2.7.13.2

पर्षदि राजनि चोत्तरवादी भवत्य् उत्तरवादी भवति

parṣadi rājani cottaravādī bhavaty uttaravādī bhavati

2.8.1

अथातः पुत्रियाणाम्

athātaḥ putriyāṇām

2.8.2

न त्वा नक्ष्य नि त्वाम् अग्ने प्र यो राये ऽयम् अग्निः सुवीर्यस्य जातः परेण न हि वश् चरमं च न सोमः पवते जनिता मतीनाम् इति सर्वाण्य् अप त्यं नित्यवत्सा रथन्तरं व्याहृतिवर्गो ऽरूरुचद् इति द्वे एतेषाम् एकम् अनेकं वा सर्वाणि वा प्रयुञ्जानः सुरूपान् दीर्घायुषः पुत्रांल् लभते

na tvā nakṣya ni tvām agne pra yo rāye 'yam agniḥ suvīryasya jātaḥ pareṇa na hi vaś caramaṃ ca na somaḥ pavate janitā matīnām iti sarvāṇy apa tyaṃ nityavatsā rathantaraṃ vyāhṛtivargo 'rūrucad iti dve eteṣām ekam anekaṃ vā sarvāṇi vā prayuñjānaḥ surūpān dīrghāyuṣaḥ putrāṃl labhate

2.8.3

रोहिण्यां वा रोहिण्या गोः सरूपवत्सायाः पयसि रक्तशालीनां स्थालीपाकं श्रपयित्वा परमेष्ठिनः प्राजापत्यस्य व्रतेनाभिजुहुयात् सहस्रकृत्वः शतावरम्

rohiṇyāṃ vā rohiṇyā goḥ sarūpavatsāyāḥ payasi raktaśālīnāṃ sthālīpākaṃ śrapayitvā parameṣṭhinaḥ prājāpatyasya vratenābhijuhuyāt sahasrakṛtvaḥ śatāvaram

2.8.3.2

एतेनैवाभिगीयोद्धृत्य सभार्यः प्राश्नीयात्

etenaivābhigīyoddhṛtya sabhāryaḥ prāśnīyāt

2.8.3.3

सुरूपान् दीर्घायुषः पुत्रांल् लभते

surūpān dīrghāyuṣaḥ putrāṃl labhate

2.8.4

कृष्णाया गोः सरूपवत्सायाः पयसि कृष्णषष्टिकानां स्थालीपाकं श्रपयित्वा कृष्णपञ्चम्याम् उदिते सोमे त्वम् इमा ओषधीर् इत्य् एतेनाभिजुहुयात् सहस्रकृत्वः शतावरम्

kṛṣṇāyā goḥ sarūpavatsāyāḥ payasi kṛṣṇaṣaṣṭikānāṃ sthālīpākaṃ śrapayitvā kṛṣṇapañcamyām udite some tvam imā oṣadhīr ity etenābhijuhuyāt sahasrakṛtvaḥ śatāvaram

2.8.4.2

एतेनैवाभिगीयोद्धृत्य सभार्यः प्राश्नीयात्

etenaivābhigīyoddhṛtya sabhāryaḥ prāśnīyāt

2.8.4.3

सुरूपान् दीर्घायुषः पुत्रांल् लभते

surūpān dīrghāyuṣaḥ putrāṃl labhate

2.8.5

कौम्भ्यं घृतं पुरुषव्रतेनाभिजुहुयाद् अनुगानशः

kaumbhyaṃ ghṛtaṃ puruṣavratenābhijuhuyād anugānaśaḥ

2.8.5.2

उत्तरेण सदा प्राश्नीयात्

uttareṇa sadā prāśnīyāt

2.8.5.3

सुरूपान् दीर्घायुषः पुत्रांल्लभते

surūpān dīrghāyuṣaḥ putrāṃllabhate

2.8.6

उडङ्गवानां यो ऽग्रे गच्छेत् तं गृहीत्वा तद् अहस् त्रिवृतं कारयेन् मणिम् अग्निं प्रतिष्ठाप्यावृता हुत्वा मणिं निधायोच्चा ते जातम् अन्धस इति तृतीयेनाभिजुहुयात् सहस्रकृत्वः शतावरम्

uḍaṅgavānāṃ yo 'gre gacchet taṃ gṛhītvā tad ahas trivṛtaṃ kārayen maṇim agniṃ pratiṣṭhāpyāvṛtā hutvā maṇiṃ nidhāyoccā te jātam andhasa iti tṛtīyenābhijuhuyāt sahasrakṛtvaḥ śatāvaram

2.8.6.2

तं मणिं कण्ठेन शिरसा वा धारयञ्छतानुचरो भवति शतानुचरो भवति

taṃ maṇiṃ kaṇṭhena śirasā vā dhārayañchatānucaro bhavati śatānucaro bhavati

3.1.1

अथातो धान्यानाम्

athāto dhānyānām

3.1.2

शुक्लवाससा प्रयोगः स्नानम् अवलेखनम् अनिष्ठीवनं सदा चाञ्जनं सत्यवचनं सुमनसां धारणं केशश्मश्रुलोमनखानां तु नान्यत्र व्रताद् दारान् एवोपेयात् काले

śuklavāsasā prayogaḥ snānam avalekhanam aniṣṭhīvanaṃ sadā cāñjanaṃ satyavacanaṃ sumanasāṃ dhāraṇaṃ keśaśmaśrulomanakhānāṃ tu nānyatra vratād dārān evopeyāt kāle

3.1.2.2

एवंव्रतो यद् उदीरत आ हर्यतायेति वर्ग एतेषाम् एकम् अनेकं वा सर्वाणि वा प्रयुञ्जानः श्रीमान् यशस्वी पुष्टिमान् धन्यो भवति

evaṃvrato yad udīrata ā haryatāyeti varga eteṣām ekam anekaṃ vā sarvāṇi vā prayuñjānaḥ śrīmān yaśasvī puṣṭimān dhanyo bhavati

3.1.3

गिर्वणः पाहि नः सुतम् इति चैतत् सदा प्रयुञ्जीत

girvaṇaḥ pāhi naḥ sutam iti caitat sadā prayuñjīta

3.1.3.2

मयि श्रीर् इति चास्य निधनं कुर्याच् छ्रीमान् भवति

mayi śrīr iti cāsya nidhanaṃ kuryāc chrīmān bhavati

3.1.4

त्रीन् वोदकाञ्जलीन्त् सदाचामेद् अयं सहस्रमानव इत्य् एताभ्यां श्रीर् इति चोत्तरस्य निधनं कुर्यात्

trīn vodakāñjalīnt sadācāmed ayaṃ sahasramānava ity etābhyāṃ śrīr iti cottarasya nidhanaṃ kuryāt

Sāmavidhānabrāhmaṇa