1.180.4

युवं ह घर्मम् मधुमन्तम् अत्रये ऽपो न क्षोदो ऽवृणीतम् एषे

yuvaṃ ha gharmam madhumantam atraye 'po na kṣodo 'vṛṇītam eṣe

1.180.4.2

तद् वां नराव् अश्विना पश्वैष्टी रथ्येव चक्रा प्रति यन्ति मध्वः

tad vāṃ narāv aśvinā paśvaiṣṭī rathyeva cakrā prati yanti madhvaḥ

1.180.5

आ वां दानाय ववृतीय दस्रा गोर् ओहेण तौग्र्यो न जिव्रिः

ā vāṃ dānāya vavṛtīya dasrā gor oheṇa taugryo na jivriḥ

1.180.5.2

अपः क्षोणी सचते माहिना वां जूर्णो वाम् अक्षुर् अंहसो यजत्रा

apaḥ kṣoṇī sacate māhinā vāṃ jūrṇo vām akṣur aṃhaso yajatrā

1.180.6

नि यद् युवेथे नियुतः सुदानू उप स्वधाभिः सृजथः पुरन्धिम्

ni yad yuvethe niyutaḥ sudānū upa svadhābhiḥ sṛjathaḥ purandhim

1.180.6.2

प्रेषद् वेषद् वातो न सूरिर् आ महे ददे सुव्रतो न

veṣad vāto na sūrir ā mahe dade suvrato na vājam

1.180.7

वयं चिद्धि वां जरितारः सत्या विपन्यामहे वि पणिर् हितावान्

vayaṃ ciddhi vāṃ jaritāraḥ satyā vipanyāmahe vi paṇir hitāvān

1.180.7.2

अधा चिद्धि ष्माश्विनाव् अनिन्द्या पाथो हि ष्मा वृषणाव् अन्तिदेवम्

adhā ciddhi ṣmāśvināv anindyā pātho hi ṣmā vṛṣaṇāv antidevam

1.180.8

युवां चिद्धि ष्माश्विनाव् अनु द्यून् विरुद्रस्य प्रस्रवणस्य सातौ

yuvāṃ ciddhi ṣmāśvināv anu dyūn virudrasya prasravaṇasya sātau

1.180.8.2

अगस्त्यो नरां नृषु प्रशस्तः काराधुनीव चितयत् सहस्रैः

agastyo narāṃ nṛṣu praśastaḥ kārādhunīva citayat sahasraiḥ

1.180.9

प्र यद् वहेथे महिना रथस्य प्र स्यन्द्रा याथो मनुषो न होता

pra yad vahethe mahinā rathasya pra syandrā yātho manuṣo na hotā

1.180.9.2

धत्तं सूरिभ्य उत वा स्वश्व्यं नासत्या रयिषाचः स्याम

dhattaṃ sūribhya uta vā svaśvyaṃ nāsatyā rayiṣācaḥ syāma

1.180.10

तं वां रथं वयम् अद्या हुवेम स्तोमैर् अश्विना सुविताय नव्यम्

taṃ vāṃ rathaṃ vayam adyā huvema stomair aśvinā suvitāya navyam

1.180.10.2

अरिष्टनेमिम् परि द्याम् इयानं विद्यामेषं वृजनं जीरदानुम्

ariṣṭanemim pari dyām iyānaṃ vidyāmeṣaṃ vṛjanaṃ jīradānum

1.181.1

कद् उ प्रेष्ठाव् इषां रयीणाम् अध्वर्यन्ता यद् उन्निनीथो अपाम्

kad u preṣṭhāv iṣāṃ rayīṇām adhvaryantā yad unninītho apām

1.181.1.2

अयं वां यज्ञो अकृत प्रशस्तिं वसुधिती अवितारा जनानाम्

ayaṃ vāṃ yajño akṛta praśastiṃ vasudhitī avitārā janānām

1.181.2

आ वाम् अश्वासः शुचयः पयस्पा वातरंहसो दिव्यासो अत्याः

ā vām aśvāsaḥ śucayaḥ payaspā vātaraṃhaso divyāso atyāḥ

1.181.2.2

मनोजुवो वृषणो वीतपृष्ठा एह स्वराजो अश्विना वहन्तु

manojuvo vṛṣaṇo vītapṛṣṭhā eha svarājo aśvinā vahantu

1.181.2.2

आ वाम् रथः अवनिः न प्रवत्वान् सृप्र वन्धुरः सुविताय गम्याः वृष्णः स्थातारा मनसः जवीयान् अहम्पूर्वः यजतः धिष्ण्या यः

ā vām rathaḥ avaniḥ na pravatvān sṛpra vandhuraḥ suvitāya gamyāḥ vṛṣṇaḥ sthātārā manasaḥ javīyān ahampūrvaḥ yajataḥ dhiṣṇyā yaḥ

1.181.4

इहेह जाता सम् अवावशीताम् अरेपसा तन्वा नामभिः स्वैः

iheha jātā sam avāvaśītām arepasā tanvā nāmabhiḥ svaiḥ