1.8.4

अदत्तां कन्यां प्रकृत्य कृच्छ्रं चरन्न् अभ्रातृव्यो अना त्वम् इत्य् एतद् गायेत्

adattāṃ kanyāṃ prakṛtya kṛcchraṃ carann abhrātṛvyo anā tvam ity etad gāyet

1.8.5

तां प्रतिगृह्यैतेनैव कल्पेन शं पदम् इत्य् एतत्

tāṃ pratigṛhyaitenaiva kalpena śaṃ padam ity etat

1.8.6

अभ्युदितो भद्रो नो अग्निर् आहुत इत्य् एतद् गायेत्

abhyudito bhadro no agnir āhuta ity etad gāyet

1.8.6.2

अभ्यस्तमितो न तस्य मायया च नेति

abhyastamito na tasya māyayā ca neti

1.8.7

दुःस्वप्नेष्व् अद्या नो देव सवितर् इति द्वितीयम्

duḥsvapneṣv adyā no deva savitar iti dvitīyam

1.8.8

अन्यस्मिंस् त्व् अनाज्ञाते कयानीया द्वितीयम्

anyasmiṃs tv anājñāte kayānīyā dvitīyam

1.8.9

अग्निदग्धे घृताक्तान् यवाञ् जुहुयाज् जातः परेण धर्मेणेत्य् एतेनाग्नये स्वाहेति च

agnidagdhe ghṛtāktān yavāñ juhuyāj jātaḥ pareṇa dharmeṇety etenāgnaye svāheti ca

1.8.10

मूषिकजग्धे तिलाञ् जुहुयान् नकि देवा इनीमसीतीन्द्राय स्वाहेति

mūṣikajagdhe tilāñ juhuyān naki devā inīmasītīndrāya svāheti

1.8.11

कूर्चनाश एकरात्रम् उपवसन्न् अग्निस् तिग्मेनेति द्वितीयम्

kūrcanāśa ekarātram upavasann agnis tigmeneti dvitīyam

1.8.12

अन्यस्मिंस् त्व् अनाज्ञाते यं वृत्रेष्व् इति द्वितीयम्

anyasmiṃs tv anājñāte yaṃ vṛtreṣv iti dvitīyam

1.8.13

मनुष्येष्व् अभिवातेषु घृताक्तानां यवानाम् आढकं जुहुयाद् अग्ने त्वं नो अन्तम इति चतुर्वर्गेण सामान्तेषु स्वाहाकारैर् अग्नये स्वाहा वायवे स्वाहा सूर्याय स्वाहा चन्द्राय स्वाहेति च स्नेहवद् अमांसम् अन्नं ब्राह्मणान् भोजयित्वा स्वस्ति वाचयित्वा स्वस्ति हैषां भवति

manuṣyeṣv abhivāteṣu ghṛtāktānāṃ yavānām āḍhakaṃ juhuyād agne tvaṃ no antama iti caturvargeṇa sāmānteṣu svāhākārair agnaye svāhā vāyave svāhā sūryāya svāhā candrāya svāheti ca snehavad amāṃsam annaṃ brāhmaṇān bhojayitvā svasti vācayitvā svasti haiṣāṃ bhavati

1.8.14

गोष्व् अभिवातासु घृताक्तानां यवानाम् आढकं जुहुयाद् आ वो राजानम् इत्य् एतेन रुद्राय स्वाहेति च यावतीर् धूमः स्पृशति स्वस्ति हासां भवति

goṣv abhivātāsu ghṛtāktānāṃ yavānām āḍhakaṃ juhuyād ā vo rājānam ity etena rudrāya svāheti ca yāvatīr dhūmaḥ spṛśati svasti hāsāṃ bhavati

1.8.15

अश्वेष्व् अभिवातेषु घृताक्तानां यवानाम् आढकं जुहुयाद् अश्वी रथी द्वितीयेनाश्विभ्यां स्वाहेति च यावतो धूमः स्पृशति स्वस्ति हैषां भवति स्वस्ति हैषां भवति

aśveṣv abhivāteṣu ghṛtāktānāṃ yavānām āḍhakaṃ juhuyād aśvī rathī dvitīyenāśvibhyāṃ svāheti ca yāvato dhūmaḥ spṛśati svasti haiṣāṃ bhavati svasti haiṣāṃ bhavati

2.1.1

अथातः काम्यानाम्

athātaḥ kāmyānām

2.1.2

अनादेशे त्रिरात्रम् उपवासः पुष्येणारम्भः

anādeśe trirātram upavāsaḥ puṣyeṇārambhaḥ

2.1.3

आयुष्याण्य् एव प्रथमम्

āyuṣyāṇy eva prathamam

2.1.4

अबोध्य् अग्निर् महि त्रीणाम् इति द्वे त्वावत इन्द्रं नरो ग्रामे गेयम् आयुर् इति चास्य निधनं कुर्यात् त्यम् ऊ षु द्वे त्रातारम् इन्द्रं हविर् इत्य् एतस्य स्थाने स्वस्ति न इति सोमः पुनात्य् अंससुप्रथमं विश्वतोदावन्न् इति पूर्वं रहस्य उद् उत्तमं वरुणपाशम् इत्य् एषो ऽरिष्टवर्ग एतेषाम् एकम् अनेकं वा सर्वाणि वा प्रयुञ्जानः शतं वर्षाणि जीवति

abodhy agnir mahi trīṇām iti dve tvāvata indraṃ naro grāme geyam āyur iti cāsya nidhanaṃ kuryāt tyam ū ṣu dve trātāram indraṃ havir ity etasya sthāne svasti na iti somaḥ punāty aṃsasuprathamaṃ viśvatodāvann iti pūrvaṃ rahasya ud uttamaṃ varuṇapāśam ity eṣo 'riṣṭavarga eteṣām ekam anekaṃ vā sarvāṇi vā prayuñjānaḥ śataṃ varṣāṇi jīvati

2.1.4.2

जरयैव विस्रंसते

jarayaiva visraṃsate

2.1.5

भ्राजाभ्राजे शुक्रचन्द्रे राजनरौहिणके शुक्रियाद्ये हा ऊस्वरतादीनि चत्वारि सेतुषाम चैष पवित्रवर्ग एतेषाम् एकम् अनेकं वा सर्वाणि वा प्रयुञ्जानः पूतो

bhrājābhrāje śukracandre rājanarauhiṇake śukriyādye hā ūsvaratādīni catvāri setuṣāma caiṣa pavitravarga eteṣām ekam anekaṃ vā sarvāṇi vā prayuñjānaḥ pūto

2.1.6

बहु प्रतिगृह्य याजयित्वा वासन्नम् आत्मानं मन्यमानो गौषूक्ताश्वसूक्ते शुद्धाशुद्धीये तरत् स मन्दीत्य् एतानि प्रयुञ्जानः पूतो भवति

bahu pratigṛhya yājayitvā vāsannam ātmānaṃ manyamāno gauṣūktāśvasūkte śuddhāśuddhīye tarat sa mandīty etāni prayuñjānaḥ pūto bhavati

Sāmavidhānabrāhmaṇa