9.1.2

मर्दयित्वा लिपेल्लिङ्गं स्थित्वा यामं तथैव च

mardayitvā lipelliṅgaṃ sthitvā yāmaṃ tathaiva ca

9.2

ततः प्रक्षालयेल्लिङ्गं रमेद्रामां यथोचिताम्

tataḥ prakṣālayelliṅgaṃ ramedrāmāṃ yathocitām

9.2.2

वीर्यस्तम्भकरं पुंसां सम्यङ् नागार्जुनोदितम्

vīryastambhakaraṃ puṃsāṃ samyaṅ nāgārjunoditam

9.3

कृकलासस्य पुच्छाग्रं मुद्रिका प्रोततन्तुभिः

kṛkalāsasya pucchāgraṃ mudrikā protatantubhiḥ

9.3.2

वेष्ट्या कनिष्ठिका धार्या नरो वीर्यं न मुञ्चति

veṣṭyā kaniṣṭhikā dhāryā naro vīryaṃ na muñcati

9.4

मधुना पद्मबीजानि पिष्ट्वा नाभिं प्रलेपयेत्

madhunā padmabījāni piṣṭvā nābhiṃ pralepayet

9.4.2

यावत्तिष्ठत्यसौ लेपस्तावद्वीर्यं न मुञ्चति

yāvattiṣṭhatyasau lepastāvadvīryaṃ na muñcati

9.5

चटकाण्डं तु संग्राह्य नवनीतेन पेषयेत्

caṭakāṇḍaṃ tu saṃgrāhya navanītena peṣayet

9.5.2

तेन प्रलेपयेत् पादौ शुक्रस्तम्भः प्रजायते

tena pralepayet pādau śukrastambhaḥ prajāyate

9.5.3

यावन्न स्पृशते भूमिं तावद्वीर्यं न मुञ्चति

yāvanna spṛśate bhūmiṃ tāvadvīryaṃ na muñcati

9.6

वनक्रोडस्य दंष्ट्राग्रं दक्षिणं च समाहरेत्

vanakroḍasya daṃṣṭrāgraṃ dakṣiṇaṃ ca samāharet

9.6.2

कट्यामुपरि यद् बद्ध्वा शुक्रस्तम्भः प्रजायते

kaṭyāmupari yad baddhvā śukrastambhaḥ prajāyate

9.7

डुण्डुभो नामतः सर्पः कृष्णवर्णस्तमाहरेत्

ḍuṇḍubho nāmataḥ sarpaḥ kṛṣṇavarṇastamāharet

9.8

तस्यास्थि धारयेत् कट्यां नरो वीर्यं न मुञ्चति

tasyāsthi dhārayet kaṭyāṃ naro vīryaṃ na muñcati

9.8.2

विमुञ्चति विमुक्तेन सिद्धयोग उदाहृतः

vimuñcati vimuktena siddhayoga udāhṛtaḥ

9.9

रक्तापामार्गमूलं तु सोमवाराभिमन्त्रितम्

raktāpāmārgamūlaṃ tu somavārābhimantritam

9.9.2

भौमे प्रातः समुद्धृत्य कट्यां बद्ध्वा न वीर्यमुक्

bhaume prātaḥ samuddhṛtya kaṭyāṃ baddhvā na vīryamuk

9.10

खसपलं शुण्ठीक्वाथः षोडशांशेन गुडेन निशि पीतः

khasapalaṃ śuṇṭhīkvāthaḥ ṣoḍaśāṃśena guḍena niśi pītaḥ

9.10.2

कुरुते रतौ न पुंसो रेतः पतनं विनाम्लेन

kurute ratau na puṃso retaḥ patanaṃ vināmlena

9.11

सूरणं तुलसीमूलं ताम्बूलेन तु भक्षयेत्

sūraṇaṃ tulasīmūlaṃ tāmbūlena tu bhakṣayet

Rasamañjarī