6.24.14

न यम् जरन्ति शरदः न मासाः न द्यावः इन्द्रम् अवकर्शयन्ति वृद्धस्य चित् वर्धताम् अस्य तनू स्तोमेभिः उक्थैः च शस्यमाना

na yam jaranti śaradaḥ na māsāḥ na dyāvaḥ indram avakarśayanti vṛddhasya cit vardhatām asya tanū stomebhiḥ ukthaiḥ ca śasyamānā

6.24.15

न वीﾱअवे नमते न स्थिराय न शर्धते दस्यु जूताय स्तवान्

na vīﾱave namate na sthirāya na śardhate dasyu jūtāya stavān

6.24.16

अज्राः इन्द्रस्य गिरयः चित् ऋष्वाः

ajrāḥ indrasya girayaḥ cit ṛṣvāḥ

6.24.17

गम्भीरे चित् भवति गाधम् अस्मै

gambhīre cit bhavati gādham asmai

6.24.18

गम्भीरेण नः उरुणा अमत्रिन् प्र इषः यन्धि सुत पावन् वाजान्

gambhīreṇa naḥ uruṇā amatrin pra iṣaḥ yandhi suta pāvan vājān

6.24.19

स्थाः उ सु ऊर्ध्वः ऊती अ रिषण्यन् अक्तोः व्युष्टौ परितक्म्यायाम्

sthāḥ u su ūrdhvaḥ ūtī a riṣaṇyan aktoḥ vyuṣṭau paritakmyāyām

6.24.20

सचस्व नायम् अवसे अभीके इतस् वा तम् इन्द्र पाहि रिषः

sacasva nāyam avase abhīke itas vā tam indra pāhi riṣaḥ

6.24.21

अमा च एनम् अरण्ये पाहि रिषः

amā ca enam araṇye pāhi riṣaḥ

6.24.22

मदेम शत हिमाः सु वीराः

madema śata himāḥ su vīrāḥ

6.25.1

या त ऊतिर् अवमा या परमा या मध्यमेन्द्र शुष्मिन्न् अस्ति

yā ta ūtir avamā yā paramā yā madhyamendra śuṣminn asti

6.25.1.2

ताभिर् ऊ षु वृत्रहत्ये ऽवीर् न एभिश् च वाजैर् महान् न उग्र

tābhir ū ṣu vṛtrahatye 'vīr na ebhiś ca vājair mahān na ugra

6.25.2

आभि स्पृधो मिथतीर् अरिषण्यन्न् अमित्रस्य व्यथया मन्युम् इन्द्र

ābhi spṛdho mithatīr ariṣaṇyann amitrasya vyathayā manyum indra

6.25.2.2

आभिर् विश्वा अभियुजो विषूचीर् आर्याय विशो ऽव तारीर् दासीः

ābhir viśvā abhiyujo viṣūcīr āryāya viśo 'va tārīr dāsīḥ

6.25.3

इन्द्र जामय उत ये ऽजामयो ऽर्वाचीनासो वनुषो युयुज्रे

indra jāmaya uta ye 'jāmayo 'rvācīnāso vanuṣo yuyujre

6.25.3.2

त्वम् एषां विथुरा शवांसि जहि वृष्ण्यानि कृणुही पराचः

tvam eṣāṃ vithurā śavāṃsi jahi vṛṣṇyāni kṛṇuhī parācaḥ

6.25.4

शूरो वा शूरं वनते शरीरैस् तनूरुचा तरुषि यत् कृण्वैते

śūro vā śūraṃ vanate śarīrais tanūrucā taruṣi yat kṛṇvaite

6.25.4.2

तोके वा गोषु तनये यद् अप्सु वि क्रन्दसी उर्वरासु ब्रवैते

toke vā goṣu tanaye yad apsu vi krandasī urvarāsu bravaite

6.25.5

नहि त्वा शूरो न तुरो न धृष्णुर् न त्वा योधो मन्यमानो युयोध

nahi tvā śūro na turo na dhṛṣṇur na tvā yodho manyamāno yuyodha

6.25.5.2

इन्द्र नकिष् ट्वा प्रत्य् अस्त्य् एषां विश्वा जातान्य् अभ्य् असि तानि

indra nakiṣ ṭvā praty asty eṣāṃ viśvā jātāny abhy asi tāni

6.25.6

स पत्यत उभयोर् नृम्णम् अयोर् यदी वेधसः समिथे हवन्ते

sa patyata ubhayor nṛmṇam ayor yadī vedhasaḥ samithe havante