16.5.11

तृतीयया पृच्छति

tṛtīyayā pṛcchati

16.5.12

चतुर्थ्या प्रत्याह

caturthyā pratyāha

16.6.1

पृच्छामि त्वा चितये देवसख यदि त्वम् अत्र मनसा जगन्थ

pṛcchāmi tvā citaye devasakha yadi tvam atra manasā jagantha

16.6.1.2

केषु विष्णुस् त्रिषु पदेष्व् इष्टः केषु विश्वं भुवनम् आविवेश

keṣu viṣṇus triṣu padeṣv iṣṭaḥ keṣu viśvaṃ bhuvanam āviveśa

16.6.2

अपि तेषु त्रिषु पदेष्व् अस्मि येषु विश्वं भुवनम् आविवेश

api teṣu triṣu padeṣv asmi yeṣu viśvaṃ bhuvanam āviveśa

16.6.2.2

सद्यः पर्येमि पृथिवीम् उत द्याम् एकेनाङ्गेन दिवो ऽस्य पृष्ठम्

sadyaḥ paryemi pṛthivīm uta dyām ekenāṅgena divo 'sya pṛṣṭham

16.6.3

केष्व् अन्तः पुरुष आविवेश कान्य् अन्तः पुरुषे ऽर्पितानि

keṣv antaḥ puruṣa āviveśa kāny antaḥ puruṣe 'rpitāni

16.6.3.2

एतद् ब्रह्मन्न् उपवल्हामसि त्वा किं स्विन् नः प्रतिवोचास्य् अत्र

etad brahmann upavalhāmasi tvā kiṃ svin naḥ prativocāsy atra

16.6.4

पञ्चस्व् अन्तः पुरुष आविवेश तान्य् अन्तः पुरुषे ऽर्पितानि

pañcasv antaḥ puruṣa āviveśa tāny antaḥ puruṣe 'rpitāni

16.6.4.2

एतत् त्वात्र प्रतिमन्वानो ऽस्मि न मायया भवस्य् उत्तरो मत्

etat tvātra pratimanvāno 'smi na māyayā bhavasy uttaro mat

16.6.4.2

पृच्छामि त्वा परम् अन्तम् पृथिव्याः इति यजमानम् पृच्छति

pṛcchāmi tvā param antam pṛthivyāḥ iti yajamānam pṛcchati

16.6.10

उत्तरया प्रत्याह

uttarayā pratyāha

16.7.1

सुभूः स्वयम्भूः प्रथमम् अन्तर् महति अर्णवे दधे ह गर्भम् ऋत्वियम् यतस् जातः प्रजापतिः इति महिम्नः पुरोनुवाक्या

subhūḥ svayambhūḥ prathamam antar mahati arṇave dadhe ha garbham ṛtviyam yatas jātaḥ prajāpatiḥ iti mahimnaḥ puronuvākyā

16.7.2

होता यक्षत् प्रजापतिम् इति प्रैषः

hotā yakṣat prajāpatim iti praiṣaḥ

16.7.3

प्रजापते न त्वत् इति याज्या

prajāpate na tvat iti yājyā

16.7.4

प्राजापत्यस्य वपया चरित्वा तत् अनु अन्याः वपाः जुहुयुः इति ह एके आहुः

prājāpatyasya vapayā caritvā tat anu anyāḥ vapāḥ juhuyuḥ iti ha eke āhuḥ

16.7.5

प्रजापतिम् वै अनु अन्याः देवताः

prajāpatim vai anu anyāḥ devatāḥ

16.7.6

तत् एनाः यथायथम् प्रीणाति इति

tat enāḥ yathāyatham prīṇāti iti

16.7.7

ऐन्द्राग्नस्य वा वैश्वदेवस्य वा

aindrāgnasya vā vaiśvadevasya vā

16.7.8

किम् उत त्वरेरन् इति ह स्म आह इन्द्रोतः शौनकः

kim uta tvareran iti ha sma āha indrotaḥ śaunakaḥ

Śāṅkhāyanaśrautasūtra