1.38.2

जम्बीरद्रवयोगेन यावद् आयाति पिण्डताम्

jambīradravayogena yāvad āyāti piṇḍatām

1.39

तत्पिण्डं तलभाण्डस्थमूर्ध्वभाण्डे जलं क्षिपेत्

tatpiṇḍaṃ talabhāṇḍasthamūrdhvabhāṇḍe jalaṃ kṣipet

1.39.2

कृत्वालवालकं वापि ततः सूतं समुद्धरेत्

kṛtvālavālakaṃ vāpi tataḥ sūtaṃ samuddharet

1.39.3

ऊर्ध्वपातनमित्युक्तं भिषग्भिः सूतशोधने

ūrdhvapātanamityuktaṃ bhiṣagbhiḥ sūtaśodhane

1.40

नवनीताह्वयं गन्धं घृष्ट्वा जम्भाम्भसा दिनम्

navanītāhvayaṃ gandhaṃ ghṛṣṭvā jambhāmbhasā dinam

1.40.2

वानरीशिग्रुशिखिभिः सैन्धवासुरिसंयुतैः

vānarīśigruśikhibhiḥ saindhavāsurisaṃyutaiḥ

1.41

नष्टपिष्टं रसं कृत्वा लेपयेद् ऊर्ध्वभाण्डके

naṣṭapiṣṭaṃ rasaṃ kṛtvā lepayed ūrdhvabhāṇḍake

1.41.2

ऊर्ध्वभाण्डोदरं लिप्त्वाधोभाण्डं जलसंयुतम्

ūrdhvabhāṇḍodaraṃ liptvādhobhāṇḍaṃ jalasaṃyutam

1.42

सन्धिलेपं द्वयोः कृत्वा तद् यन्त्रं भुवि पूरयेत्

sandhilepaṃ dvayoḥ kṛtvā tad yantraṃ bhuvi pūrayet

1.42.2

उपरिष्टात् पुटे दत्ते जले पतति पारदः

upariṣṭāt puṭe datte jale patati pāradaḥ

1.42.3

अधःपातनमित्युक्तं सिद्धाद्यैः सूतकर्मणि

adhaḥpātanamityuktaṃ siddhādyaiḥ sūtakarmaṇi

1.43

घटे रसं विनिक्षिप्य सजलं घटम् अन्यकम्

ghaṭe rasaṃ vinikṣipya sajalaṃ ghaṭam anyakam

1.43.2

तिर्यङ्मुखं द्वयोः कृत्वा तन्मुखं रोधयेत् सुधीः

tiryaṅmukhaṃ dvayoḥ kṛtvā tanmukhaṃ rodhayet sudhīḥ

1.44

रसाधो ज्वालयेदग्निं यावत्सूतो जलं विशेत्

rasādho jvālayedagniṃ yāvatsūto jalaṃ viśet

1.44.2

तिर्यक्पातनमित्युक्तं सिद्धैर्नागार्जुनादिभिः

tiryakpātanamityuktaṃ siddhairnāgārjunādibhiḥ

1.45

एवं कदर्थितः सूतः षण्ढत्वमधिगच्छति

evaṃ kadarthitaḥ sūtaḥ ṣaṇḍhatvamadhigacchati

1.45.2

तन्मुक्तयेऽस्य क्रियते बोधनं कथ्यते हि तत्

tanmuktaye'sya kriyate bodhanaṃ kathyate hi tat

1.46

विश्वामित्रकपाले वा काचकूप्याम् अथापि वा

viśvāmitrakapāle vā kācakūpyām athāpi vā

1.46.2

सूते जलं विनिक्षिप्य तत्र तन्मज्जनावधि

sūte jalaṃ vinikṣipya tatra tanmajjanāvadhi

1.47

पूरयेत्त्रिदिनं भूम्यां गजहस्तप्रमाणतः

pūrayettridinaṃ bhūmyāṃ gajahastapramāṇataḥ

Rasendrasārasaṃgraha