5.5.2.6.2

सौम्यश्चरुः सावित्रो द्वादशकपालो वाष्टाकपालो वा पुरोडाशो बार्हस्पत्यश् चरुस्त्वाष्ट्रो दशकपालः पुरोडाशो वैश्वानरो द्वादशकपाल एतानि षट् पूर्वाणि हवींषि भवन्ति

saumyaścaruḥ sāvitro dvādaśakapālo vāṣṭākapālo vā puroḍāśo bārhaspatyaś carustvāṣṭro daśakapālaḥ puroḍāśo vaiśvānaro dvādaśakapāla etāni ṣaṭ pūrvāṇi havīṃṣi bhavanti

5.5.2.7

षडेवोत्तरे चरवः

ṣaḍevottare caravaḥ

5.5.2.7.2

सारस्वतश्चरुः पौष्णश्चरुर् मैत्रश्चरुः क्षैत्रपत्यश्चरुर् वारुणश्चरुर् आदित्यश्चरुर् एत उ षडुत्तरे चरवः

sārasvataścaruḥ pauṣṇaścarur maitraścaruḥ kṣaitrapatyaścarur vāruṇaścarur ādityaścarur eta u ṣaḍuttare caravaḥ

5.5.2.8

अथ श्येनीं विचित्रगर्भामदित्या आलभते

atha śyenīṃ vicitragarbhāmadityā ālabhate

5.5.2.8.2

तस्या एषैवावृद् याष्टापद्यै वशाया इयं वा अदितिर् अस्या एवैनमेतद्गर्भं करोति तस्या एतादृश्येव श्येनी विचित्रगर्भा दक्षिणा

tasyā eṣaivāvṛd yāṣṭāpadyai vaśāyā iyaṃ vā aditir asyā evainametadgarbhaṃ karoti tasyā etādṛśyeva śyenī vicitragarbhā dakṣiṇā

5.5.2.9

अथ पृषतीं विचित्रगर्भाम् मरुद्भ्य आलभते

atha pṛṣatīṃ vicitragarbhām marudbhya ālabhate

5.5.2.9.2

तस्या एषैवावृद् विशो वै मरुतो विशामेवैनमेतद्गर्भं करोति तस्यां एतादृश्येव पृषती विचित्रगर्भा दक्षिणा

tasyā eṣaivāvṛd viśo vai maruto viśāmevainametadgarbhaṃ karoti tasyāṃ etādṛśyeva pṛṣatī vicitragarbhā dakṣiṇā

5.5.2.10

एतौ पशुबन्धौ

etau paśubandhau

5.5.2.10.2

तदेतावेव सन्तावन्यथेवालभन्ते यामदित्या आलभन्त आदित्येभ्यस्तामालभन्ते सर्वं वा आदित्याः सर्वस्यैवैनमेतद्गर्भं करोति याम् मरुद्भ्य आलभन्ते विश्वेभ्यस्तां देवेभ्य आलभन्ते सर्वं वै विश्वे देवाः सर्वस्यैवैनमेतद्गर्भं करोति

tadetāveva santāvanyathevālabhante yāmadityā ālabhanta ādityebhyastāmālabhante sarvaṃ vā ādityāḥ sarvasyaivainametadgarbhaṃ karoti yām marudbhya ālabhante viśvebhyastāṃ devebhya ālabhante sarvaṃ vai viśve devāḥ sarvasyaivainametadgarbhaṃ karoti

5.5.3.1

अभिषेचनीयेनेष्ट्वा

abhiṣecanīyeneṣṭvā

5.5.3.1.2

केशान्न वपते तद् यत् केशान् न वपते वीर्यं वा एतद् अपां रसः संभृतो भवति येनैनम् एतद् अभिषिञ्चति तस्याभिषिक्तस्य केशान् प्रथमान् प्राप्नोति स यत् केशान्वपेतैतां श्रियम् जिह्मां विनाशयेद् व्युदुह्यात् तस्मात् केशान् न वपते

keśānna vapate tad yat keśān na vapate vīryaṃ vā etad apāṃ rasaḥ saṃbhṛto bhavati yenainam etad abhiṣiñcati tasyābhiṣiktasya keśān prathamān prāpnoti sa yat keśānvapetaitāṃ śriyam jihmāṃ vināśayed vyuduhyāt tasmāt keśān na vapate

5.5.3.2

संवत्सरं न वपते

saṃvatsaraṃ na vapate

5.5.3.2.2

संवत्सरसंमिता वै व्रतचर्या तस्मात् संवत्सरं न वपते स एष व्रतविसर्जनीयोपयोगो नाम स्तोमो भवति केशवपनीयः

saṃvatsarasaṃmitā vai vratacaryā tasmāt saṃvatsaraṃ na vapate sa eṣa vratavisarjanīyopayogo nāma stomo bhavati keśavapanīyaḥ

5.5.3.3

तस्यैकविंशम् प्रातःसवनम्

tasyaikaviṃśam prātaḥsavanam

5.5.3.3.2

सप्तदशम् माध्यन्दिनं सवनम् पञ्चदशं तृतीयसवनं सहोक्थैः सह षोडशिना सह रात्र्या

saptadaśam mādhyandinaṃ savanam pañcadaśaṃ tṛtīyasavanaṃ sahokthaiḥ saha ṣoḍaśinā saha rātryā

5.5.3.4

त्रिवृद्राथन्तरः संधिर्भवति

trivṛdrāthantaraḥ saṃdhirbhavati

5.5.3.4.2

एष एवैकविंशो य एष तपति स एतस्माद् एकविंशाद् अपयुङ्क्ते स सप्तदशम् अभिप्रत्यवैति सप्तदशात् पञ्चदशम् पञ्चदशाद् अस्यामेव त्रिवृति प्रतिष्ठायाम् प्रतितिष्ठति

eṣa evaikaviṃśo ya eṣa tapati sa etasmād ekaviṃśād apayuṅkte sa saptadaśam abhipratyavaiti saptadaśāt pañcadaśam pañcadaśād asyāmeva trivṛti pratiṣṭhāyām pratitiṣṭhati

5.5.3.5

तस्य रथन्तरम् पृष्ठम् भवति

tasya rathantaram pṛṣṭham bhavati

5.5.3.5.2

इयं वै रथन्तरम् अस्याम् एवैतत् प्रतिष्ठायाम् प्रतितिष्ठत्य् अतिरात्रो भवति प्रतिष्ठा वा अतिरात्रस् तस्मादतिरात्रो भवति

iyaṃ vai rathantaram asyām evaitat pratiṣṭhāyām pratitiṣṭhaty atirātro bhavati pratiṣṭhā vā atirātras tasmādatirātro bhavati

5.5.3.6

स वै न्येव वर्तयते केशान्न वपते वीर्यं वा एतद् अपां रसः संभृतो भवति येनैनमेतदभिषिञ्चति तस्याभिषिक्तस्य केशान् प्रथमान् प्राप्नोति स यत्केशान्वपेतैतां श्रियं जिह्मां विनाशयेद् व्युह्याद् अथ यन् निवर्तयते तदात्मन्येवैतां श्रियं नियुनक्ति तस्मान्न्येव वर्तयते केशान्न वपते तस्यैषैव व्रतचर्या भवति यावज्जीवं नास्याम् प्रतितिष्ठति

sa vai nyeva vartayate keśānna vapate vīryaṃ vā etad apāṃ rasaḥ saṃbhṛto bhavati yenainametadabhiṣiñcati tasyābhiṣiktasya keśān prathamān prāpnoti sa yatkeśānvapetaitāṃ śriyaṃ jihmāṃ vināśayed vyuhyād atha yan nivartayate tadātmanyevaitāṃ śriyaṃ niyunakti tasmānnyeva vartayate keśānna vapate tasyaiṣaiva vratacaryā bhavati yāvajjīvaṃ nāsyām pratitiṣṭhati

Śatapathabrāhmaṇa