3.45.5

स्वयुर् इन्द्र स्वराﾱ असि स्मद्दिष्टिः स्वयशस्तरः

svayur indra svarāﾱ asi smaddiṣṭiḥ svayaśastaraḥ

3.45.5.2

स वावृधान ओजसा पुरुष्टुत भवा नः सुश्रवस्तमः

sa vāvṛdhāna ojasā puruṣṭuta bhavā naḥ suśravastamaḥ

3.46.1

युध्मस्य ते वृषभस्य स्वराज उग्रस्य यून स्थविरस्य घृष्वेः

yudhmasya te vṛṣabhasya svarāja ugrasya yūna sthavirasya ghṛṣveḥ

3.46.1.2

अजूर्यतो वज्रिणो वीर्याणीन्द्र श्रुतस्य महतो महानि

ajūryato vajriṇo vīryāṇīndra śrutasya mahato mahāni

3.46.1.2

महाṁ असि महिष वृष्ण्येभिः धन स्पृत् उग्र सहमानः अन्यान्

mahāṁ asi mahiṣa vṛṣṇyebhiḥ dhana spṛt ugra sahamānaḥ anyān

3.46.4

एकः विश्वस्य भुवनस्य राजा स योधया च क्षयया च जनान्

ekaḥ viśvasya bhuvanasya rājā sa yodhayā ca kṣayayā ca janān

3.46.3

प्र मात्राभी रिरिचे रोचमानः प्र देवेभिर् विश्वतो अप्रतीतः

pra mātrābhī ririce rocamānaḥ pra devebhir viśvato apratītaḥ

3.46.3.2

प्र मज्मना दिव इन्द्रः पृथिव्याः प्रोरोर् महो अन्तरिक्षाद् ऋजीषी

pra majmanā diva indraḥ pṛthivyāḥ proror maho antarikṣād ṛjīṣī

3.46.3.2

उरुम् गभीरम् जनुषा अभी उग्रम् विश्व व्यचसम् अवतम् मतीनाम् इन्द्रम् सोमासः प्रदिवि सुतासः समुद्रम् न स्रवतः आ विशन्ति

urum gabhīram januṣā abhī ugram viśva vyacasam avatam matīnām indram somāsaḥ pradivi sutāsaḥ samudram na sravataḥ ā viśanti

3.46.5

यं सोमम् इन्द्र पृथिवीद्यावा गर्भं न माता बिभृतस् त्वाया

yaṃ somam indra pṛthivīdyāvā garbhaṃ na mātā bibhṛtas tvāyā

3.46.5.2

तं ते हिन्वन्ति तम् उ ते मृजन्त्य् अध्वर्यवो वृषभ पातवा उ

taṃ te hinvanti tam u te mṛjanty adhvaryavo vṛṣabha pātavā u

3.47.1

मरुत्वाṁ इन्द्र वृषभो रणाय पिबा सोमम् अनुष्वधम् मदाय

marutvāṁ indra vṛṣabho raṇāya pibā somam anuṣvadham madāya

3.47.1.2

आ सिञ्चस्व जठरे मध्व ऊर्मिं त्वं राजासि प्रदिवः सुतानाम्

ā siñcasva jaṭhare madhva ūrmiṃ tvaṃ rājāsi pradivaḥ sutānām

3.47.2

सजोषा इन्द्र सगणो मरुद्भिः सोमम् पिब वृत्रहा शूर विद्वान्

sajoṣā indra sagaṇo marudbhiḥ somam piba vṛtrahā śūra vidvān

3.47.2.2

जहि शत्रूंर् अप मृधो नुदस्वाथाभयं कृणुहि विश्वतो नः

jahi śatrūṃr apa mṛdho nudasvāthābhayaṃ kṛṇuhi viśvato naḥ

3.47.3

उत ऋतुभिर् ऋतुपाः पाहि सोमम् इन्द्र देवेभिः सखिभिः सुतं नः

uta ṛtubhir ṛtupāḥ pāhi somam indra devebhiḥ sakhibhiḥ sutaṃ naḥ

3.47.3.2

याṁ आभजो मरुतो ये त्वान्व् अहन् वृत्रम् अदधुस् तुभ्यम् ओजः

yāṁ ābhajo maruto ye tvānv ahan vṛtram adadhus tubhyam ojaḥ

3.47.4

ये त्वाहिहत्ये मघवन्न् अवर्धन् ये शाम्बरे हरिवो ये गविष्टौ

ye tvāhihatye maghavann avardhan ye śāmbare harivo ye gaviṣṭau

3.47.4.2

ये त्वा नूनम् अनुमदन्ति विप्राः पिबेन्द्र सोमं सगणो मरुद्भिः

ye tvā nūnam anumadanti viprāḥ pibendra somaṃ sagaṇo marudbhiḥ

3.47.5

मरुत्वन्तं वृषभं वावृधानम् अकवारिं दिव्यं शासम् इन्द्रम्

marutvantaṃ vṛṣabhaṃ vāvṛdhānam akavāriṃ divyaṃ śāsam indram