9.45

अथ खलु भगवांस्तस्यां वेलायाम् आयुष्मन्तमानन्दमामन्त्रयते स्म

atha khalu bhagavāṃstasyāṃ velāyām āyuṣmantamānandamāmantrayate sma

9.45.2

पश्यसि त्वमानन्द एते द्वे श्रावकसहस्रे शैक्षाशैक्षाणां श्रावकाणाम्

paśyasi tvamānanda ete dve śrāvakasahasre śaikṣāśaikṣāṇāṃ śrāvakāṇām

9.45.3

आह

āha

9.45.4

पश्यामि भगवन् पश्यामि सुगत

paśyāmi bhagavan paśyāmi sugata

9.46

भगवानाह

bhagavānāha

9.46.2

सर्व एवैते आनन्द द्वे भिक्षुसहस्रे समं बोधिसत्त्वचर्यां समुदानयिष्यन्ति पञ्चाशल्लोकधातुपरमाणुरजःसमांश्च बुद्धान् भगवतः सत्कृत्य गुरुकृत्य मानयित्वा पूजयित्वा अर्चयित्वा अपचायित्वा सद्धर्मं च धारयित्वा पश्चिमे समुच्छ्रये एकक्षणेनैकमुहूर्तेनैकलवेनैकसंनिपातेन दशसु दिक्ष्वन्योन्यासु लोकधातुषु स्वेषु स्वेषु बुद्धक्षेत्रेष्वनुत्तरां सम्यक्संबोधिमभिसंभोत्स्यन्ते

sarva evaite ānanda dve bhikṣusahasre samaṃ bodhisattvacaryāṃ samudānayiṣyanti pañcāśallokadhātuparamāṇurajaḥsamāṃśca buddhān bhagavataḥ satkṛtya gurukṛtya mānayitvā pūjayitvā arcayitvā apacāyitvā saddharmaṃ ca dhārayitvā paścime samucchraye ekakṣaṇenaikamuhūrtenaikalavenaikasaṃnipātena daśasu dikṣvanyonyāsu lokadhātuṣu sveṣu sveṣu buddhakṣetreṣvanuttarāṃ samyaksaṃbodhimabhisaṃbhotsyante

9.47

रत्नकेतुराजा नाम तथागता अर्हन्तः सम्यक्संबुद्धा भविष्यन्ति

ratnaketurājā nāma tathāgatā arhantaḥ samyaksaṃbuddhā bhaviṣyanti

9.48

परिपूर्णं चैषां कल्पमायुष्प्रमाणं भविष्यति

paripūrṇaṃ caiṣāṃ kalpamāyuṣpramāṇaṃ bhaviṣyati

9.49

समाश्चैषां बुद्धक्षेत्रगुणव्यूहा भविष्यन्ति

samāścaiṣāṃ buddhakṣetraguṇavyūhā bhaviṣyanti

9.50

समः श्रावकगणो बोधिसत्त्वगणश्च भविष्यति

samaḥ śrāvakagaṇo bodhisattvagaṇaśca bhaviṣyati

9.51

समं चैषां परिनिर्वाणं भविष्यति

samaṃ caiṣāṃ parinirvāṇaṃ bhaviṣyati

9.52

समश्चैषां सद्धर्मः स्थास्यति

samaścaiṣāṃ saddharmaḥ sthāsyati

9.53

अथ खलु भगवांस्तस्यां वेलायामिमा गाथा अभाषत

atha khalu bhagavāṃstasyāṃ velāyāmimā gāthā abhāṣata

9.59

अथ खलु ते शैक्षाशैक्षाः श्रावका भगवतो ऽन्तिकात् संमुखं स्वानि स्वानि व्याकरणानि श्रुत्वा तुष्टा उदग्रा आत्तमनस्काः प्रमुदिताः प्रीतिसौमनस्यजाता भगवन्तं गाथाभ्यामध्यभाषन्त

atha khalu te śaikṣāśaikṣāḥ śrāvakā bhagavato 'ntikāt saṃmukhaṃ svāni svāni vyākaraṇāni śrutvā tuṣṭā udagrā āttamanaskāḥ pramuditāḥ prītisaumanasyajātā bhagavantaṃ gāthābhyāmadhyabhāṣanta

9.60

तृप्ताः स्म लोकप्रद्योत श्रुत्वा व्याकरणं इदम्

tṛptāḥ sma lokapradyota śrutvā vyākaraṇaṃ idam

9.60.2

अमृतेन यथा सिक्ताः सुखिताः सम

amṛtena yathā siktāḥ sukhitāḥ sama

9.61

नास्माकं काङ्क्षा विमतिर्न भेष्याम

nāsmākaṃ kāṅkṣā vimatirna bheṣyāma

9.61.2

अद्यास्माभिः सुखं प्राप्तं श्रुत्वा व्याकरणं इदम्

adyāsmābhiḥ sukhaṃ prāptaṃ śrutvā vyākaraṇaṃ idam

10.1

अथ खलु भगवन् भैषज्यराजं बोधिसत्त्वं महासत्त्वमारभ्य तान्यशीतिं बोधिसत्त्वसहस्राण्यामन्त्रयते स्म

atha khalu bhagavan bhaiṣajyarājaṃ bodhisattvaṃ mahāsattvamārabhya tānyaśītiṃ bodhisattvasahasrāṇyāmantrayate sma

10.1.2

पश्यसि त्वं भैषज्यराज अस्यां पर्षदि बहुदेवनागयक्षगन्धर्वासुरगरुडकिन्नरमहोरगमनुष्यामनुष्यान् भिक्षुभिक्षुण्युपासकोपासिकाः श्रावकयानीयान् प्रत्येकबुद्धयानीयान् बोधिसत्त्वयानीयांश्च यैरयं धर्मपर्यायस्तथागतस्य संमुखं श्रुतः

paśyasi tvaṃ bhaiṣajyarāja asyāṃ parṣadi bahudevanāgayakṣagandharvāsuragaruḍakinnaramahoragamanuṣyāmanuṣyān bhikṣubhikṣuṇyupāsakopāsikāḥ śrāvakayānīyān pratyekabuddhayānīyān bodhisattvayānīyāṃśca yairayaṃ dharmaparyāyastathāgatasya saṃmukhaṃ śrutaḥ

Saddharmapuṇḍarīkasūtra