6.2.3.3

ते ऽब्रुवन्

te 'bruvan

6.2.3.3.2

चेतयध्वमेवेति चितिमिच्छतेति वाव तदब्रुवन्न् इत ऊर्ध्वम् इच्छतेति तेषां चेतयमानानामिन्द्राग्नी च विश्वकर्मा चान्तरिक्षं द्वितीयां स्वयम् आतृण्णां चितिम् अपश्यंस् तस्मात् ताम् इन्द्राग्निभ्यां च विश्वकर्मणा चोपदधाति

cetayadhvameveti citimicchateti vāva tadabruvann ita ūrdhvam icchateti teṣāṃ cetayamānānāmindrāgnī ca viśvakarmā cāntarikṣaṃ dvitīyāṃ svayam ātṛṇṇāṃ citim apaśyaṃs tasmāt tām indrāgnibhyāṃ ca viśvakarmaṇā copadadhāti

6.2.3.4

तान्वायुरब्रवीत्

tānvāyurabravīt

6.2.3.4.2

उपाहमायानीति केनेति दिग्भिरिति तथेति दिश्याभिर्ह तदुवाच तस्माद्द्वितीयायै स्वयमातृण्णाया अनन्तर्हिता दिश्या उपधीयन्ते तस्माद् अन्तरिक्षाद् अनन्तर्हिता दिशो ऽनन्तर्हितो वायुर् अनन्तर्हितो ह्येष एताभिर् उपैत्

upāhamāyānīti keneti digbhiriti tatheti diśyābhirha taduvāca tasmāddvitīyāyai svayamātṛṇṇāyā anantarhitā diśyā upadhīyante tasmād antarikṣād anantarhitā diśo 'nantarhito vāyur anantarhito hyeṣa etābhir upait

6.2.3.5

ते ऽब्रुवन्

te 'bruvan

6.2.3.5.2

चेतयध्वमेवेति चितिमिच्छतेति वाव तदब्रुवन्न् इत ऊर्ध्वम् इच्छतेति तेषां चेतयमानानाम् परमेष्ठी दिवं तृतीयं स्वयमातृण्णां चितिमपश्यत् तस्मात् ताम् परमेष्ठिनोपदधाति

cetayadhvameveti citimicchateti vāva tadabruvann ita ūrdhvam icchateti teṣāṃ cetayamānānām parameṣṭhī divaṃ tṛtīyaṃ svayamātṛṇṇāṃ citimapaśyat tasmāt tām parameṣṭhinopadadhāti

6.2.3.6

तमसावादित्यो ऽब्रवीत्

tamasāvādityo 'bravīt

6.2.3.6.2

उपाहमायानीति केनेति लोकम्पृणयेति तथेत्य् एष वाव लोकम्पृणात्मना हैव तदुवाच तस्मात्तृतीया स्वयमातृण्णानन्तर्हिता लोकम्पृणाया उपधीयते तस्माद् असावादित्यो ऽनन्तर्हितो दिवो ऽनन्तर्हितो ह्येष एतयोपैत्

upāhamāyānīti keneti lokampṛṇayeti tathety eṣa vāva lokampṛṇātmanā haiva taduvāca tasmāttṛtīyā svayamātṛṇṇānantarhitā lokampṛṇāyā upadhīyate tasmād asāvādityo 'nantarhito divo 'nantarhito hyeṣa etayopait

6.2.3.7

तदेता वाव षड् देवताः

tadetā vāva ṣaḍ devatāḥ

6.2.3.7.2

इदं सर्वमभवन्यदिदं किं च ते देवाश्चर्षयश् चाब्रुवन्न् इमा वाव षड् देवता इदं सर्वमभूवन्न् उप तज्जानीत यथा वयमिहाप्यसामेति ते ऽब्रुवंश् चेतयध्वमिति चितिमिच्छतेति वाव तदब्रुवंस् तद् इच्छत यथा वयम् इहाप्यसामेति तेषां चेतयमानानां देवा द्वितीयां चितिम् अपश्यन्नृषयश् चतुर्थीम्

idaṃ sarvamabhavanyadidaṃ kiṃ ca te devāścarṣayaś cābruvann imā vāva ṣaḍ devatā idaṃ sarvamabhūvann upa tajjānīta yathā vayamihāpyasāmeti te 'bruvaṃś cetayadhvamiti citimicchateti vāva tadabruvaṃs tad icchata yathā vayam ihāpyasāmeti teṣāṃ cetayamānānāṃ devā dvitīyāṃ citim apaśyannṛṣayaś caturthīm

6.2.3.8

ते ऽब्रुवन्

te 'bruvan

6.2.3.8.2

उप वयमायामेति केनेति यदेषु लोकेषूपेति तथेति तद्यदूर्ध्वम् पृथिव्या अर्वाचीनम् अन्तरिक्षात् तेन देवा उपायंस् तद् एषा द्वितीया चितिर् अथ यद् ऊर्ध्वम् अन्तरिक्षाद् अर्वाचीनं दिवस्तेनर्षय उपायंस् तदेषा चतुर्थी चितिः

upa vayamāyāmeti keneti yadeṣu lokeṣūpeti tatheti tadyadūrdhvam pṛthivyā arvācīnam antarikṣāt tena devā upāyaṃs tad eṣā dvitīyā citir atha yad ūrdhvam antarikṣād arvācīnaṃ divastenarṣaya upāyaṃs tadeṣā caturthī citiḥ

6.2.3.9

ते यदब्रुवन्

te yadabruvan

6.2.3.9.2

चेतयध्वमिति चितिम् इच्छतेति वाव तद् अब्रुवन् यच्चेतयमाना अपश्यंस् तस्माच्चितयः

cetayadhvamiti citim icchateti vāva tad abruvan yaccetayamānā apaśyaṃs tasmāccitayaḥ

6.2.3.10

प्रजापतिः प्रथमां चितिमपश्यत्

prajāpatiḥ prathamāṃ citimapaśyat

6.2.3.10.2

प्रजापतिरेव तस्या आर्षेयं देवा द्वितीयां चितिम् अपश्यन् देवा एव तस्या आर्षेयम् इन्द्राग्नी च विश्वकर्मा च तृतीयां चितिम् अपश्यंस् त एव तस्या आर्षेयम् ऋषयश्चतुर्थीं चितिम् अपश्यन्न् ऋषय एव तस्या आर्षेयम् परमेष्ठी पञ्चमीं चितिमपश्यत् परमेष्ठ्येव तस्या आर्षेयं स यो हैतदेवं चितीनाम् आर्षेयं वेदार्षेयवत्यो हास्य बन्धुमत्यश्चितयो भवन्ति

prajāpatireva tasyā ārṣeyaṃ devā dvitīyāṃ citim apaśyan devā eva tasyā ārṣeyam indrāgnī ca viśvakarmā ca tṛtīyāṃ citim apaśyaṃs ta eva tasyā ārṣeyam ṛṣayaścaturthīṃ citim apaśyann ṛṣaya eva tasyā ārṣeyam parameṣṭhī pañcamīṃ citimapaśyat parameṣṭhyeva tasyā ārṣeyaṃ sa yo haitadevaṃ citīnām ārṣeyaṃ vedārṣeyavatyo hāsya bandhumatyaścitayo bhavanti

6.3.1.1

एतद्वै देवा अब्रुवन्

etadvai devā abruvan

6.3.1.1.2

चेतयध्वम् इति चितिमिच्छतेति वाव तदब्रुवंस् तेषां चेतयमानानां सवितैतानि सावित्राण्यपश्यद् यत् सवितापश्यत् तस्मात् सावित्राणि स एताम् अष्टागृहीताम् आहुतिम् अजुहोत् तां हुत्वेमाम् अष्टधाविहिताम् अषाढाम् अपश्यत् पुरैव सृष्टां सतीम्

cetayadhvam iti citimicchateti vāva tadabruvaṃs teṣāṃ cetayamānānāṃ savitaitāni sāvitrāṇyapaśyad yat savitāpaśyat tasmāt sāvitrāṇi sa etām aṣṭāgṛhītām āhutim ajuhot tāṃ hutvemām aṣṭadhāvihitām aṣāḍhām apaśyat puraiva sṛṣṭāṃ satīm

6.3.1.2

ते यदब्रुवन् चेतयध्वमिति चितिमिच्छतेति वाव तदब्रुवन् यच्चेतयमाना अपश्यंस् तस्माच्चितिर् आहुतिर्वै यज्ञो यदिष्ट्वापश्यत्तस्मादिष्टका

te yadabruvan cetayadhvamiti citimicchateti vāva tadabruvan yaccetayamānā apaśyaṃs tasmāccitir āhutirvai yajño yadiṣṭvāpaśyattasmādiṣṭakā

6.3.1.3

तां वा एताम्

tāṃ vā etām

Śatapathabrāhmaṇa