1.49.2

इयन्माना द्वितीया च कर्तव्या स्थालिका शुभा

iyanmānā dvitīyā ca kartavyā sthālikā śubhā

1.50

क्षारद्वयं रामठं च तथा हि पटुपञ्चकम्

kṣāradvayaṃ rāmaṭhaṃ ca tathā hi paṭupañcakam

1.50.2

अम्लवर्गेण संयुक्तं सूतकं तैस्तु मर्दयेत्

amlavargeṇa saṃyuktaṃ sūtakaṃ taistu mardayet

1.51

लेपयेत्तेन कल्केन अधःस्थां स्थालिकां शुभाम्

lepayettena kalkena adhaḥsthāṃ sthālikāṃ śubhām

1.51.2

उपरिस्थाम् अधोवक्त्रां दत्त्वा संपुटमाचरेत्

uparisthām adhovaktrāṃ dattvā saṃpuṭamācaret

1.52

सभस्मलवणेनैव मुद्रां तत्र प्रकारयेत्

sabhasmalavaṇenaiva mudrāṃ tatra prakārayet

1.52.2

चुल्यां स्थालीं निवेश्याथ धान्याग्निं तत्र कारयेत्

culyāṃ sthālīṃ niveśyātha dhānyāgniṃ tatra kārayet

1.53

तस्योपरि जलाधानं कार्यं यामचतुष्टयम्

tasyopari jalādhānaṃ kāryaṃ yāmacatuṣṭayam

1.53.2

स्वाङ्गशीतलतां ज्ञात्वा ऊर्ध्वंगं ग्राहयेद्रसम्

svāṅgaśītalatāṃ jñātvā ūrdhvaṃgaṃ grāhayedrasam

1.54

ऊर्ध्वपातनयंत्रं हि तदेवं परिकीर्तितम्

ūrdhvapātanayaṃtraṃ hi tadevaṃ parikīrtitam

1.54.2

पूर्वोक्तां स्थालिकां सम्यक् विपरीतां तु पंकिले

pūrvoktāṃ sthālikāṃ samyak viparītāṃ tu paṃkile

1.54.3

गर्ते तु स्थापितां भूमौ ज्वालयेन्मूर्ध्नि पावकम्

garte tu sthāpitāṃ bhūmau jvālayenmūrdhni pāvakam

1.55

यामत्रितयपर्यंतं अधः पतति पारदः

yāmatritayaparyaṃtaṃ adhaḥ patati pāradaḥ

1.55.2

अधःपातनयंत्रं हि कीर्तितं रसवेदिभिः

adhaḥpātanayaṃtraṃ hi kīrtitaṃ rasavedibhiḥ

1.56

पूर्वोक्तैरौषधैः सार्धं रसराजं विमर्दयेत्

pūrvoktairauṣadhaiḥ sārdhaṃ rasarājaṃ vimardayet

1.56.2

तिर्यग्घटे रसं क्षिप्त्वा तन्मुखे ह्यपरो घटः

tiryagghaṭe rasaṃ kṣiptvā tanmukhe hyaparo ghaṭaḥ

1.57

कनीयानुदरे छिद्रं छिद्रे चायसनालिकाम्

kanīyānudare chidraṃ chidre cāyasanālikām

1.57.2

नालिकां जलपात्रस्थां कारयेच्च भिषग्वरैः

nālikāṃ jalapātrasthāṃ kārayecca bhiṣagvaraiḥ

1.58

अधस्ताद्रसयंत्रस्य तीव्राग्निं ज्वालयेद्बुधः

adhastādrasayaṃtrasya tīvrāgniṃ jvālayedbudhaḥ

1.58.2

यामत्रितयपर्यंतं तिर्यक्पातो भवेद्रसः

yāmatritayaparyaṃtaṃ tiryakpāto bhavedrasaḥ

Rasaprakāśasudhākara