7.25.6.2

इषम् पिन्व मघवद्भ्यः सुवीरां यूयम् पात स्वस्तिभिः सदा नः

iṣam pinva maghavadbhyaḥ suvīrāṃ yūyam pāta svastibhiḥ sadā naḥ

7.26.1

न सोम इन्द्रम् असुतो ममाद नाब्रह्माणो मघवानं सुतासः

na soma indram asuto mamāda nābrahmāṇo maghavānaṃ sutāsaḥ

7.26.1.2

तस्मा उक्थं जनये यज् जुजोषन् नृवन् नवीयः शृणवद् यथा नः

tasmā ukthaṃ janaye yaj jujoṣan nṛvan navīyaḥ śṛṇavad yathā naḥ

7.26.1.2

उक्थे उक्थे सोमः इन्द्रम् ममाद नीथे नीथे मघवानम् सुतासः यत् ईम् सबाधः पितरम् न पुत्राः समान दक्षाः अवसे हवन्ते

ukthe ukthe somaḥ indram mamāda nīthe nīthe maghavānam sutāsaḥ yat īm sabādhaḥ pitaram na putrāḥ samāna dakṣāḥ avase havante

7.26.3

चकार ता कृणवन् नूनम् अन्या यानि ब्रुवन्ति वेधसः सुतेषु

cakāra tā kṛṇavan nūnam anyā yāni bruvanti vedhasaḥ suteṣu

7.26.3.2

जनीर् इव पतिर् एकः समानो नि मामृजे पुर इन्द्रः सु सर्वाः

janīr iva patir ekaḥ samāno ni māmṛje pura indraḥ su sarvāḥ

7.26.4

एवा तम् आहुर् उत शृण्व इन्द्र एको विभक्ता तरणिर् मघानाम्

evā tam āhur uta śṛṇva indra eko vibhaktā taraṇir maghānām

7.26.4.2

मिथस्तुर ऊतयो यस्य पूर्वीर् अस्मे भद्राणि सश्चत प्रियाणि

mithastura ūtayo yasya pūrvīr asme bhadrāṇi saścata priyāṇi

7.26.5

एवा वसिष्ठ इन्द्रम् ऊतये नॄन् कृष्टीनां वृषभं सुते गृणाति

evā vasiṣṭha indram ūtaye nṝn kṛṣṭīnāṃ vṛṣabhaṃ sute gṛṇāti

7.26.5.2

सहस्रिण उप नो माहि वाजान् यूयम् पात स्वस्तिभिः सदा नः

sahasriṇa upa no māhi vājān yūyam pāta svastibhiḥ sadā naḥ

7.27.1

इन्द्रं नरो नेमधिता हवन्ते यत् पार्या युनजते धियस् ताः

indraṃ naro nemadhitā havante yat pāryā yunajate dhiyas tāḥ

7.27.1.2

शूरो नृषाता शवसश् चकान आ गोमति व्रजे भजा त्वं नः

śūro nṛṣātā śavasaś cakāna ā gomati vraje bhajā tvaṃ naḥ

7.27.2

य इन्द्र शुष्मो मघवन् ते अस्ति शिक्षा सखिभ्यः पुरुहूत नृभ्यः

ya indra śuṣmo maghavan te asti śikṣā sakhibhyaḥ puruhūta nṛbhyaḥ

7.27.2.2

त्वं हि दृﾱहा मघवन् विचेता अपा वृधि परिवृतं न राधः

tvaṃ hi dṛﾱhā maghavan vicetā apā vṛdhi parivṛtaṃ na rādhaḥ

7.27.3

इन्द्रो राजा जगतश् चर्षणीनाम् अधि क्षमि विषुरूपं यद् अस्ति

indro rājā jagataś carṣaṇīnām adhi kṣami viṣurūpaṃ yad asti

7.27.3.2

ततो ददाति दाशुषे वसूनि चोदद् राध उपस्तुतश् चिद् अर्वाक्

tato dadāti dāśuṣe vasūni codad rādha upastutaś cid arvāk

7.27.4

नू चिन् न इन्द्रो मघवा सहूती दानो वाजं नि यमते न

nū cin na indro maghavā sahūtī dāno vājaṃ ni yamate na

7.27.4.2

अनूना यस्य दक्षिणा पीपाय वामं नृभ्यो अभिवीता सखिभ्यः

anūnā yasya dakṣiṇā pīpāya vāmaṃ nṛbhyo abhivītā sakhibhyaḥ

7.27.5

नू इन्द्र राये वरिवस् कृधी न आ ते मनो ववृत्याम मघाय

nū indra rāye varivas kṛdhī na ā te mano vavṛtyāma maghāya

7.27.5.2

गोमद् अश्वावद् रथवद् व्यन्तो यूयम् पात स्वस्तिभिः सदा नः

gomad aśvāvad rathavad vyanto yūyam pāta svastibhiḥ sadā naḥ