4.9.1.3

यम् आगत्य वाज्य् अध्वानं सर्वा मृधो वि धूनुते

yam āgatya vājy adhvānaṃ sarvā mṛdho vi dhūnute

4.9.1.4

आक्रम्या वाजिन् पृथिवीम् अग्निम् इच्छ रुचा त्वम्

ākramyā vājin pṛthivīm agnim iccha rucā tvam

4.9.1.5

सेनां जिगाति सुष्टुतिं सुदीधितिर् विभावसुम्

senāṃ jigāti suṣṭutiṃ sudīdhitir vibhāvasum

4.9.2

ध्रुवम् अग्निर् नो दूतो रोदसी हव्यवाड् देवाṁ आ वक्षद् अध्वरे

dhruvam agnir no dūto rodasī havyavāḍ devāṁ ā vakṣad adhvare

4.9.2.2

विप्रो दूतः परिष्कृतो यक्षश् च यज्ञियः कविः

vipro dūtaḥ pariṣkṛto yakṣaś ca yajñiyaḥ kaviḥ

4.9.2.3

अप्नवानवद् और्ववद् भृगुवज् जमदग्निवद्

apnavānavad aurvavad bhṛguvaj jamadagnivad

4.9.3

यदि ते मात्रा ... हव्यवाड् अग्निर् नो दूतो रोदसी उतोत्तरेण दुहिता जुहोत मधुमत्तमम् अग्नये

yadi te mātrā ... havyavāḍ agnir no dūto rodasī utottareṇa duhitā juhota madhumattamam agnaye

4.9.3.2

प्रजां मे यच्छ द्विपदं चतुष्पदम् अग्निम् अहिंसन्तम् अङ्गिरस्वत्

prajāṃ me yaccha dvipadaṃ catuṣpadam agnim ahiṃsantam aṅgirasvat

4.9.3.3

उद् अस्थाद् ऊर्ध्व ईयते द्युमन्तो दीद्यतो बृहच्छुक्राश् शोचन्तो अर्चयः

ud asthād ūrdhva īyate dyumanto dīdyato bṛhacchukrāś śocanto arcayaḥ

4.9.4

महिषी वो अग्निर् धूमकेतुर् उषर्बुधो वैश्वानर उषसाम् अग्रम् अख्यद् अत्य् अक्रमीद् द्रविणोदा वाज्य् अर्वाकस् सु लोकं सुकृतः पृथिव्यां ततः खनेम सुप्रतीकम् अग्निं वैश्वानरं स्वो रुहाणा अधि नाके अस्मिन्न् अधा पोषस्व पोषेण पुनर् नो नष्टम् आ कृधि पुनर् नो रयिम् आ

mahiṣī vo agnir dhūmaketur uṣarbudho vaiśvānara uṣasām agram akhyad aty akramīd draviṇodā vājy arvākas su lokaṃ sukṛtaḥ pṛthivyāṃ tataḥ khanema supratīkam agniṃ vaiśvānaraṃ svo ruhāṇā adhi nāke asminn adhā poṣasva poṣeṇa punar no naṣṭam ā kṛdhi punar no rayim ā

4.9.5

न वै देवान् पीवरो संयतात्मा रोरूयमाणः ककुभाम् अचोदते ऽग्ने उ मन्य त्वम् अग्ने व्रतभृच् छुचिर् अग्ने देवाṁ इहा वहोप यज्ञं हविश् च नः

na vai devān pīvaro saṃyatātmā rorūyamāṇaḥ kakubhām acodate 'gne u manya tvam agne vratabhṛc chucir agne devāṁ ihā vahopa yajñaṃ haviś ca naḥ

4.9.5.2

व्रतानि बिभ्रद् व्रतपा अदब्धो यजा नो देवाṁ अजरस् सुवीरः

vratāni bibhrad vratapā adabdho yajā no devāṁ ajaras suvīraḥ

4.9.5.3

दधद् रत्नानि सुमृडीको अग्ने गोपाय नो जीवसे जातवेदः

dadhad ratnāni sumṛḍīko agne gopāya no jīvase jātavedaḥ

4.9.6

देवो अग्निस् स्विष्टकृत् सुद्रविणा मन्द्रः कविस् सत्यमन्मायजी होता होतुर् आयजीयान् अग्ने यान् देवान् अयाड् याṁ अपिप्रेर् ये ते होत्रे अमत्सत तां ससनुषीं होत्रां देवङ्गमां दिवि देवेषु यज्ञम् एरयेमं स्विष्टकृच् चाग्निर् होताभूद् वसुवने वसुधेयस्य नमोवाके वीहि

devo agnis sviṣṭakṛt sudraviṇā mandraḥ kavis satyamanmāyajī hotā hotur āyajīyān agne yān devān ayāḍ yāṁ apiprer ye te hotre amatsata tāṃ sasanuṣīṃ hotrāṃ devaṅgamāṃ divi deveṣu yajñam erayemaṃ sviṣṭakṛc cāgnir hotābhūd vasuvane vasudheyasya namovāke vīhi

4.9.7

सर्वं वहन्तु दुष्कृतम् अग्निं गीर्भिर् हवामहे

sarvaṃ vahantu duṣkṛtam agniṃ gīrbhir havāmahe

4.9.7.2

अग्निश् शुक्रेण शोचिषा बृहत् सूर्यो अरोचत दिवि सूर्यो अरोचत

agniś śukreṇa śociṣā bṛhat sūryo arocata divi sūryo arocata

4.9.7.3

घृतैर् हव्येभिर् आहुतं द्युमत् सूर्यो न रोचन् ते ऽग्नौ हव्यानि धत्तनाग्नौ ब्रह्माणि केवलाग्ने बृहन्तम् अध्वरे

ghṛtair havyebhir āhutaṃ dyumat sūryo na rocan te 'gnau havyāni dhattanāgnau brahmāṇi kevalāgne bṛhantam adhvare

4.9.7.4

सश्चतो दाशुषो गृहम् एवा त्वाम् अग्ने सहोभिर् गीर्भिर् वत्सो अवीवृधत्

saścato dāśuṣo gṛham evā tvām agne sahobhir gīrbhir vatso avīvṛdhat

4.10.1

वेनस् तत् पश्यद् भुवनस्य विद्वान् यत्र विश्वं भुवत्य् एकनीडम्

venas tat paśyad bhuvanasya vidvān yatra viśvaṃ bhuvaty ekanīḍam

4.10.1.2

इदं धेनुर् अदुहज् जायमाना स्वर्विदम् अभ्यनूषत व्राः

idaṃ dhenur aduhaj jāyamānā svarvidam abhyanūṣata vrāḥ

Ṛgvedakhilāni