7.10

भगवानाह

bhagavānāha

7.11

शक्यं पुनर्भिक्षवस्तेषां लोकधातूनां केनचिद् गणकेन वा गणकमहामात्रेण वा गणनया पर्यन्तो ऽधिगन्तुं येषु वोपनिक्षिप्तानि तानि परमाणुरजांसि येषु वा नोपनिक्षिप्तानि

śakyaṃ punarbhikṣavasteṣāṃ lokadhātūnāṃ kenacid gaṇakena vā gaṇakamahāmātreṇa vā gaṇanayā paryanto 'dhigantuṃ yeṣu vopanikṣiptāni tāni paramāṇurajāṃsi yeṣu vā nopanikṣiptāni

7.12

न त्वेव तेषां कल्पकोटीनयुतशतसहस्राणां शक्यं गणनायोगेन पर्यन्तो ऽधिगन्तुम्

na tveva teṣāṃ kalpakoṭīnayutaśatasahasrāṇāṃ śakyaṃ gaṇanāyogena paryanto 'dhigantum

7.13

यावन्तः कल्पास्तस्य भगवतो महाभिज्ञाज्ञानाभिभुवस् तथागतस्य परिनिर्वृतस्यैतावान् स कालो ऽभूद् एवमचिन्त्य एवमप्रमाणः

yāvantaḥ kalpāstasya bhagavato mahābhijñājñānābhibhuvas tathāgatasya parinirvṛtasyaitāvān sa kālo 'bhūd evamacintya evamapramāṇaḥ

7.14

तं चाहं भिक्षवस्तथागतं तावच्चिरं परिनिर्वृतमनेन तथागतज्ञानदर्शनबलाधानेन यथाद्य श्वो वा परिनिर्वृतमनुस्मरामि

taṃ cāhaṃ bhikṣavastathāgataṃ tāvacciraṃ parinirvṛtamanena tathāgatajñānadarśanabalādhānena yathādya śvo vā parinirvṛtamanusmarāmi

7.15

अथ खलु भगवांस्तस्यां वेलायामिमा गाथा अभाषत

atha khalu bhagavāṃstasyāṃ velāyāmimā gāthā abhāṣata

7.16

अभू

atītā

7.16.2

अभिज्ञज्ञानाभिभूवं महामुनिम् अभूषि

mahāmunim abhūṣi tatkālamanuttamo

7.23

तस्य खलु पुनर्भिक्षवो महाभिज्ञाज्ञानाभिभुवस् तथागतस्यार्हतः सम्यक्संबुद्धस्य चतुष्पञ्चाशत्कल्पकोटीनयुतशतसहस्राण्यायुष्प्रमाणमभूत्

tasya khalu punarbhikṣavo mahābhijñājñānābhibhuvas tathāgatasyārhataḥ samyaksaṃbuddhasya catuṣpañcāśatkalpakoṭīnayutaśatasahasrāṇyāyuṣpramāṇamabhūt

7.24

पूर्वे च स भगवान् महाभिज्ञाज्ञानाभिभूस् तथागतो ऽनभिसंबुद्धो ऽनुत्तरां सम्यक्संबोधिं बोधिमण्डवराग्रगत एव सर्वां मारसेनां प्राभञ्जीत् पराजैषीत्

pūrve ca sa bhagavān mahābhijñājñānābhibhūs tathāgato 'nabhisaṃbuddho 'nuttarāṃ samyaksaṃbodhiṃ bodhimaṇḍavarāgragata eva sarvāṃ mārasenāṃ prābhañjīt parājaiṣīt

7.25

प्रभञ्जयित्वा पराजयित्वा अनुत्तरां सम्यक्संबोधिम् अभिसंभोत्स्यामीति

prabhañjayitvā parājayitvā anuttarāṃ samyaksaṃbodhim abhisaṃbhotsyāmīti

7.25.2

न च तावत्तस्य ते धर्मा आमुखीभवन्ति स्म

na ca tāvattasya te dharmā āmukhībhavanti sma

7.26

स बोधिवृक्षमूले बोधिमण्डे एकमन्तरकल्पमस्थात्

sa bodhivṛkṣamūle bodhimaṇḍe ekamantarakalpamasthāt

7.27

द्वितीयमप्यन्तरकल्पम् अस्थात्

dvitīyamapyantarakalpam asthāt

7.28

न च तावदनुत्तरां सम्यक्संबोधिमभिसंबुध्यते

na ca tāvadanuttarāṃ samyaksaṃbodhimabhisaṃbudhyate

7.29

तृतीयमपि चतुर्थमपि पञ्चममपि षष्ठमपि सप्तममपि अष्टममपि नवममपि दशममप्यन्तरकल्पं बोधिवृक्षमूले बोधिमण्डे ऽस्थात् सकृद्वर्तनेन पर्यङ्केन अन्तराद् अव्युत्थितः

tṛtīyamapi caturthamapi pañcamamapi ṣaṣṭhamapi saptamamapi aṣṭamamapi navamamapi daśamamapyantarakalpaṃ bodhivṛkṣamūle bodhimaṇḍe 'sthāt sakṛdvartanena paryaṅkena antarād avyutthitaḥ

7.30

अनिञ्जमानेन चित्तेन अचलमानेन अवेपमानेन कायेनास्थात्

aniñjamānena cittena acalamānena avepamānena kāyenāsthāt

7.31

न च तावदस्य ते धर्मा आमुखीभवन्ति स्म

na ca tāvadasya te dharmā āmukhībhavanti sma

7.32

तस्य खलु पुनर्भिक्षवो भगवतो बोधिमण्डवराग्रगतस्य देवैस्त्रायस्त्रिंशैर्महासिंहासनं प्रज्ञप्तमभूद् योजनशतसहस्रं समुच्छ्रयेण यत्र स भगवान् निषद्य अनुत्तरां सम्यक्संबोधिमभिसंबुद्धः

tasya khalu punarbhikṣavo bhagavato bodhimaṇḍavarāgragatasya devaistrāyastriṃśairmahāsiṃhāsanaṃ prajñaptamabhūd yojanaśatasahasraṃ samucchrayeṇa yatra sa bhagavān niṣadya anuttarāṃ samyaksaṃbodhimabhisaṃbuddhaḥ

7.33

समनन्तरनिषण्णस्य च खलु पुनस्तस्य भगवतो बोधिमण्डे ऽथ ब्रह्मकायिका देवपुत्रा दिव्यं पुष्पवर्षमभिप्रवर्षयामासुः

samanantaraniṣaṇṇasya ca khalu punastasya bhagavato bodhimaṇḍe 'tha brahmakāyikā devaputrā divyaṃ puṣpavarṣamabhipravarṣayāmāsuḥ

Saddharmapuṇḍarīkasūtra