3.3.9

श्री स्तूपः धर्मः स्थूणाराजः अहर् रात्रे द्वारफलके संवत्सरः अपिधानम् उक्षा समुद्रः इति अभ्यक्तम् अश्मानम् स्तूपस्य अधस्तात् निखनेत्

śrī stūpaḥ dharmaḥ sthūṇārājaḥ ahar rātre dvāraphalake saṃvatsaraḥ apidhānam ukṣā samudraḥ iti abhyaktam aśmānam stūpasya adhastāt nikhanet

3.4.1

वास्तोष्पतीये कर्मणि अग्निम् दधामि मनसा शिवेन अयम् अस्तु संगमनः वसूनाम् नः हिंसीः स्थविरम् मा कुमारम् शम् नः भव द्विपदे शम् चतुष्पदे इति गृह्यम् अग्निम् बाह्यतस् उपसमाधाय प्राच् अग्रेषु नवेषु कुशेषु उद कुम्भम् नवम् प्रतिष्ठाप्य अरिष्टाः अस्माकम् वीराः मा परासेचि नः धनम् इति अभिमन्त्र्य रथन्तरस्य स्तोत्रियेण पुनरादायम् ककुप्कारम् तिस्रः पूर्वाह्णे जुहोति वामदेव्यस्य मध्यंदिने बृहतः अपराह्णे

vāstoṣpatīye karmaṇi agnim dadhāmi manasā śivena ayam astu saṃgamanaḥ vasūnām naḥ hiṃsīḥ sthaviram mā kumāram śam naḥ bhava dvipade śam catuṣpade iti gṛhyam agnim bāhyatas upasamādhāya prāc agreṣu naveṣu kuśeṣu uda kumbham navam pratiṣṭhāpya ariṣṭāḥ asmākam vīrāḥ mā parāseci naḥ dhanam iti abhimantrya rathantarasya stotriyeṇa punarādāyam kakupkāram tisraḥ pūrvāhṇe juhoti vāmadevyasya madhyaṃdine bṛhataḥ aparāhṇe

3.4.2

महाव्याहृतयः चतस्रः वास्तोष्पते इति तिस्रः अमीव हा वास्तोष्पते वास्तोष्पते ध्रुवा स्थूणा सौविष्टकृती दशमी स्थालीपाकस्य रात्रौ

mahāvyāhṛtayaḥ catasraḥ vāstoṣpate iti tisraḥ amīva hā vāstoṣpate vāstoṣpate dhruvā sthūṇā sauviṣṭakṛtī daśamī sthālīpākasya rātrau

3.4.3

ज्येष्ठम् पुत्रम् आदाय जायाम् च सह धान्यः प्रपद्येत

jyeṣṭham putram ādāya jāyām ca saha dhānyaḥ prapadyeta

3.4.4

इन्द्रस्य गृहाः शिवाः वसुमन्तः वरूथिनः तान् अहम् प्रपद्ये सह जायया सह प्रजया सह पशुभिः सह रायस्पोषेण सह यत् मे किंच अस्ति तेन

indrasya gṛhāḥ śivāḥ vasumantaḥ varūthinaḥ tān aham prapadye saha jāyayā saha prajayā saha paśubhiḥ saha rāyaspoṣeṇa saha yat me kiṃca asti tena

3.5.1

शग्मम् शग्मम् शिवम् शिवम् क्षेमाय वः शान्त्यै प्रपद्ये अभयम् नः अस्तु ग्रामः मा अरण्याय परिददातु विश्वाय मा परिदेहि इति ग्रामात् निष्क्रामन्

śagmam śagmam śivam śivam kṣemāya vaḥ śāntyai prapadye abhayam naḥ astu grāmaḥ mā araṇyāya paridadātu viśvāya mā paridehi iti grāmāt niṣkrāman

3.5.2

अरण्यम् मा ग्रामाय परिददातु मह विश्वाय मा परिदेहि इति ग्रामम् प्रविशन् अरिक्तः

araṇyam mā grāmāya paridadātu maha viśvāya mā paridehi iti grāmam praviśan ariktaḥ

3.5.3

गृहान् भद्रान् सुमनसः प्रपद्ये अ वीर घ्नः वीरतरः सु वीरान् इराम् वहन्तः घृतम् उक्षमाणाः अन्येषु अहम् सुमनाः संविशेयम् इति सदा प्रवचनीयः

gṛhān bhadrān sumanasaḥ prapadye a vīra ghnaḥ vīrataraḥ su vīrān irām vahantaḥ ghṛtam ukṣamāṇāḥ anyeṣu aham sumanāḥ saṃviśeyam iti sadā pravacanīyaḥ

3.6.1

अनाहिताग्निः प्रवत्स्यन् गृहान् समीक्षते

anāhitāgniḥ pravatsyan gṛhān samīkṣate

3.6.2

इमान् मे मित्रावरुणौ गृहान् गोपायतं युवम्

imān me mitrāvaruṇau gṛhān gopāyataṃ yuvam

3.6.2.2

अविनष्टान् अविह्रुतान् पूषैनान् अभिरक्षतु

avinaṣṭān avihrutān pūṣainān abhirakṣatu

3.6.2.3

आस्माकं पुनरागमात्

āsmākaṃ punarāgamāt

3.6.2.3

अपि पन्थाम् अगन्महि इति च जपति

api panthām aganmahi iti ca japati

3.7.1

अथ प्रोष्य आयन् गृहान् समीक्षते

atha proṣya āyan gṛhān samīkṣate

3.7.2

गृहा मा बिभीत मा वेपध्वम् ऊर्जं बिभ्रत एमसि

gṛhā mā bibhīta mā vepadhvam ūrjaṃ bibhrata emasi

3.7.2.2

ऊर्जं बिभ्रद् वः सुमनाः सुमेधा गृहान् ऐमि मनसा मोदमानः

ūrjaṃ bibhrad vaḥ sumanāḥ sumedhā gṛhān aimi manasā modamānaḥ

3.7.2.3

येषाम् अध्येति प्रवसन् येषु सौमनसो बहुः

yeṣām adhyeti pravasan yeṣu saumanaso bahuḥ

3.7.2.4

गृहान् उपह्वयामहे ते नो जानन्तु जानतः

gṛhān upahvayāmahe te no jānantu jānataḥ

3.7.2.5

उपहूता इह गाव उपहूता अजावयः

upahūtā iha gāva upahūtā ajāvayaḥ

3.7.2.6

अथो अन्नस्य कीलाल उपहूतो गृहेषु नः

atho annasya kīlāla upahūto gṛheṣu naḥ

Śāṅkhāyanagṛhyasūtra