1.1

दुःखत्रयाभिघाताज्जिज्ञासा तदपघातके हेतौ

duḥkhatrayābhighātājjijñāsā tadapaghātake hetau

1.1.2

दृष्टे सापार्था चेन् नैकान्तात्यन्ततो ऽभावात्

dṛṣṭe sāpārthā cen naikāntātyantato 'bhāvāt

1.2

दृष्टवद् आनुश्रविकः स ह्यविशुद्धिक्षयातिशययुक्तः

dṛṣṭavad ānuśravikaḥ sa hyaviśuddhikṣayātiśayayuktaḥ

1.2.2

तद्विपरीतः श्रेयान् व्यक्ताव्यक्तज्ञविज्ञानात्

tadviparītaḥ śreyān vyaktāvyaktajñavijñānāt

1.3

मूलप्रकृतिर् अविकृतिर् महदाद्याः प्रकृतिविकृतयः सप्त

mūlaprakṛtir avikṛtir mahadādyāḥ prakṛtivikṛtayaḥ sapta

1.3.2

षोडशकस् तु विकारो न प्रकृतिर् न विकृतिः पुरुषः

ṣoḍaśakas tu vikāro na prakṛtir na vikṛtiḥ puruṣaḥ

1.4

दृष्टम् अनुमानम् आप्तवचनं च सर्वप्रमाणसिद्धत्वात्

dṛṣṭam anumānam āptavacanaṃ ca sarvapramāṇasiddhatvāt

1.4.2

त्रिविधं प्रमाणम् इष्टं प्रमेयसिद्धिः प्रमाणाद्धि

trividhaṃ pramāṇam iṣṭaṃ prameyasiddhiḥ pramāṇāddhi

1.5

प्रतिविषयाध्यवसायो दृष्टं त्रिविधम् अनुमानम् आख्यातम्

prativiṣayādhyavasāyo dṛṣṭaṃ trividham anumānam ākhyātam

1.5.2

तल् लिङ्गलिङ्गिपूर्वकम् आप्तश्रुतिर् आप्तवचनं तु

tal liṅgaliṅgipūrvakam āptaśrutir āptavacanaṃ tu

1.6

सामान्यतस् तु दृष्टाद् अतीन्द्रियाणाम् प्रतीतिर् अनुमानात्

sāmānyatas tu dṛṣṭād atīndriyāṇām pratītir anumānāt

1.6.2

तस्माद् अपि चासिद्धम् परोक्षम् आप्तागमात् सिद्धम्

tasmād api cāsiddham parokṣam āptāgamāt siddham

1.7

अतिदूरात् सामीप्याद् इन्द्रियघातान्मनोऽनवस्थानात्

atidūrāt sāmīpyād indriyaghātānmano'navasthānāt

1.7.2

सौक्ष्म्याद् व्यवधानाद् अभिभवात् समानाभिहाराच्च

saukṣmyād vyavadhānād abhibhavāt samānābhihārācca

1.8

सौक्ष्म्यात् तदनुपलब्धिर् नाभावात् कार्यतस् तदुपलब्धिः

saukṣmyāt tadanupalabdhir nābhāvāt kāryatas tadupalabdhiḥ

1.8.2

महदादि तच्च कार्यम् प्रकृतिविरूपं सरूपं च

mahadādi tacca kāryam prakṛtivirūpaṃ sarūpaṃ ca

1.9

असदकरणाद् उपादानग्रहणात् सर्वसम्भवाभावात्

asadakaraṇād upādānagrahaṇāt sarvasambhavābhāvāt

1.9.2

शक्तस्य शक्यकरणात् कारणभावाच्च सत्कार्यम्

śaktasya śakyakaraṇāt kāraṇabhāvācca satkāryam

1.10

हेतुमद् अनित्यम् अव्यापि सक्रियम् अनेकम् आश्रितं लिङ्गम्

hetumad anityam avyāpi sakriyam anekam āśritaṃ liṅgam

1.10.2

सावयवं परतन्त्रं व्यक्तं विपरीतम् अव्यक्तम्

sāvayavaṃ paratantraṃ vyaktaṃ viparītam avyaktam

Sāṃkhyakārikā