2.3

प्रक्षिप्य तोयं मृत्कुण्डे तस्योपरि शरावकम्

prakṣipya toyaṃ mṛtkuṇḍe tasyopari śarāvakam

2.3.2

संचूर्णमेखलायुक्तं स्थापयेत्तस्य चान्तरे

saṃcūrṇamekhalāyuktaṃ sthāpayettasya cāntare

2.4

रसं क्षिप्त्वा गन्धकस्य रजस्तस्योपरि क्षिपेत्

rasaṃ kṣiptvā gandhakasya rajastasyopari kṣipet

2.4.2

समं भागं ततो दद्याच्छरावेण पिधापयेत्

samaṃ bhāgaṃ tato dadyāccharāveṇa pidhāpayet

2.5

लघ्वीयसीं भस्ममुद्रां ततः कुर्याद्

bhasmamudrāṃ tataḥ kuryād bhiṣagvaraḥ

2.5.2

आरण्योपलकैः सम्यक् चतुर्भिः पुटमाचरेत्

āraṇyopalakaiḥ samyak caturbhiḥ puṭamācaret

2.6

एवं पुनः पुनर् गन्धं दत्त्वा दत्त्वा भिषग्वरः

evaṃ punaḥ punar gandhaṃ dattvā dattvā bhiṣagvaraḥ

2.6.2

सम्यक् कुर्वीत सूतस्य देवि षड्गुणजारणम्

samyak kurvīta sūtasya devi ṣaḍguṇajāraṇam

2.7

रसः स्यात् पटुशिग्रुतुत्थैः सराजिकैर्व्योषणकैस् त्रिरात्रम्

rasaḥ syāt paṭuśigrututthaiḥ sarājikairvyoṣaṇakais trirātram

2.7.2

पिष्टस्ततः स्विन्नतनु सुवर्णमुख्यानयं खादति सर्वधातून्

piṣṭastataḥ svinnatanu suvarṇamukhyānayaṃ khādati sarvadhātūn

2.8

अथवा बिडयोगेन शिखिपित्तेन लेपितम्

athavā biḍayogena śikhipittena lepitam

2.8.2

चरेत् सुवर्णं रसराट् तप्तखल्वे यथासुखम्

caret suvarṇaṃ rasarāṭ taptakhalve yathāsukham

2.9

निर्दग्धशंखचूर्णं च रविक्षीरेण संप्लुतम्

nirdagdhaśaṃkhacūrṇaṃ ca ravikṣīreṇa saṃplutam

2.9.2

पुटितं शतशो देवि प्रशस्तं जारणं विदुः

puṭitaṃ śataśo devi praśastaṃ jāraṇaṃ viduḥ

2.10

स्वर्णाभ्रसर्वलोहानि यथेष्टानि च जारयेत्

svarṇābhrasarvalohāni yatheṣṭāni ca jārayet

2.10.2

अनेकविधिना सूतं चतुःषष्ट्यंशकादिना

anekavidhinā sūtaṃ catuḥṣaṣṭyaṃśakādinā

2.10.3

द्वात्रिंशत् षोडशांशेन जारयेत् कनकं बुधः

dvātriṃśat ṣoḍaśāṃśena jārayet kanakaṃ budhaḥ

2.11

द्विपलं शुद्धसूतं च सूतार्धं शुद्धगन्धकम्

dvipalaṃ śuddhasūtaṃ ca sūtārdhaṃ śuddhagandhakam

2.11.2

कन्यानीरेण संमर्द्य दिनमेकं निरन्तरम्

kanyānīreṇa saṃmardya dinamekaṃ nirantaram

2.12

रुद्ध्वा तद्भूधरे यन्त्रे दिनैकं मारयेत् पुटान्

ruddhvā tadbhūdhare yantre dinaikaṃ mārayet puṭān

Rasamañjarī