1.21

अजाशकृत्तुषाग्निं च भूगर्ते त्रितयं क्षिपेत्

ajāśakṛttuṣāgniṃ ca bhūgarte tritayaṃ kṣipet

1.21.2

तस्योपरि स्थितं खल्लं तप्तखल्लमिति स्मृतम्

tasyopari sthitaṃ khallaṃ taptakhallamiti smṛtam

1.22

स्नुह्यर्कसम्भवं क्षीरं ब्रह्मबीजं च गुग्गुलुः

snuhyarkasambhavaṃ kṣīraṃ brahmabījaṃ ca gugguluḥ

1.22.2

सैन्धवं द्विगुणं मर्द्यं निगडोऽयं महोत्तमः

saindhavaṃ dviguṇaṃ mardyaṃ nigaḍo'yaṃ mahottamaḥ

1.23

षोडशांशैर् भिषक्चूर्णैर् एकत्र मर्दयेद् रसम्

ṣoḍaśāṃśair bhiṣakcūrṇair ekatra mardayed rasam

1.23.2

प्रत्येकं प्रत्यहं दत्त्वा सप्तवारं विमर्दयेत्

pratyekaṃ pratyahaṃ dattvā saptavāraṃ vimardayet

1.24

सोर्णैर् निशेष्टकाधूमजम्बीराम्बुभिर् आ

sorṇair niśeṣṭakādhūmajambīrāmbubhir ā

1.24.2

मर्दितः काञ्जिकैर् धौतो नागदोषं रसस्त्यजेत्

marditaḥ kāñjikair dhauto nāgadoṣaṃ rasastyajet

1.25

विशालाङ्कोठचूर्णेन वङ्गदोषं विमुञ्चति

viśālāṅkoṭhacūrṇena vaṅgadoṣaṃ vimuñcati

1.25.2

राजवृक्षो मलं हन्ति चित्रको वह्निदूषणम्

rājavṛkṣo malaṃ hanti citrako vahnidūṣaṇam

1.26

चाञ्चल्यं कृष्णधुस्तूरं त्रिफला विषनाशिनी

cāñcalyaṃ kṛṣṇadhustūraṃ triphalā viṣanāśinī

1.26.2

कटुत्रयं गिरिं हन्ति असह्याग्निं त्रिकण्टकः

kaṭutrayaṃ giriṃ hanti asahyāgniṃ trikaṇṭakaḥ

1.27

प्रतिदोषं कलांशेन तत्तच्चूर्णं सकन्यकम्

pratidoṣaṃ kalāṃśena tattaccūrṇaṃ sakanyakam

1.27.2

उद्धृत्योष्णारनालेन मृत्पात्रे क्षालयेत्सुधीः

uddhṛtyoṣṇāranālena mṛtpātre kṣālayetsudhīḥ

1.27.3

एवं संशोधितः सूतः सप्तकञ्चुकवर्जितः

evaṃ saṃśodhitaḥ sūtaḥ saptakañcukavarjitaḥ

1.28

श्रीखण्डं देवकाष्ठं च काकजङ्घाजयाद्रवैः

śrīkhaṇḍaṃ devakāṣṭhaṃ ca kākajaṅghājayādravaiḥ

1.28.2

कर्कटीमूसलीकन्याद्रवं दत्त्वा विमर्दयेत्

karkaṭīmūsalīkanyādravaṃ dattvā vimardayet

1.28.3

दिनैकं पातयेत्पश्चात्तं शुद्धं विनियोजयेत्

dinaikaṃ pātayetpaścāttaṃ śuddhaṃ viniyojayet

1.29

कुमार्या च निशाचूर्णैर्दिनं सूतं विमर्दयेत्

kumāryā ca niśācūrṇairdinaṃ sūtaṃ vimardayet

1.29.2

पातयेत्पातनायन्त्रे सम्यक्शुद्धो भवेद् रसः

pātayetpātanāyantre samyakśuddho bhaved rasaḥ

Rasendrasārasaṃgraha