7.66.15

शीर्ष्णः शीर्ष्णो जगतस् तस्थुषस् पतिं समया विश्वम् आ रजः

śīrṣṇaḥ śīrṣṇo jagatas tasthuṣas patiṃ samayā viśvam ā rajaḥ

7.66.15.2

सप्त स्वसारः सुविताय सूर्यं वहन्ति हरितो रथे

sapta svasāraḥ suvitāya sūryaṃ vahanti harito rathe

7.66.16

तच् चक्षुर् देवहितं शुक्रम् उच्चरत्

tac cakṣur devahitaṃ śukram uccarat

7.66.16.2

पश्येम शरदः शतं जीवेम शरदः शतम्

paśyema śaradaḥ śataṃ jīvema śaradaḥ śatam

7.66.17

काव्येभिर् अदाभ्या यातं वरुण द्युमत्

kāvyebhir adābhyā yātaṃ varuṇa dyumat

7.66.17.2

मित्रश् च सोमपीतये

mitraś ca somapītaye

7.66.18

दिवो धामभिर् वरुण मित्रश् चा यातम् अद्रुहा

divo dhāmabhir varuṇa mitraś cā yātam adruhā

7.66.18.2

पिबतं सोमम् आतुजी

pibataṃ somam ātujī

7.66.19

आ यातम् मित्रावरुणा जुषाणाव् आहुतिं नरा

ā yātam mitrāvaruṇā juṣāṇāv āhutiṃ narā

7.66.19.2

पातं सोमम् ऋतावृधा

pātaṃ somam ṛtāvṛdhā

7.67.1

प्रति वाम् रथम् नृपती जरध्यै हविष्मता मनसा यज्ञियेन यः वाम् दूतः न धिष्ण्यौ अजीगर् अच्छा सूनुः न पितरा विवक्मि

prati vām ratham nṛpatī jaradhyai haviṣmatā manasā yajñiyena yaḥ vām dūtaḥ na dhiṣṇyau ajīgar acchā sūnuḥ na pitarā vivakmi

7.67.2

अशोच्य् अग्निः समिधानो अस्मे उपो अदृश्रन् तमसश् चिद् अन्ताः

aśocy agniḥ samidhāno asme upo adṛśran tamasaś cid antāḥ

7.67.2.2

अचेति केतुर् उषसः पुरस्ताच्छ्रिये दिवो दुहितुर् जायमानः

aceti ketur uṣasaḥ purastācchriye divo duhitur jāyamānaḥ

7.67.3

अभि वां नूनम् अश्विना सुहोता स्तोमैः सिषक्ति नासत्या विवक्वान्

abhi vāṃ nūnam aśvinā suhotā stomaiḥ siṣakti nāsatyā vivakvān

7.67.3.2

पूर्वीभिर् यातम् पथ्याभिर् अर्वाक् स्वर्विदा वसुमता रथेन

pūrvībhir yātam pathyābhir arvāk svarvidā vasumatā rathena

7.67.4

अवोर् वां नूनम् अश्विना युवाकुर् हुवे यद् वां सुते माध्वी

vāṃ nūnam aśvinā yuvākur huve yad vāṃ sute mādhvī vasūyuḥ

7.67.4.2

आ वां वहन्तु स्थविरासो अश्वाः पिबाथो अस्मे सुषुता मधूनि

ā vāṃ vahantu sthavirāso aśvāḥ pibātho asme suṣutā madhūni

7.67.5

प्राचीम् उ देवाश्विना धियम् मे ऽमृध्रां सातये कृतं वसूयुम्

prācīm u devāśvinā dhiyam me 'mṛdhrāṃ sātaye kṛtaṃ vasūyum

7.67.5.2

विश्वा अविष्टं वाज आ पुरन्धीस् ता नः शक्तं शचीपती शचीभिः

viśvā aviṣṭaṃ vāja ā purandhīs tā naḥ śaktaṃ śacīpatī śacībhiḥ

7.67.6

अविष्टं धीष्व् अश्विना न आसु प्रजावद् रेतो अह्रयं नो अस्तु

aviṣṭaṃ dhīṣv aśvinā na āsu prajāvad reto ahrayaṃ no astu