6.2.3

दिशो यथारूपम् उपतिष्ठते

diśo yathārūpam upatiṣṭhate

6.3.1

अस्यां मे प्राच्यां दिशि सूर्यश् च चन्द्रश् चाधिपती सूर्यश् च चन्द्रश्च मैतस्यै दिशः पातां सूर्यं च चन्द्रं च स देवतानाम् ऋच्छतु यो नो ऽतो ऽभिदासतीति प्राचीम्

asyāṃ me prācyāṃ diśi sūryaś ca candraś cādhipatī sūryaś ca candraśca maitasyai diśaḥ pātāṃ sūryaṃ ca candraṃ ca sa devatānām ṛcchatu yo no 'to 'bhidāsatīti prācīm

6.3.2

अस्यां मे दक्षिणस्यां दिशि यमश् च मृत्युश् चाधिपती यमश् च मृत्युश् च मैतस्यै दिशः पातां यमं च मृत्युं च स देवतानामृच्छतु यो नो ऽतो ऽभिदासतीति दक्षिणाम्

asyāṃ me dakṣiṇasyāṃ diśi yamaś ca mṛtyuś cādhipatī yamaś ca mṛtyuś ca maitasyai diśaḥ pātāṃ yamaṃ ca mṛtyuṃ ca sa devatānāmṛcchatu yo no 'to 'bhidāsatīti dakṣiṇām

6.3.3

अस्यां मे प्रतीच्यां दिशि मित्रश् च वरुणश् चाधिपती मित्रश् च वरुणश् च मैतस्यै दिशः पातां मित्रं च वरुणं च स देवतानामृच्छतु यो नो ऽतो ऽभिदासतीति प्रतीचीम्

asyāṃ me pratīcyāṃ diśi mitraś ca varuṇaś cādhipatī mitraś ca varuṇaś ca maitasyai diśaḥ pātāṃ mitraṃ ca varuṇaṃ ca sa devatānāmṛcchatu yo no 'to 'bhidāsatīti pratīcīm

6.3.4

अस्यां म उदीच्यां दिशि सोमश् च रुद्रश् चाधिपती सोमश्च रुद्रश् च मैतस्यै दिशः पातां सोमं च रुद्रं च स देवतानामृच्छतु यो नो ऽतो ऽभिदासतीति सव्यावृद् उदीचीम्

asyāṃ ma udīcyāṃ diśi somaś ca rudraś cādhipatī somaśca rudraś ca maitasyai diśaḥ pātāṃ somaṃ ca rudraṃ ca sa devatānāmṛcchatu yo no 'to 'bhidāsatīti savyāvṛd udīcīm

6.3.5

अस्यां म ऊर्ध्वायां दिशि बृहस्पतिश् चेन्द्रश् चाधिपती बृहस्पतिश् चेन्द्रश् च मैतस्यै दिशः पातां बृहस्पतिं चेन्द्रं च स देवतानामृच्छतु यो नो ऽतो ऽभिदासतीति प्राङूर्ध्वाम्

asyāṃ ma ūrdhvāyāṃ diśi bṛhaspatiś cendraś cādhipatī bṛhaspatiś cendraś ca maitasyai diśaḥ pātāṃ bṛhaspatiṃ cendraṃ ca sa devatānāmṛcchatu yo no 'to 'bhidāsatīti prāṅūrdhvām

6.3.6

अस्मिन् मे ऽन्तरिक्षे वायुश् च वृष्टिश् चाधिपती वायुश् च वृष्टिश् च मैतस्यै दिशः पातां वायुं च वृष्टिं च स देवतानामृच्छतु यो नो ऽतो ऽभिदासतीत्य् अन्तरिक्षम्

asmin me 'ntarikṣe vāyuś ca vṛṣṭiś cādhipatī vāyuś ca vṛṣṭiś ca maitasyai diśaḥ pātāṃ vāyuṃ ca vṛṣṭiṃ ca sa devatānāmṛcchatu yo no 'to 'bhidāsatīty antarikṣam

6.3.7

अस्यां मे पृथिव्याम् अग्निश् चान्नं चाधिपती अग्निश् चान्नं च मैतस्यै दिशः पाताम् अग्निं च अन्नं च स देवतानामृच्छतु यो नो ऽतो ऽभिदासतीति पृथिवीम्

asyāṃ me pṛthivyām agniś cānnaṃ cādhipatī agniś cānnaṃ ca maitasyai diśaḥ pātām agniṃ ca annaṃ ca sa devatānāmṛcchatu yo no 'to 'bhidāsatīti pṛthivīm

6.3.8

बृहद्रथन्तरे म ऊरू वामदेव्यम् आत्मा यज्ञायज्ञीयं प्रतिष्ठा भूर् अहं भुवर् अहं स्वर् अहम् अश्माहम् अश्माखणः सुत्रामाणम् इति जपित्वा दक्षिणावृद् आग्नीध्रीये भूर् भुवः स्वः स्वाहा अग्नये स्वाहोषसे स्वाहाश्विभ्यां स्वाहा सरस्वत्यै स्वाहा जुषाणानि महांसि सवनान्याज्यस्य व्यन्तु स्वाहेति स्रुवेण हुत्वा सव्यावृद्धविर्धानयोः पूर्वस्यां द्वार्य् उपविशति

bṛhadrathantare ma ūrū vāmadevyam ātmā yajñāyajñīyaṃ pratiṣṭhā bhūr ahaṃ bhuvar ahaṃ svar aham aśmāham aśmākhaṇaḥ sutrāmāṇam iti japitvā dakṣiṇāvṛd āgnīdhrīye bhūr bhuvaḥ svaḥ svāhā agnaye svāhoṣase svāhāśvibhyāṃ svāhā sarasvatyai svāhā juṣāṇāni mahāṃsi savanānyājyasya vyantu svāheti sruveṇa hutvā savyāvṛddhavirdhānayoḥ pūrvasyāṃ dvāry upaviśati

6.3.9

देवेभ्यः प्रातर्यावभ्य इत्य् उक्तो हिंकृत्य मध्यमया वाचा प्रातरनुवाकम् अन्वाह

devebhyaḥ prātaryāvabhya ity ukto hiṃkṛtya madhyamayā vācā prātaranuvākam anvāha

6.3.10

त्रीणि पदानि समस्य पङ्क्तीनाम् अवस्येद् द्वाभ्यां प्रणुयात्

trīṇi padāni samasya paṅktīnām avasyed dvābhyāṃ praṇuyāt

6.3.11

आपो रेवतीर् अनूच्य आग्नेयं गायत्रम् क्रतुम्

āpo revatīr anūcya āgneyaṃ gāyatram kratum

6.4.1.2

उपप्रयन्तो ऽध्वरम्

upaprayanto 'dhvaram

6.4.1.3

अग्निम् ईडे पुरोहितम्

agnim īḍe purohitam

6.4.1.4

अग्निं दूतं वृणीमहे

agniṃ dūtaṃ vṛṇīmahe

6.4.1.5

अश्वं न त्वेति दश

aśvaṃ na tveti daśa

6.4.1.6

जुषस्व सप्रथस्तमम्

juṣasva saprathastamam

6.4.1.7

अभि त्वा गोतमा गिरा

abhi tvā gotamā girā

6.4.1.8

अग्निर् होता पुरोहितः

agnir hotā purohitaḥ

6.4.1.9

दूतं वः

dūtaṃ vaḥ

Śāṅkhāyanaśrautasūtra