5.3.2.8.2

तम् मैत्रेण पात्रेणापिदधाति तदाज्यमानयति तत्तण्डुलानावपति स एष ऊष्मणैव श्रप्यते वरुण्यो वा एष यो ऽग्निना शृतो ऽथैष मैत्रो य ऊष्मणा शृतस्तस्मादूष्मणा शृतो भवति तयोरुभयोरवद्यन्नाह मित्राबृहस्पतिभ्याम् अनुब्रूहीत्य् आश्राव्याह मित्राबृहस्पती यजेति वषट्कृते जुहोति

tam maitreṇa pātreṇāpidadhāti tadājyamānayati tattaṇḍulānāvapati sa eṣa ūṣmaṇaiva śrapyate varuṇyo vā eṣa yo 'gninā śṛto 'thaiṣa maitro ya ūṣmaṇā śṛtastasmādūṣmaṇā śṛto bhavati tayorubhayoravadyannāha mitrābṛhaspatibhyām anubrūhīty āśrāvyāha mitrābṛhaspatī yajeti vaṣaṭkṛte juhoti

5.3.3.1

स वै दीक्षते

sa vai dīkṣate

5.3.3.1.2

स उपवसथे ऽग्नीषोमीयम् पशुमालभते तस्य वपया प्रचर्याग्नीषोमीयम् एकादशकपालम् पुरोडाशम् निर्वपति तदनु देवस्वां हवींषि निरुप्यन्ते

sa upavasathe 'gnīṣomīyam paśumālabhate tasya vapayā pracaryāgnīṣomīyam ekādaśakapālam puroḍāśam nirvapati tadanu devasvāṃ havīṃṣi nirupyante

5.3.3.2

सवित्रे सत्यप्रसवाय

savitre satyaprasavāya

5.3.3.2.2

द्वादशकपालं वाष्टाकपालं वा पुरोडाशं निर्वपति प्लाशुकानां व्रीहीणां सविता वै देवानाम् प्रसविता सवितृप्रसूतः सूया इत्य् अथ यत्प्लाशुकानां व्रीहीणां क्षिप्रे मा प्रसुवानिति

dvādaśakapālaṃ vāṣṭākapālaṃ vā puroḍāśaṃ nirvapati plāśukānāṃ vrīhīṇāṃ savitā vai devānām prasavitā savitṛprasūtaḥ sūyā ity atha yatplāśukānāṃ vrīhīṇāṃ kṣipre mā prasuvāniti

5.3.3.3

अथाग्नये गृहपतये

athāgnaye gṛhapataye

5.3.3.3.2

अष्टाकपालम् पुरोडाशं निर्वपत्याशूनां श्रीर्वै गार्हपतं यावतो यावत ईष्टे तदेनमग्निरेव गृहपतिर्गार्हपतमभि परिणयत्य् अथ यदाशूनां क्षिप्रे मा परिणयानिति

aṣṭākapālam puroḍāśaṃ nirvapatyāśūnāṃ śrīrvai gārhapataṃ yāvato yāvata īṣṭe tadenamagnireva gṛhapatirgārhapatamabhi pariṇayaty atha yadāśūnāṃ kṣipre mā pariṇayāniti

5.3.3.4

अथ सोमाय वनस्पतये

atha somāya vanaspataye

5.3.3.4.2

श्यामाकं चरुम् निर्वपति तदेनं सोम एव वनस्पतिरोषधिभ्यः सुवत्यथ यच्छ्यामाको भवत्येते वै सोमस्यौषधीनां प्रत्यक्षतमां यच्छ्यामाकास् तस्माच्छ्यामाको भवति

śyāmākaṃ carum nirvapati tadenaṃ soma eva vanaspatiroṣadhibhyaḥ suvatyatha yacchyāmāko bhavatyete vai somasyauṣadhīnāṃ pratyakṣatamāṃ yacchyāmākās tasmācchyāmāko bhavati

5.3.3.5

अथ बृहस्पतये वाचे

atha bṛhaspataye vāce

5.3.3.5.2

नैवारं चरुं निर्वपति तदेनम् बृहस्पतिरेव वाचे सुवत्य् अथ यन्नैवारो भवति ब्रह्म वै बृहस्पतिर् एते वै ब्रह्मणा पच्यन्ते यन् नीवारास् तस्मान्नैवारो भवति

naivāraṃ caruṃ nirvapati tadenam bṛhaspatireva vāce suvaty atha yannaivāro bhavati brahma vai bṛhaspatir ete vai brahmaṇā pacyante yan nīvārās tasmānnaivāro bhavati

5.3.3.6

अथेन्द्राय ज्येष्ठाय

athendrāya jyeṣṭhāya

5.3.3.6.2

हायनानां चरुं निर्वपति तदेनमिन्द्र एव ज्येष्ठो ज्यैष्ठ्यमभि परिणयत्यथ यद्धायनानाम् भवत्य् अतिष्ठा वा एता ओषधयो यद्धायना अतिष्ठो वा इन्द्रस्तस्माद्धायनानाम् भवति

hāyanānāṃ caruṃ nirvapati tadenamindra eva jyeṣṭho jyaiṣṭhyamabhi pariṇayatyatha yaddhāyanānām bhavaty atiṣṭhā vā etā oṣadhayo yaddhāyanā atiṣṭho vā indrastasmāddhāyanānām bhavati

5.3.3.7

अथ रुद्राय पशुपतये

atha rudrāya paśupataye

5.3.3.7.2

रौद्रं गावेधुकं चरुं निर्वपति तदेनं रुद्र एव पशुपतिः पशुभ्यः सुवत्य् अथ यद् गावेधुको भवति वास्तव्यो वा एष देवो वास्तव्या गवेधुकास् तस्माद्गावेधुको भवति

raudraṃ gāvedhukaṃ caruṃ nirvapati tadenaṃ rudra eva paśupatiḥ paśubhyaḥ suvaty atha yad gāvedhuko bhavati vāstavyo vā eṣa devo vāstavyā gavedhukās tasmādgāvedhuko bhavati

5.3.3.8

अथ मित्राय सत्याय

atha mitrāya satyāya

5.3.3.8.2

नाम्बानां चरुं निर्वपति तदेनम् मित्र एव सत्यो ब्रह्मणे सुवत्यथ यन्नाम्बानाम् भवति वरुण्या वा एता ओषधयो याः कृष्टे जायन्ते ऽथैते मैत्रा यन् नाम्बास् तस्मान्नाम्बानाम् भवति

nāmbānāṃ caruṃ nirvapati tadenam mitra eva satyo brahmaṇe suvatyatha yannāmbānām bhavati varuṇyā vā etā oṣadhayo yāḥ kṛṣṭe jāyante 'thaite maitrā yan nāmbās tasmānnāmbānām bhavati

5.3.3.9

अथ वरुणाय धर्मपतये

atha varuṇāya dharmapataye

5.3.3.9.2

वारुणं यवमयं चरुं निर्वपति तदेनं वरुण एव धर्मपतिर् धर्मस्य पतिं करोति परमता वै सा यो धर्मस्य पतिर् असद् यो हि परमतां गच्छति तं हि धर्म उपयन्ति तस्माद्वरुणाय धर्मपतये

vāruṇaṃ yavamayaṃ caruṃ nirvapati tadenaṃ varuṇa eva dharmapatir dharmasya patiṃ karoti paramatā vai sā yo dharmasya patir asad yo hi paramatāṃ gacchati taṃ hi dharma upayanti tasmādvaruṇāya dharmapataye

5.3.3.10

अथाग्नीषोमीयेन पुरोडाशेन प्रचरति

athāgnīṣomīyena puroḍāśena pracarati

Śatapathabrāhmaṇa