9.20.2

संधिं विलेपयेद्यत्नान्मृदा वस्त्रेण चैव हि

saṃdhiṃ vilepayedyatnānmṛdā vastreṇa caiva hi

9.21

स्थाल्यन्तरे कपोताख्यं पुटं कर्षाग्निना सदा

sthālyantare kapotākhyaṃ puṭaṃ karṣāgninā sadā

9.21.2

यन्त्रस्याधः करीषाग्निं दद्यात्तीव्राग्निमेव वा

yantrasyādhaḥ karīṣāgniṃ dadyāttīvrāgnimeva vā

9.22

एवं तु त्रिदिनं कुर्यात्ततो यन्त्रं विमोचयेत्

evaṃ tu tridinaṃ kuryāttato yantraṃ vimocayet

9.22.2

तप्तोदके तप्तचुल्ल्यां न कुर्याच्छीतलां क्रियाम्

taptodake taptacullyāṃ na kuryācchītalāṃ kriyām

9.23

न तत्र क्षीयते सूतो न च गच्छति कुत्रचित्

na tatra kṣīyate sūto na ca gacchati kutracit

9.23.2

अनेन च क्रमेणैव कुर्याद्गन्धकजारणम्

anena ca krameṇaiva kuryādgandhakajāraṇam

9.24

यन्त्रं विद्याधरं ज्ञेयं स्थालीद्वितयसम्पुटात्

yantraṃ vidyādharaṃ jñeyaṃ sthālīdvitayasampuṭāt

9.24.2

चुल्लीं चतुर्मुखीं कृत्वा यन्त्रभाण्डं निवेशयेत्

cullīṃ caturmukhīṃ kṛtvā yantrabhāṇḍaṃ niveśayet

9.25

तत्रौषधं विनिक्षिप्य निरुन्ध्याद्भाण्डकाननम्

tatrauṣadhaṃ vinikṣipya nirundhyādbhāṇḍakānanam

9.25.2

यन्त्रं विद्याधरं नाम तन्त्रज्ञैः परिकीर्तितम्

yantraṃ vidyādharaṃ nāma tantrajñaiḥ parikīrtitam

9.26

ऊर्ध्वं वह्निरधश्चापो मध्ये तु रससंग्रहः

ūrdhvaṃ vahniradhaścāpo madhye tu rasasaṃgrahaḥ

9.26.2

सोमानलम् इदं प्रोक्तं जारयेद्गगनादिकम्

somānalam idaṃ proktaṃ jārayedgaganādikam

9.27

गर्भयन्त्रं प्रवक्ष्यामि पिष्टिकाभस्मकारकम्

garbhayantraṃ pravakṣyāmi piṣṭikābhasmakārakam

9.27.2

चतुरङ्गुलदीर्घां च त्र्यङ्गुलोन्मितविस्तराम्

caturaṅguladīrghāṃ ca tryaṅgulonmitavistarām

9.28

मृन्मयीं सुदृढां मूषां वर्तुलं कारयेन्मुखम्

mṛnmayīṃ sudṛḍhāṃ mūṣāṃ vartulaṃ kārayenmukham

9.28.2

लोणस्य विंशतिर्भागा भाग एकस्तु गुग्गुलोः

loṇasya viṃśatirbhāgā bhāga ekastu gugguloḥ

9.29

सुश्लक्ष्णं पेषयित्वा तु वारं वारं पुनः पुनः

suślakṣṇaṃ peṣayitvā tu vāraṃ vāraṃ punaḥ punaḥ

9.29.2

मूषालेपं दृढं कृत्वा लवणार्धमृदम्बुभिः

mūṣālepaṃ dṛḍhaṃ kṛtvā lavaṇārdhamṛdambubhiḥ

9.30

कर्षेत् तुषाग्निना भूमौ स्वेदयेन्मृदु मानवित्

karṣet tuṣāgninā bhūmau svedayenmṛdu mānavit

Rasaratnasamuccaya