3.166.2

क्रमात् पीतं च रक्तं च सत्त्वं पतति शोभनम्

kramāt pītaṃ ca raktaṃ ca sattvaṃ patati śobhanam

4.1

मणयो ऽपि च विज्ञेयाः सूतबन्धस्य कारकाः

maṇayo 'pi ca vijñeyāḥ sūtabandhasya kārakāḥ

4.2

वैक्रान्तः सूर्यकान्तश्च हीरकं मौक्तिकं मणिः

vaikrāntaḥ sūryakāntaśca hīrakaṃ mauktikaṃ maṇiḥ

4.3

चन्द्रकान्तस्तथा चैव राजावर्तश्च सप्तमः

candrakāntastathā caiva rājāvartaśca saptamaḥ

4.3.2

गरुडोद्गारकश्चैव ज्ञातव्या मणयस्त्वमी

garuḍodgārakaścaiva jñātavyā maṇayastvamī

4.4

पुष्परागं महानीलं पद्मरागं प्रवालकम्

puṣparāgaṃ mahānīlaṃ padmarāgaṃ pravālakam

4.4.2

वैडूर्यं च तथा नीलमेते च मणयो मताः

vaiḍūryaṃ ca tathā nīlamete ca maṇayo matāḥ

4.4.3

यत्नतः संग्रहीतव्या रसबन्धस्य कारणात्

yatnataḥ saṃgrahītavyā rasabandhasya kāraṇāt

4.5

पद्मरागेन्द्रनीलाख्यौ तथा मरकतोत्तमः

padmarāgendranīlākhyau tathā marakatottamaḥ

4.5.2

पुष्परागः सवज्राख्यः पञ्च रत्नवराः स्मृताः

puṣparāgaḥ savajrākhyaḥ pañca ratnavarāḥ smṛtāḥ

4.6

माणिक्यमुक्ताफलविद्रुमाणि तार्क्ष्यं च पुष्पं भिदुरं च नीलम्

māṇikyamuktāphalavidrumāṇi tārkṣyaṃ ca puṣpaṃ bhiduraṃ ca nīlam

4.6.2

गोमेदकं चाथ विदूरकं च क्रमेण रत्नानि नवग्रहाणाम्

gomedakaṃ cātha vidūrakaṃ ca krameṇa ratnāni navagrahāṇām

4.7

ग्रहानुमैत्र्या कुरुविन्दपुष्पप्रवालमुक्ताफलतार्क्ष्यवज्रम्

grahānumaitryā kuruvindapuṣpapravālamuktāphalatārkṣyavajram

4.7.2

नीलाख्यगोमेदविदूरकं च क्रमेण मुद्राधृतमिष्टसिद्ध्यै

nīlākhyagomedavidūrakaṃ ca krameṇa mudrādhṛtamiṣṭasiddhyai

4.8

रसे रसायने दाने धारणे देवतार्चने

rase rasāyane dāne dhāraṇe devatārcane

4.8.2

सुरक्ष्याणि सुजातीनि रत्नान्युक्तानि सिद्धये

surakṣyāṇi sujātīni ratnānyuktāni siddhaye

4.9

माणिक्यं पद्मरागाख्यं द्वितीयं नीलगन्धि च

māṇikyaṃ padmarāgākhyaṃ dvitīyaṃ nīlagandhi ca

4.10

कुशेशयदलच्छायं स्वच्छं स्निग्धं महत्स्फुटम्

kuśeśayadalacchāyaṃ svacchaṃ snigdhaṃ mahatsphuṭam

4.10.2

वृत्तायतं समं गात्रं माणिक्यं श्रेष्ठमुच्यते

vṛttāyataṃ samaṃ gātraṃ māṇikyaṃ śreṣṭhamucyate

4.11

नीलं गङ्गाम्बुसम्भूतं नीलगर्भारुणच्छवि

nīlaṃ gaṅgāmbusambhūtaṃ nīlagarbhāruṇacchavi

Rasaratnasamuccaya