7.6.2

रुद्ध्वा लघुपुटे पच्याद् उद्धृत्य मधुसर्पिषा

ruddhvā laghupuṭe pacyād uddhṛtya madhusarpiṣā

7.7

निष्कं खादेज्जरामृत्युं हन्ति गन्धामृतो रसः

niṣkaṃ khādejjarāmṛtyuṃ hanti gandhāmṛto rasaḥ

7.7.2

समूलं भृङ्गराजं तु छायाशुष्कं विचूर्णयेत्

samūlaṃ bhṛṅgarājaṃ tu chāyāśuṣkaṃ vicūrṇayet

7.8

तत्समं त्रिफलाचूर्णं सर्वतुल्या सिता भवेत्

tatsamaṃ triphalācūrṇaṃ sarvatulyā sitā bhavet

7.8.2

पलैकं भक्षयेच्चानु तच्च मृत्युरुजापहम्

palaikaṃ bhakṣayeccānu tacca mṛtyurujāpaham

7.9

मृतसूतस्य पादांशं हेमभस्म प्रकल्पयेत्

mṛtasūtasya pādāṃśaṃ hemabhasma prakalpayet

7.10

क्षीराज्यं मधुना युक्तं माषैकं कांस्यपात्रके

kṣīrājyaṃ madhunā yuktaṃ māṣaikaṃ kāṃsyapātrake

7.10.2

लेहयेन्मासषट्कं तु जरामृत्युविनाशनम्

lehayenmāsaṣaṭkaṃ tu jarāmṛtyuvināśanam

7.11

वाकुचीचूर्णकर्षैकं धात्रीरसपरिप्लुतम्

vākucīcūrṇakarṣaikaṃ dhātrīrasapariplutam

7.11.2

अनुपानं लिहेन्नित्यं स्याद्रसो हेमसुन्दरः

anupānaṃ lihennityaṃ syādraso hemasundaraḥ

7.12

शुद्धसूतं वज्रभस्म सत्त्वमभ्रकताप्ययोः

śuddhasūtaṃ vajrabhasma sattvamabhrakatāpyayoḥ

7.12.2

कान्तलोहसमं हेम जम्बीरे मर्दयेद् दृढम्

kāntalohasamaṃ hema jambīre mardayed dṛḍham

7.13

सप्ताहं सर्वतुल्यांशं गोलं कृत्वा समुद्धरेत्

saptāhaṃ sarvatulyāṃśaṃ golaṃ kṛtvā samuddharet

7.13.2

गोजिह्वावायसीवन्ध्यानिर्गुण्डीमधुसैन्धवैः

gojihvāvāyasīvandhyānirguṇḍīmadhusaindhavaiḥ

7.14

लेपयेद्वज्रमूषान्ते गोलकं तत्र निक्षिपेत्

lepayedvajramūṣānte golakaṃ tatra nikṣipet

7.14.2

तत्कल्कैश्छादितं कृत्वा पक्षैकं भूधरे पचेत्

tatkalkaiśchāditaṃ kṛtvā pakṣaikaṃ bhūdhare pacet

7.15

यामं यामं समुद्धृत्य लिप्त्वामूषां पुनः पुनः

yāmaṃ yāmaṃ samuddhṛtya liptvāmūṣāṃ punaḥ punaḥ

7.15.2

रुद्ध्वाथ पूर्ववत्पाच्यमेनं पक्षात्समुद्धरेत्

ruddhvātha pūrvavatpācyamenaṃ pakṣātsamuddharet

7.16

यवचिञ्चापलाशाख्यराजीकार्पासतण्डुलैः

yavaciñcāpalāśākhyarājīkārpāsataṇḍulaiḥ

7.16.2

एतैः प्रलेपयेन्मूषां गुटिकां तत्र निक्षिपेत्

etaiḥ pralepayenmūṣāṃ guṭikāṃ tatra nikṣipet

Rasamañjarī