1.2.2.16.2

नेदेनमुपरिष्टान्नाष्ट्रा रक्षांस्य् अवपश्यान् इति नेद् व् एव नग्न इव मुषित इव शयाता इत्य् उ चैव तस्माद्वा अभिवासयति

nedenamupariṣṭānnāṣṭrā rakṣāṃsy avapaśyān iti ned v eva nagna iva muṣita iva śayātā ity u caiva tasmādvā abhivāsayati

1.2.2.17

सो ऽभिवासयति

so 'bhivāsayati

1.2.2.17.2

अतमेरुर्यज्ञो ऽतमेरुर्यजमानस्य प्रजा भूयादिति नेद् एतद् अनु यज्ञो वा यजमानो वा ताम्याद् यदिदम् अभिवासयामीति तस्माद् एवम् अभिवासयति

atameruryajño 'tameruryajamānasya prajā bhūyāditi ned etad anu yajño vā yajamāno vā tāmyād yadidam abhivāsayāmīti tasmād evam abhivāsayati

1.2.2.18

अथ पात्रीनिर्णेजनम्

atha pātrīnirṇejanam

1.2.2.18.2

अङ्गुलिप्रणेजनमाप्त्येभ्यो निनयति तद्यदाप्त्येभ्यो निनयति

aṅgulipraṇejanamāptyebhyo ninayati tadyadāptyebhyo ninayati

1.2.3.1

चतुर्धा विहितो ह वा अग्रे ऽग्निरास

caturdhā vihito ha vā agre 'gnirāsa

1.2.3.1.2

स यमग्रे ऽग्निं होत्राय प्रावृणत स प्राधन्वद् यं द्वितीयम् प्रावृणत स प्रैवाधन्वद् यं तृतीयम् प्रावृणत स प्रैवाधन्वद् अथ यो ऽयमेतर्ह्यग्निं स भीषा निलिल्ये सो ऽपः प्रविवेश तं देवा अनुविद्य सहसैवाद्भ्य आनिन्युः सो ऽपो ऽभितिष्ठेवावष्ठ्यूता स्थ या अप्रपदनं स्थ याभ्यो वो माम् अकामं नयन्तीति तत आप्त्याः संबभूवुस्त्रितो द्वित

sa yamagre 'gniṃ hotrāya prāvṛṇata sa prādhanvad yaṃ dvitīyam prāvṛṇata sa praivādhanvad yaṃ tṛtīyam prāvṛṇata sa praivādhanvad atha yo 'yametarhyagniṃ sa bhīṣā nililye so 'paḥ praviveśa taṃ devā anuvidya sahasaivādbhya āninyuḥ so 'po 'bhitiṣṭhevāvaṣṭhyūtā stha yā aprapadanaṃ stha yābhyo vo mām akāmaṃ nayantīti tata āptyāḥ saṃbabhūvustrito dvita

1.2.3.2

त इन्द्रेण सह चेरुः

ta indreṇa saha ceruḥ

1.2.3.2.2

यथेदम् ब्राह्मणो राजानमनुचरति स यत्र त्रिशीर्षाणं त्वाष्ट्रं विश्वरूपं जघान तस्य हैते ऽपि वध्यस्य विदांचक्रुः शश्वद्धैनं त्रित एव जघानात्य् अह तदिन्द्रो ऽमुच्यत देवो हि सः

yathedam brāhmaṇo rājānamanucarati sa yatra triśīrṣāṇaṃ tvāṣṭraṃ viśvarūpaṃ jaghāna tasya haite 'pi vadhyasya vidāṃcakruḥ śaśvaddhainaṃ trita eva jaghānāty aha tadindro 'mucyata devo hi saḥ

1.2.3.3

त उ हैत ऊचुः

ta u haita ūcuḥ

1.2.3.3.2

उपैवेम एनो गच्छन्तु ये ऽस्य वध्यस्यावेदिषुरिति किमिति यज्ञ एवैषु मृष्टाम् इति तदेष्वेतद् यज्ञो मृष्टे यद् एभ्यः पात्रीनिर्णेजनम् अङ्गुलिप्रणेजनं निनयन्ति

upaivema eno gacchantu ye 'sya vadhyasyāvediṣuriti kimiti yajña evaiṣu mṛṣṭām iti tadeṣvetad yajño mṛṣṭe yad ebhyaḥ pātrīnirṇejanam aṅgulipraṇejanaṃ ninayanti

1.2.3.4

त उ हाप्त्या ऊचुः

ta u hāptyā ūcuḥ

1.2.3.4.2

अत्येव वयमिदमस्मत्परो नयामेति कमभीति य एवादक्षिणेन हविषा यजाता इति तस्मान्नादक्षिणेन हविषा यजेताप्त्येषु ह यज्ञो मृष्ट आप्त्या उ ह तस्मिन्मृजते यो ऽदक्षिणेन हविषा यजते

atyeva vayamidamasmatparo nayāmeti kamabhīti ya evādakṣiṇena haviṣā yajātā iti tasmānnādakṣiṇena haviṣā yajetāptyeṣu ha yajño mṛṣṭa āptyā u ha tasminmṛjate yo 'dakṣiṇena haviṣā yajate

1.2.3.5

ततो देवाः

tato devāḥ

1.2.3.5.2

एताम् दर्शपूर्णमासयोर् दक्षिणाम् अकल्पन् यदन्वाहार्यं नेददक्षिणं हविरसदिति तन्नाना निनयति तथैभ्यो ऽसमदं करोति तदभितपति तथैषां शृतम् भवति स निनयति त्रिताय त्वा द्विताय त्वैकताय त्वेति पशुर्ह वा एष आलभ्यते यत्पुरोडाशः

etām darśapūrṇamāsayor dakṣiṇām akalpan yadanvāhāryaṃ nedadakṣiṇaṃ havirasaditi tannānā ninayati tathaibhyo 'samadaṃ karoti tadabhitapati tathaiṣāṃ śṛtam bhavati sa ninayati tritāya tvā dvitāya tvaikatāya tveti paśurha vā eṣa ālabhyate yatpuroḍāśaḥ

1.2.3.6

पुरुषं ह वै देवाः

puruṣaṃ ha vai devāḥ

1.2.3.6.2

अग्रे पशुमालेभिरे तस्यालब्धस्य मेधो ऽपचक्राम सो ऽश्वं प्रविवेश ते ऽश्वमालभन्त तस्यालब्धस्य मेधो ऽपचक्राम स गाम् प्रविवेश ते गाम् आलभन्त तस्यालब्धस्य मेधो ऽपचक्राम सो ऽविम् प्रविवेश ते ऽविम् आलभन्त तस्यालब्धस्य मेधो ऽपचक्राम सो ऽजम् प्रविवेश ते ऽजमालभन्त तस्यालब्धस्य मेधो ऽपचक्राम

agre paśumālebhire tasyālabdhasya medho 'pacakrāma so 'śvaṃ praviveśa te 'śvamālabhanta tasyālabdhasya medho 'pacakrāma sa gām praviveśa te gām ālabhanta tasyālabdhasya medho 'pacakrāma so 'vim praviveśa te 'vim ālabhanta tasyālabdhasya medho 'pacakrāma so 'jam praviveśa te 'jamālabhanta tasyālabdhasya medho 'pacakrāma

1.2.3.7

स इमाम् पृथिवीम् प्रविवेश

sa imām pṛthivīm praviveśa

1.2.3.7.2

तं खनन्त इवान्वीषुस् तमन्वविन्दंस् ताविमौ व्रीहियवौ तस्मादप्येतावेतर्हि खनन्त इवैवानुविन्दन्ति स यावद्वीर्यवद्ध वा अस्यैते सर्वे पशव आलब्धाः स्युस् तावद्वीर्यवद्धास्य हविरेव भवति य एवमेतद् वेदात्रो सा सम्पद्यदाहुः पाङ्क्तः पशुरिति

taṃ khananta ivānvīṣus tamanvavindaṃs tāvimau vrīhiyavau tasmādapyetāvetarhi khananta ivaivānuvindanti sa yāvadvīryavaddha vā asyaite sarve paśava ālabdhāḥ syus tāvadvīryavaddhāsya havireva bhavati ya evametad vedātro sā sampadyadāhuḥ pāṅktaḥ paśuriti

1.2.3.8

यदा पिष्टान्यथ लोमानि भवन्ति

yadā piṣṭānyatha lomāni bhavanti

Śatapathabrāhmaṇa