5.5

विद्रुतं गन्धकं ज्ञात्वा दुग्धमध्ये विनिक्षिपेत्

vidrutaṃ gandhakaṃ jñātvā dugdhamadhye vinikṣipet

5.5.2

एवं गन्धकशुद्धिः स्यात्सर्वकार्येषु योजयेत्

evaṃ gandhakaśuddhiḥ syātsarvakāryeṣu yojayet

5.6

गन्धकस्य च पादांशं दत्त्वा च टङ्कणं पुनः

gandhakasya ca pādāṃśaṃ dattvā ca ṭaṅkaṇaṃ punaḥ

5.6.2

मर्दयेन्मातुलुङ्गाम्लै रुवुतैलेन भावयेत्

mardayenmātuluṅgāmlai ruvutailena bhāvayet

5.6.3

चूर्णं पाषाणगं कृत्वा शनैर् गन्धं खरातपे

cūrṇaṃ pāṣāṇagaṃ kṛtvā śanair gandhaṃ kharātape

5.7

विचूर्ण्य गन्धकं क्षीरे घनीभावावधिं पचेत्

vicūrṇya gandhakaṃ kṣīre ghanībhāvāvadhiṃ pacet

5.7.2

ततः सूर्यावर्त्तरसं पुनर्दत्त्वा पचेच्छनैः

tataḥ sūryāvarttarasaṃ punardattvā pacecchanaiḥ

5.8

पश्चाच्च पातयेत्प्राज्ञो जले त्रैफलसम्भवे

paścācca pātayetprājño jale traiphalasambhave

5.8.2

जहाति गन्धको गन्धं निजं नास्तीह संशयः

jahāti gandhako gandhaṃ nijaṃ nāstīha saṃśayaḥ

5.9

देवदाल्यम्लपर्णी वा नागरं वाथ दाडिमम्

devadālyamlaparṇī vā nāgaraṃ vātha dāḍimam

5.9.2

मातुलुङ्गं यथालाभं द्रवमेकस्य वा हरेत्

mātuluṅgaṃ yathālābhaṃ dravamekasya vā haret

5.10

गन्धकस्य तु पादांशं टङ्कणं द्रवसंयुतम्

gandhakasya tu pādāṃśaṃ ṭaṅkaṇaṃ dravasaṃyutam

5.10.2

अनयोर्गन्धकं भाव्यं त्रिभिर्वारैस् ततः पुनः

anayorgandhakaṃ bhāvyaṃ tribhirvārais tataḥ punaḥ

5.11

धूस्तूरस्तुलसीकृष्णा लशुनं देवदालिका

dhūstūrastulasīkṛṣṇā laśunaṃ devadālikā

5.11.2

शिग्रुमूलं काकमाची कर्पूरः शङ्खिनीद्वयी

śigrumūlaṃ kākamācī karpūraḥ śaṅkhinīdvayī

5.12

कृष्णागुरुश्च कस्तूरी वन्ध्याकर्कोटकीद्वयी

kṛṣṇāguruśca kastūrī vandhyākarkoṭakīdvayī

5.12.2

मातुलुङ्गरसैः पिष्ट्वा क्षिपेदेरण्डतैलके

mātuluṅgarasaiḥ piṣṭvā kṣipederaṇḍatailake

5.13

अनेन लौहपात्रस्थं भावयेत् पूर्वगन्धकम्

anena lauhapātrasthaṃ bhāvayet pūrvagandhakam

5.13.2

त्रिवारं क्षौद्रतुल्यं तु जायते गन्धकवर्जितम्

trivāraṃ kṣaudratulyaṃ tu jāyate gandhakavarjitam

5.14

अर्कक्षीरैः स्नुहीक्षीरैर्वस्त्रं लेप्यं तु सप्तधा

arkakṣīraiḥ snuhīkṣīrairvastraṃ lepyaṃ tu saptadhā

Rasendracintāmaṇi