4.36.1

अनश्वो जातो अनभीशुर् उक्थ्यो रथस् त्रिचक्रः परि वर्तते रजः

anaśvo jāto anabhīśur ukthyo rathas tricakraḥ pari vartate rajaḥ

4.36.1.2

महत् तद् वो देव्यस्य प्रवाचनं द्याम् ऋभवः पृथिवीं यच् च पुष्यथ

mahat tad vo devyasya pravācanaṃ dyām ṛbhavaḥ pṛthivīṃ yac ca puṣyatha

4.36.2

रथं ये चक्रुः सुवृतं सुचेतसो ऽविह्वरन्तम् मनसस् परि ध्यया

rathaṃ ye cakruḥ suvṛtaṃ sucetaso 'vihvarantam manasas pari dhyayā

4.36.2.2

ताṁ ऊ न्व् अस्य सवनस्य पीतय आ वो वाजा ऋभवो वेदयामसि

tāṁ ū nv asya savanasya pītaya ā vo vājā ṛbhavo vedayāmasi

4.36.3

तद् वो वाजा ऋभवः सुप्रवाचनं देवेषु विभ्वो अभवन् महित्वनम्

tad vo vājā ṛbhavaḥ supravācanaṃ deveṣu vibhvo abhavan mahitvanam

4.36.3.2

जिव्री यत् सन्ता पितरा सनाजुरा पुनर् युवाना चरथाय तक्षथ

jivrī yat santā pitarā sanājurā punar yuvānā carathāya takṣatha

4.36.4

एकं वि चक्र चमसं चतुर्वयं निश् चर्मणो गाम् अरिणीत धीतिभिः

ekaṃ vi cakra camasaṃ caturvayaṃ niś carmaṇo gām ariṇīta dhītibhiḥ

4.36.4.2

अथा देवेष्व् अमृतत्वम् आनश श्रुष्टी वाजा ऋभवस् तद् व उक्थ्यम्

athā deveṣv amṛtatvam ānaśa śruṣṭī vājā ṛbhavas tad va ukthyam

4.36.5

ऋभुतो रयिः प्रथमश्रवस्तमो वाजश्रुतासो यम् अजीजनन् नरः

ṛbhuto rayiḥ prathamaśravastamo vājaśrutāso yam ajījanan naraḥ

4.36.5.2

विभ्वतष्टो विदथेषु प्रवाच्यो यं देवासो ऽवथा स विचर्षणिः

vibhvataṣṭo vidatheṣu pravācyo yaṃ devāso 'vathā sa vicarṣaṇiḥ

4.36.6

स वाज्य् अर्वा स ऋषिर् वचस्यया स शूरो अस्ता पृतनासु दुष्टरः

sa vājy arvā sa ṛṣir vacasyayā sa śūro astā pṛtanāsu duṣṭaraḥ

4.36.6.2

स रायस् पोषं स सुवीर्यं दधे यं वाजो विभ्वाṁ ऋभवो यम् आविषुः

sa rāyas poṣaṃ sa suvīryaṃ dadhe yaṃ vājo vibhvāṁ ṛbhavo yam āviṣuḥ

4.36.7

श्रेष्ठं वः पेशो अधि धायि दर्शतं स्तोमो वाजा ऋभवस् तं जुजुष्टन

śreṣṭhaṃ vaḥ peśo adhi dhāyi darśataṃ stomo vājā ṛbhavas taṃ jujuṣṭana

4.36.7.2

धीरासो हि ष्ठा कवयो विपश्चितस् तान् व एना ब्रह्मणा वेदयामसि

dhīrāso hi ṣṭhā kavayo vipaścitas tān va enā brahmaṇā vedayāmasi

4.36.8

यूयम् अस्मभ्यं धिषणाभ्यस् परि विद्वांसो विश्वा नर्याणि भोजना

yūyam asmabhyaṃ dhiṣaṇābhyas pari vidvāṃso viśvā naryāṇi bhojanā

4.36.8.2

द्युमन्तं वाजं वृषशुष्मम् उत्तमम् आ नो रयिम् ऋभवस् तक्षता वयः

dyumantaṃ vājaṃ vṛṣaśuṣmam uttamam ā no rayim ṛbhavas takṣatā vayaḥ

4.36.9

इह प्रजाम् इह रयिं रराणा इह श्रवो वीरवत् तक्षता नः

iha prajām iha rayiṃ rarāṇā iha śravo vīravat takṣatā naḥ

4.36.9.2

येन वयं चितयेमात्य् अन्यान् तं वाजं चित्रम् ऋभवो ददा नः

yena vayaṃ citayemāty anyān taṃ vājaṃ citram ṛbhavo dadā naḥ

4.37.1

उप नः वाजाः अध्वरम् ऋभुक्षा देवाः यात पथिभिः देव यानैः यथा यज्ञम् मनुषः विक्षु आसु दधिध्वे रण्वाः सुदिनेषु अह्नाम्

upa naḥ vājāḥ adhvaram ṛbhukṣā devāḥ yāta pathibhiḥ deva yānaiḥ yathā yajñam manuṣaḥ vikṣu āsu dadhidhve raṇvāḥ sudineṣu ahnām

4.37.2

ते वः हृदे मनसे सन्तु यज्ञाः जुष्टासः

te vaḥ hṛde manase santu yajñāḥ juṣṭāsaḥ