5.71.2

तीक्ष्णाल्लक्षगुणं कान्तं भक्षणात् कुरुते गुणम्

tīkṣṇāllakṣaguṇaṃ kāntaṃ bhakṣaṇāt kurute guṇam

6.1

क्षीराब्धेरुत्थितं देवं पीतवस्त्रं चतुर्भुजम्

kṣīrābdherutthitaṃ devaṃ pītavastraṃ caturbhujam

6.1.2

वन्दे धन्वन्तरिं नित्यं नानागदनिषूदनम्

vande dhanvantariṃ nityaṃ nānāgadaniṣūdanam

6.2

यथा गुरुमुखं श्रुत्वा सानुभूतं च तद्रसम्

yathā gurumukhaṃ śrutvā sānubhūtaṃ ca tadrasam

6.2.2

स रसः प्रोच्यते ह्यत्र व्याधिनाशनहेतवे

sa rasaḥ procyate hyatra vyādhināśanahetave

6.3

मुक्त्वैकं रसवैद्यं च लाभपूजायशस्विनम्

muktvaikaṃ rasavaidyaṃ ca lābhapūjāyaśasvinam

6.3.2

तृणकाष्ठौषधैर् वैद्यः को लभेत वराटिकाम्

tṛṇakāṣṭhauṣadhair vaidyaḥ ko labheta varāṭikām

6.4

यस्य रोगस्य यो योगो मुनिभिः परिकीर्तितः

yasya rogasya yo yogo munibhiḥ parikīrtitaḥ

6.4.2

तत्तद्योगसमायुक्तं भिषक् सूतं प्रयोजयेत्

tattadyogasamāyuktaṃ bhiṣak sūtaṃ prayojayet

6.5

मात्राधिकं न सेवेत रसं वा विषम् औषधम्

mātrādhikaṃ na seveta rasaṃ vā viṣam auṣadham

6.5.2

त्र्याधिबद्धं च कोष्ठं च वीक्ष्य मात्रां प्रयोजयेत्

tryādhibaddhaṃ ca koṣṭhaṃ ca vīkṣya mātrāṃ prayojayet

6.6

रसं वज्रं हेम तारं नागं लोहं च ताम्रकम्

rasaṃ vajraṃ hema tāraṃ nāgaṃ lohaṃ ca tāmrakam

6.6.2

तुल्यांशमारिते योज्यं मुक्तामाक्षिकविद्रुमम्

tulyāṃśamārite yojyaṃ muktāmākṣikavidrumam

6.7

शंखं च तुल्यतुल्यांशं सप्ताहं चित्रकद्रवैः

śaṃkhaṃ ca tulyatulyāṃśaṃ saptāhaṃ citrakadravaiḥ

6.7.2

मर्दयित्वा विचूर्ण्याथ तेनापूर्य वराटिकाम्

mardayitvā vicūrṇyātha tenāpūrya varāṭikām

6.8

टङ्कणं रविदुग्धेन पिष्ट्वा मूषां च बन्धयेत्

ṭaṅkaṇaṃ ravidugdhena piṣṭvā mūṣāṃ ca bandhayet

6.8.2

मृद्भाण्डे च निरुध्याथ सम्यग्गजपुटे पचेत्

mṛdbhāṇḍe ca nirudhyātha samyaggajapuṭe pacet

6.9

स्वाङ्गशीतं समुद्धृत्य सूक्ष्मचूर्णानि कारयेत्

svāṅgaśītaṃ samuddhṛtya sūkṣmacūrṇāni kārayet

6.9.2

आदाय चूर्णयेत्सर्वं निर्गुण्ड्याः सप्तभावनाः

ādāya cūrṇayetsarvaṃ nirguṇḍyāḥ saptabhāvanāḥ

6.10

आर्द्रकस्य रसैः सप्त चित्रकस्यैकविंशतिः

ārdrakasya rasaiḥ sapta citrakasyaikaviṃśatiḥ

Rasamañjarī