Prathamaḥ sargaḥ.1

प्रचण्डसूर्यः स्पृहणीयचन्द्रमाः सदावगाहक्षतवारिसंचयः

pracaṇḍasūryaḥ spṛhaṇīyacandramāḥ sadāvagāhakṣatavārisaṃcayaḥ

Prathamaḥ sargaḥ.1.2

दिनान्तरम्यो ऽभ्युपशान्तमन्मथो निदाघकालोऽयमुपागतः प्रिये

dināntaramyo 'bhyupaśāntamanmatho nidāghakālo'yamupāgataḥ priye

Prathamaḥ sargaḥ.2

निशाः शशाङ्कक्षतनीलराजयः क्वचिद्विचित्रं जलयन्त्रमन्दिरम्

niśāḥ śaśāṅkakṣatanīlarājayaḥ kvacidvicitraṃ jalayantramandiram

Prathamaḥ sargaḥ.2.2

मणिप्रकाराः सरसं च चन्दनं शुचौ प्रिये यान्ति जनस्य सेव्यताम्

maṇiprakārāḥ sarasaṃ ca candanaṃ śucau priye yānti janasya sevyatām

Prathamaḥ sargaḥ.3

सुवासितं हर्म्यतलं मनोहरं प्रियामुखोच्छ्वासविकम्पितं मधु

suvāsitaṃ harmyatalaṃ manoharaṃ priyāmukhocchvāsavikampitaṃ madhu

Prathamaḥ sargaḥ.3.2

सुतन्त्रिगीतं मदनस्य दीपनं शुचौ निशीथेऽनुभवन्ति कामिनः

sutantrigītaṃ madanasya dīpanaṃ śucau niśīthe'nubhavanti kāminaḥ

Prathamaḥ sargaḥ.4

नितम्बबिम्बैः सदुकूलमेखलैः स्तनैः सहाराभरणैः सचन्दनैः

nitambabimbaiḥ sadukūlamekhalaiḥ stanaiḥ sahārābharaṇaiḥ sacandanaiḥ

Prathamaḥ sargaḥ.4.2

शिरोरुहैः स्नानकषायवासितैः स्त्रियो निदाघं शमयन्ति कामिनाम्

śiroruhaiḥ snānakaṣāyavāsitaiḥ striyo nidāghaṃ śamayanti kāminām

Prathamaḥ sargaḥ.5

नितान्तलाक्षारसरागरञ्जितैर् नितम्बिनीनां चरणैः सनूपुरैः

nitāntalākṣārasarāgarañjitair nitambinīnāṃ caraṇaiḥ sanūpuraiḥ

Prathamaḥ sargaḥ.5.2

पदे पदे हंसरुतानुकारिभिर्जनस्य चित्तं क्रियते समन्मथम्

pade pade haṃsarutānukāribhirjanasya cittaṃ kriyate samanmatham

Prathamaḥ sargaḥ.6

पयोधराश्चन्दनपङ्कचर्चितास् तुषारगौरार्पितहारशेखराः

payodharāścandanapaṅkacarcitās tuṣāragaurārpitahāraśekharāḥ

Prathamaḥ sargaḥ.6.2

नितम्बदेशाश्च सहेममेखलाः प्रकुर्वते कस्य मनो न सोत्सुकम्

nitambadeśāśca sahemamekhalāḥ prakurvate kasya mano na sotsukam

Prathamaḥ sargaḥ.7

समुद्गतस्वेदचिताङ्गसंधयो विमुच्य वासांसि गुरूणि साम्प्रतम्

samudgatasvedacitāṅgasaṃdhayo vimucya vāsāṃsi gurūṇi sāmpratam

Prathamaḥ sargaḥ.7.2

स्तनेषु तन्वंशुकमुन्नतस्तना निवेशयन्ति प्रमदाः सयौवनाः

staneṣu tanvaṃśukamunnatastanā niveśayanti pramadāḥ sayauvanāḥ

Prathamaḥ sargaḥ.8

सचन्दनाम्बुव्यजनोद्भवानिलैः सहारयष्टिस्तनमण्डलार्पणैः

sacandanāmbuvyajanodbhavānilaiḥ sahārayaṣṭistanamaṇḍalārpaṇaiḥ

Prathamaḥ sargaḥ.8.2

सवल्लकीकाकलिगीतनिस्वनैर् विबोध्यते सुप्त इवाद्य

vibodhyate supta ivādya manmathaḥ

Prathamaḥ sargaḥ.9

सितेषु हर्म्येषु निशासु योषितां सुखप्रसुप्तानि मुखानि चन्द्रमाः

siteṣu harmyeṣu niśāsu yoṣitāṃ sukhaprasuptāni mukhāni candramāḥ

Prathamaḥ sargaḥ.9.2

विलोक्य नूनं भृशम् उत्सुकश्चिरं निशाक्षये याति ह्रियेव पाण्डुताम्

vilokya nūnaṃ bhṛśam utsukaściraṃ niśākṣaye yāti hriyeva pāṇḍutām

Prathamaḥ sargaḥ.10

असह्यवातोद्धतरेणुमण्डला प्रचण्डसूर्यातपतापिता मही

asahyavātoddhatareṇumaṇḍalā pracaṇḍasūryātapatāpitā mahī

Prathamaḥ sargaḥ.10.2

न शक्यते द्रष्टुमपि प्रवासिभिः प्रियावियोगानलदग्धमानसैः

na śakyate draṣṭumapi pravāsibhiḥ priyāviyogānaladagdhamānasaiḥ

Ṛtusaṃhāra