2.31

ऊर्ध्वपातनयन्त्रेण हिङ्गुलादुत्थितो रसः

ūrdhvapātanayantreṇa hiṅgulādutthito rasaḥ

2.31.2

हिङ्गुलोत्थः स्मृतश्चैव हिङ्गुलाकृष्ट उच्यते

hiṅgulotthaḥ smṛtaścaiva hiṅgulākṛṣṭa ucyate

2.32

कोष्ठ्यां ध्मातस्य वज्रादेर्द्रावकौषधिभिः समम्

koṣṭhyāṃ dhmātasya vajrāderdrāvakauṣadhibhiḥ samam

2.32.2

सारो यो निर्गतः सोऽत्र सत्त्वमित्यभिधीयते

sāro yo nirgataḥ so'tra sattvamityabhidhīyate

2.33

बाष्पस्वेदनयन्त्रेण वनौषधिसमुद्भवः

bāṣpasvedanayantreṇa vanauṣadhisamudbhavaḥ

2.33.2

सारः सत्त्वमिति प्रोक्तं रसतन्त्रविचक्षणैः

sāraḥ sattvamiti proktaṃ rasatantravicakṣaṇaiḥ

2.34

सिक्थकं तिलतैलश्च युक्तमानविमिश्रितम्

sikthakaṃ tilatailaśca yuktamānavimiśritam

2.34.2

विपक्वं नवनीताभं सिक्थतैलं प्रकीर्तितम्

vipakvaṃ navanītābhaṃ sikthatailaṃ prakīrtitam

2.35

गुञ्जा मधु गुडः सर्पिः सौभाग्यं गुग्गुलुस्तथा

guñjā madhu guḍaḥ sarpiḥ saubhāgyaṃ guggulustathā

2.35.2

पूर्वाचार्यैः कीर्तितोऽयं धातूनां द्रावको गणः

pūrvācāryaiḥ kīrtito'yaṃ dhātūnāṃ drāvako gaṇaḥ

2.36

संद्रावितस्य द्रव्यस्य द्रवे निक्षेपणं तु यत्

saṃdrāvitasya dravyasya drave nikṣepaṇaṃ tu yat

2.36.2

ढालनं तत्समुद्दिष्टं रसकर्मविशारदैः

ḍhālanaṃ tatsamuddiṣṭaṃ rasakarmaviśāradaiḥ

2.37

आज्यं गुञ्जाथ सौभाग्यं क्षौद्रं च पुरसंज्ञकम्

ājyaṃ guñjātha saubhāgyaṃ kṣaudraṃ ca purasaṃjñakam

2.37.2

एतत्तु मिलितं विज्ञैर्मित्रपञ्चकमुच्यते

etattu militaṃ vijñairmitrapañcakamucyate

2.38

विविधानां तु लोहानां द्रावणाय विशेषतः

vividhānāṃ tu lohānāṃ drāvaṇāya viśeṣataḥ

2.38.2

रसतन्त्रविशेषज्ञैर् युज्यते मित्रपञ्चकम्

rasatantraviśeṣajñair yujyate mitrapañcakam

2.39

द्रव्यान्तरविनिक्षेपो द्रुते वङ्गादिके तु यः

dravyāntaravinikṣepo drute vaṅgādike tu yaḥ

2.39.2

क्रियते स प्रतीवाप आवापश्च निगद्यते

kriyate sa pratīvāpa āvāpaśca nigadyate

2.40

धात्वादेर्वह्नितप्तस्य जलादौ यन्निषेचनम्

dhātvādervahnitaptasya jalādau yanniṣecanam

2.40.2

स निर्वापः स्मृतश्चापि निषेकः स्नपनं च तत्

sa nirvāpaḥ smṛtaścāpi niṣekaḥ snapanaṃ ca tat

Rasataraṅgiṇī