Rāseśvaradarśana.1

अपरे माहेश्वराः परमेश्वरतादात्म्यवादिनोऽपि पिण्डस्थैर्ये सर्वाभिमता जीवन्मुक्तिः सेत्स्यतीत्यास्थाय पिण्डस्थैर्योपायं पारदादिपदवेदनीयं रसमेव संगिरन्ते रसस्य पारदत्वं संसारपरपारप्रापणहेतुत्वेन

apare māheśvarāḥ parameśvaratādātmyavādino'pi piṇḍasthairye sarvābhimatā jīvanmuktiḥ setsyatītyāsthāya piṇḍasthairyopāyaṃ pāradādipadavedanīyaṃ rasameva saṃgirante rasasya pāradatvaṃ saṃsāraparapāraprāpaṇahetutvena

Rāseśvaradarśana.2

तदुक्तम्

taduktam

Rāseśvaradarśana.2.2

संसारस्य परं पारं दत्तेऽसौ पारदः स्मृत इति

saṃsārasya paraṃ pāraṃ datte'sau pāradaḥ smṛta iti

Rāseśvaradarśana.3

रसार्णवेऽपि

rasārṇave'pi

Rāseśvaradarśana.3.2

पारदो गदितो यस्मात् परार्थं साधकोत्तमैः

pārado gadito yasmāt parārthaṃ sādhakottamaiḥ

Rāseśvaradarśana.3.3

सुप्तोऽयं मत्समो देवि मम प्रत्यङ्गसम्भवः

supto'yaṃ matsamo devi mama pratyaṅgasambhavaḥ

Rāseśvaradarśana.3.4

मम देहरसो यस्माद् रसस्तेनायम् उच्यते

mama deharaso yasmād rasastenāyam ucyate

Rāseśvaradarśana.3.5

इति

iti

Rāseśvaradarśana.4

प्रकारान्तरेणापि जीवन्मुक्तियुक्तौ नेयं वाचोयुक्तिर्युक्तिमतीति चेन् न षट्स्वपि दर्शनेषु देहपातानन्तरं मुक्तेर् उक्ततया तत्र विश्वासानुपपत्त्या निर्विचिकित्सप्रवृत्तेरनुपपत्तेः

prakārāntareṇāpi jīvanmuktiyuktau neyaṃ vācoyuktiryuktimatīti cen na ṣaṭsvapi darśaneṣu dehapātānantaraṃ mukter uktatayā tatra viśvāsānupapattyā nirvicikitsapravṛtteranupapatteḥ

Rāseśvaradarśana.5

तदप्युक्तं तथैव

tadapyuktaṃ tathaiva

Rāseśvaradarśana.5.2

षड्दर्शनेऽपि मुक्तिस्तु दर्शिता पिण्डपातने

ṣaḍdarśane'pi muktistu darśitā piṇḍapātane

Rāseśvaradarśana.5.3

करामलकवत्सापि प्रत्यक्षा नोपलभ्यते

karāmalakavatsāpi pratyakṣā nopalabhyate

Rāseśvaradarśana.5.4

तस्मात् तं रक्षयेत्पिण्डं रसैश्चैव रसायनैरिति

tasmāt taṃ rakṣayetpiṇḍaṃ rasaiścaiva rasāyanairiti

Rāseśvaradarśana.6

गोविन्दभगवत्पादाचार्यैर् अपि

govindabhagavatpādācāryair api

Rāseśvaradarśana.6.2

इति धनशरीरभोगान्मत्वा नित्यान् सदैव यतनीयम्

iti dhanaśarīrabhogānmatvā nityān sadaiva yatanīyam

Rāseśvaradarśana.6.3

मुक्तौ सा च ज्ञानात् तच्चाभ्यासात् स च स्थिरे देहे इति

muktau sā ca jñānāt taccābhyāsāt sa ca sthire dehe iti

Rāseśvaradarśana.7

ननु विनश्वरतया दृश्यमानस्य देहस्य कथं नित्यत्वम् अवमीयत इति चेन्मैवं मंस्थाः षाट्कौशिकस्य शरीरस्यानित्यत्वे रसाभ्रकपदाभिलप्यहरगौरीसृष्टिजातस्य नित्यत्वोपपत्तेः

nanu vinaśvaratayā dṛśyamānasya dehasya kathaṃ nityatvam avamīyata iti cenmaivaṃ maṃsthāḥ ṣāṭkauśikasya śarīrasyānityatve rasābhrakapadābhilapyaharagaurīsṛṣṭijātasya nityatvopapatteḥ

Rāseśvaradarśana.8

तथा च रसहृदये

tathā ca rasahṛdaye

Rāseśvaradarśana.8.2

ये चात्यक्तशरीरा हरगौरीसृष्टिजान्तरं प्राप्ताः

ye cātyaktaśarīrā haragaurīsṛṣṭijāntaraṃ prāptāḥ

Rāseśvaradarśana.8.3

वन्द्यास्ते रससिद्धा मन्त्रगणः किंकरो येषामिति

vandyāste rasasiddhā mantragaṇaḥ kiṃkaro yeṣāmiti

Sarvadarśanasaṃgraha