2.58

तत्कस्य हेतोः

tatkasya hetoḥ

2.58.2

सन्ति भगवंस्तस्यां पर्षदि बहूनि प्राणिशतानि बहूनि प्राणिसहस्राणि बहूनि प्राणिशतसहस्राणि बहूनि प्राणिकोटीनयुतशतसहस्राणि पूर्वबुद्धदर्शावीनि प्रज्ञावन्ति यानि भगवतो भाषितं श्रद्धास्यन्ति प्रतीयिष्यन्ति उद्ग्रहीष्यन्ति

santi bhagavaṃstasyāṃ parṣadi bahūni prāṇiśatāni bahūni prāṇisahasrāṇi bahūni prāṇiśatasahasrāṇi bahūni prāṇikoṭīnayutaśatasahasrāṇi pūrvabuddhadarśāvīni prajñāvanti yāni bhagavato bhāṣitaṃ śraddhāsyanti pratīyiṣyanti udgrahīṣyanti

2.59

अथ खल्वायुष्मान् शारिपुत्रो भगवन्तमनया गाथयाध्यभाषत

atha khalvāyuṣmān śāriputro bhagavantamanayā gāthayādhyabhāṣata

2.61

अथ खलु भगवान् द्वैतीयकमप्यायुष्मन्तं शारिपुत्रमेतदवोचत्

atha khalu bhagavān dvaitīyakamapyāyuṣmantaṃ śāriputrametadavocat

2.61.2

अलं शारिपुत्र अनेनार्थेन प्रकाशितेन

alaṃ śāriputra anenārthena prakāśitena

2.62

उत्त्रसिष्यति शारिपुत्र अयं सदेवको लोको ऽस्मिन्नर्थे व्याक्रियमाणे

uttrasiṣyati śāriputra ayaṃ sadevako loko 'sminnarthe vyākriyamāṇe

2.63

अभिमानप्राप्ताश्च भिक्षवो महाप्रपातं प्रपतिष्यन्ति

abhimānaprāptāśca bhikṣavo mahāprapātaṃ prapatiṣyanti

2.64

अथ खलु भगवांस्तस्यां वेलायामिमां गाथामभाषत

atha khalu bhagavāṃstasyāṃ velāyāmimāṃ gāthāmabhāṣata

2.66

त्रैतीयकम् अप्यायुष्मान् शारिपुत्रो भगवन्तमध्येषते स्म

traitīyakam apyāyuṣmān śāriputro bhagavantamadhyeṣate sma

2.66.2

भाषतां भगवान् भाषतां सुगत एतमेवार्थम्

bhāṣatāṃ bhagavān bhāṣatāṃ sugata etamevārtham

2.67

मादृशानां भगवन्निह पर्षदि बहूनि प्राणिशतानि संविद्यन्ते अन्यानि च भगवन् बहूनि प्राणिशतानि बहूनि प्राणिसहस्राणि बहूनि प्राणिशतसहस्राणि बहूनि प्राणिकोटीनयुतशतसहस्राणि यानि भगवता पूर्वभवेषु परिपाचितानि तानि भगवतो भाषितं श्रद्धास्यन्ति प्रतीयिष्यन्ति उद्ग्रहीष्यन्ति

mādṛśānāṃ bhagavanniha parṣadi bahūni prāṇiśatāni saṃvidyante anyāni ca bhagavan bahūni prāṇiśatāni bahūni prāṇisahasrāṇi bahūni prāṇiśatasahasrāṇi bahūni prāṇikoṭīnayutaśatasahasrāṇi yāni bhagavatā pūrvabhaveṣu paripācitāni tāni bhagavato bhāṣitaṃ śraddhāsyanti pratīyiṣyanti udgrahīṣyanti

2.68

तेषां तद् भविष्यति दीर्घरात्रमर्थाय हिताय सुखायेति

teṣāṃ tad bhaviṣyati dīrgharātramarthāya hitāya sukhāyeti

2.69

अथ खल्वायुष्मान् शारिपुत्रस्तस्यां वेलायामिमा गाथा अभाषत

atha khalvāyuṣmān śāriputrastasyāṃ velāyāmimā gāthā abhāṣata

2.73

अथ खलु भगवांस्त्रैतीयकमप्यायुष्मतः शारिपुत्रस्याध्येषणां विदित्वा आयुष्मन्तं शारिपुत्रमेतदवोचत्

atha khalu bhagavāṃstraitīyakamapyāyuṣmataḥ śāriputrasyādhyeṣaṇāṃ viditvā āyuṣmantaṃ śāriputrametadavocat

2.73.2

यदिदानीं त्वं शारिपुत्र यावत् त्रैतीयकमपि तथागतमध्येषसे

yadidānīṃ tvaṃ śāriputra yāvat traitīyakamapi tathāgatamadhyeṣase

2.74

एवम् अध्येषमाणं त्वां शारिपुत्र किं वक्ष्यामि

evam adhyeṣamāṇaṃ tvāṃ śāriputra kiṃ vakṣyāmi

2.74.2

तेन हि शारिपुत्र शृणु साधु च सुष्ठु च मनसि कुरु

tena hi śāriputra śṛṇu sādhu ca suṣṭhu ca manasi kuru

2.75

भाषिष्ये ऽहं ते

bhāṣiṣye 'haṃ te

2.76

समनन्तरभाषिता चेयं भगवता वाक्

samanantarabhāṣitā ceyaṃ bhagavatā vāk

2.76.2

अथ खलु ततः पर्षद आभिमानिकानां भिक्षूणां भिक्षुणीनाम् उपासकानाम् उपासिकानां पञ्चमात्राणि सहस्राण्युत्थाय आसनेभ्यो भगवतः पादौ शिरसाभिवन्दित्वा ततः पर्षदो ऽपक्रामन्ति स्म

atha khalu tataḥ parṣada ābhimānikānāṃ bhikṣūṇāṃ bhikṣuṇīnām upāsakānām upāsikānāṃ pañcamātrāṇi sahasrāṇyutthāya āsanebhyo bhagavataḥ pādau śirasābhivanditvā tataḥ parṣado 'pakrāmanti sma

Saddharmapuṇḍarīkasūtra