4.10

रसोनकरसं भद्रे यत्नतो वस्त्रगालितम्

rasonakarasaṃ bhadre yatnato vastragālitam

4.10.2

दापयेत्प्रचुरं यत्नात् आप्लाव्य रसगन्धकौ

dāpayetpracuraṃ yatnāt āplāvya rasagandhakau

4.11

स्थालिकायां निधायोर्ध्वं स्थालीम् अन्यां दृढां कुरु

sthālikāyāṃ nidhāyordhvaṃ sthālīm anyāṃ dṛḍhāṃ kuru

4.11.2

संधिं विलेपयेद्यत्नात् मृदा वस्त्रेण चैव हि

saṃdhiṃ vilepayedyatnāt mṛdā vastreṇa caiva hi

4.12

स्थाल्यन्तरे कपोताख्यं पुटं कर्षाग्निना सदा

sthālyantare kapotākhyaṃ puṭaṃ karṣāgninā sadā

4.12.2

यन्त्रस्याधः करीषाग्निं दद्यात्तीव्राग्निमेव वा

yantrasyādhaḥ karīṣāgniṃ dadyāttīvrāgnimeva vā

4.13

एवं तु त्रिदिनं कुर्यात् ततो यन्त्रं विमोचयेत्

evaṃ tu tridinaṃ kuryāt tato yantraṃ vimocayet

4.13.2

तप्तोदके तप्तचुल्ल्यां न कुर्याच्छीतले क्रियाम्

taptodake taptacullyāṃ na kuryācchītale kriyām

4.14

न तत्र क्षीयते सूतो न च गच्छति कुत्रचित्

na tatra kṣīyate sūto na ca gacchati kutracit

4.14.2

अनेन क्रमयोगेन कुर्याद्गन्धकजारणम्

anena kramayogena kuryādgandhakajāraṇam

4.15

ऊर्ध्वं वह्निरधश्चापो मध्ये तु रससंग्रहः

ūrdhvaṃ vahniradhaścāpo madhye tu rasasaṃgrahaḥ

4.15.2

मूषायन्त्रमिदं देवि जारयेद्गगनादिकम्

mūṣāyantramidaṃ devi jārayedgaganādikam

4.16

गर्भयन्त्रं प्रवक्ष्यामि पिष्टिकाभस्मकारणम्

garbhayantraṃ pravakṣyāmi piṣṭikābhasmakāraṇam

4.16.2

चतुरङ्गुलदीर्घां तु मूषिकां मृन्मयीं दृढाम्

caturaṅguladīrghāṃ tu mūṣikāṃ mṛnmayīṃ dṛḍhām

4.17

त्र्यङ्गुलां मध्यविस्तारे वर्तुलं कारयेन्मुखम्

tryaṅgulāṃ madhyavistāre vartulaṃ kārayenmukham

4.17.2

लोहस्य विंशतिर्भागा एको भागस्तु गुग्गुलोः

lohasya viṃśatirbhāgā eko bhāgastu gugguloḥ

4.18

सुश्लक्ष्णं पेषयित्वा तु तोयं दद्यात् पुनः पुनः

suślakṣṇaṃ peṣayitvā tu toyaṃ dadyāt punaḥ punaḥ

4.18.2

मूषालेपं ततः कुर्यात् तले पिष्टीं च निक्षिपेत्

mūṣālepaṃ tataḥ kuryāt tale piṣṭīṃ ca nikṣipet

4.19

तुषकर्षाग्निना भूमौ मृदुस्वेदं तु कारयेत्

tuṣakarṣāgninā bhūmau mṛdusvedaṃ tu kārayet

4.19.2

अहोरात्रं त्रिरात्रं वा रसेन्द्रो भस्मतां व्रजेत्

ahorātraṃ trirātraṃ vā rasendro bhasmatāṃ vrajet

Rasārṇava