmaiva prathamam udvapaty etad vā enam etenānnena prīṇāty etayā samidhā yacca rātryopasamādadhāti tasyānnasya jagdhasyaiṣa pāpmā sīdati bhasma tenainam etad vyāvartayati tasminn apahatapāpman vācaṃ visṛjate vācaṃ visṛjya samidham ādadhāty ahna evainam etad annena prīṇāty aharahar aprayāvam bharanta iti tasyokto bandhur ahna evaitām ariṣṭiṃ svastim āśāste tad yat kiṃ cāto 'hnopasamādadhāty āhutikṛtaṃ haivāsmai tadupasamādadhāti

6.6.4.3

अहोरात्रे वा अभिवर्तमाने संवत्सरम् आप्नुतः संवत्सर इदं सर्वम् आह्नायैवैताम् अरिष्टिं स्वस्तिमाशास्ते

ahorātre vā abhivartamāne saṃvatsaram āpnutaḥ saṃvatsara idaṃ sarvam āhnāyaivaitām ariṣṭiṃ svastimāśāste

6.6.4.4

अथ यदास्मै व्रतम् प्रयच्छन्ति

atha yadāsmai vratam prayacchanti

6.6.4.4.2

अथ व्रते न्यज्य समिधमादधाति न व्रते न्यञ्ज्याद् इत्य् उ हैक आहुर् आहुतिं तज्जुहुयाद् अनवक्ﾱप्तं वै तद्यद्दीक्षित आहुतिं जुहुयादिति

atha vrate nyajya samidhamādadhāti na vrate nyañjyād ity u haika āhur āhutiṃ tajjuhuyād anavakﾱptaṃ vai tadyaddīkṣita āhutiṃ juhuyāditi

6.6.4.5

स वै न्यञ्ज्यादेव

sa vai nyañjyādeva

6.6.4.5.2

दैवो वा अस्यैष आत्मा मानुषो ऽयं स यन्न न्यञ्ज्यान् न हैतं दैवम् आत्मानम् प्रीणीयाद् अथ यन् न्यनक्ति तथो हैतं दैवम् आत्मानम् प्रीणाति सा यत् समित्तेन नाहुतिर् यद् उ व्रते न्यक्ता तेनान्नम् अन्नं हि व्रतम्

daivo vā asyaiṣa ātmā mānuṣo 'yaṃ sa yanna nyañjyān na haitaṃ daivam ātmānam prīṇīyād atha yan nyanakti tatho haitaṃ daivam ātmānam prīṇāti sā yat samittena nāhutir yad u vrate nyaktā tenānnam annaṃ hi vratam

Śatapathabrāhmaṇa