8.23

लोहं लोहान्तरे क्षिप्तं ध्मातं निर्वापितं द्रवे

lohaṃ lohāntare kṣiptaṃ dhmātaṃ nirvāpitaṃ drave

8.23.2

पाण्डुपीतप्रभं जातं पिञ्जरीत्यभिधीयते

pāṇḍupītaprabhaṃ jātaṃ piñjarītyabhidhīyate

8.24

भागाः षोडश तारस्य तथा द्वादश भास्वतः

bhāgāḥ ṣoḍaśa tārasya tathā dvādaśa bhāsvataḥ

8.24.2

एकत्रावर्तितास्तेन चन्द्रार्कमिति कथ्यते

ekatrāvartitāstena candrārkamiti kathyate

8.25

साध्यलोहे ऽन्यलोहं चेत्प्रक्षिप्तं वङ्कनालतः

sādhyalohe 'nyalohaṃ cetprakṣiptaṃ vaṅkanālataḥ

8.25.2

निर्वापणं तु तत्प्रोक्तं वैद्यैर्निर्वाहणं खलु

nirvāpaṇaṃ tu tatproktaṃ vaidyairnirvāhaṇaṃ khalu

8.26

क्षिपेन्निर्वापणं द्रव्यं निर्वाह्ये समभागिकम्

kṣipennirvāpaṇaṃ dravyaṃ nirvāhye samabhāgikam

8.26.2

आवाह्यं वापनीये च भागे दृष्टे च दृष्टवत्

āvāhyaṃ vāpanīye ca bhāge dṛṣṭe ca dṛṣṭavat

8.27

मृतं तरति यत्तोये लोहं वारितरं हि तत्

mṛtaṃ tarati yattoye lohaṃ vāritaraṃ hi tat

8.28

अङ्गुष्ठतर्जनीघृष्टं यत् तद् रेखान्तरे विशेत्

aṅguṣṭhatarjanīghṛṣṭaṃ yat tad rekhāntare viśet

8.28.2

मृतलोहं तदुद्दिष्टं रेखापूर्णाभिधानतः

mṛtalohaṃ taduddiṣṭaṃ rekhāpūrṇābhidhānataḥ

8.29

गुडगुञ्जासुखस्पर्शमध्वाज्यैः सह योजितम्

guḍaguñjāsukhasparśamadhvājyaiḥ saha yojitam

8.29.2

नायाति प्रकृतिं ध्मानाद् अपुनर्भवम् उच्यते

nāyāti prakṛtiṃ dhmānād apunarbhavam ucyate

8.30

तस्योपरि गुरु द्रव्यं धान्यं चोपनयेद्ध्रुवम्

tasyopari guru dravyaṃ dhānyaṃ copanayeddhruvam

8.30.2

हंसवत् तीर्यते वारिण्युत्तमं परिकीर्तितम्

haṃsavat tīryate vāriṇyuttamaṃ parikīrtitam

8.31

रौप्येण सह संयुक्तं ध्मातं रौप्येण चेल् लगेत्

raupyeṇa saha saṃyuktaṃ dhmātaṃ raupyeṇa cel laget

8.31.2

तदा निरुत्थमित्युक्तं लोहं तद् अपुनर्भवम्

tadā nirutthamityuktaṃ lohaṃ tad apunarbhavam

8.32

निर्वापणविशेषेण तत्तद्वर्णं भवेद्यदा

nirvāpaṇaviśeṣeṇa tattadvarṇaṃ bhavedyadā

8.32.2

मृदुलं चित्रसंस्कारं तद्बीजमिति कथ्यते

mṛdulaṃ citrasaṃskāraṃ tadbījamiti kathyate

8.33

इदमेव विनिर्दिष्टं वैद्यैरुत्तरणं खलु

idameva vinirdiṣṭaṃ vaidyairuttaraṇaṃ khalu

Rasaratnasamuccaya