5.52.2

द्वयोः समं सारचूर्णं मर्दयेत् कन्यकाम्बुना

dvayoḥ samaṃ sāracūrṇaṃ mardayet kanyakāmbunā

5.53

यामद्वयं ततो गोलं स्थापयेत्ताम्रभाजने

yāmadvayaṃ tato golaṃ sthāpayettāmrabhājane

5.53.2

आच्छाद्यैरण्डजैः पत्रैरुष्णो यामद्वयं भवेत्

ācchādyairaṇḍajaiḥ patrairuṣṇo yāmadvayaṃ bhavet

5.54

त्रिदिनं धान्यराशिस्थं तं ततो मर्दयेद् दृढम्

tridinaṃ dhānyarāśisthaṃ taṃ tato mardayed dṛḍham

5.54.2

रजस्तद्वस्त्रगलितं नीरे तरति हंसवत्

rajastadvastragalitaṃ nīre tarati haṃsavat

5.55

तीक्ष्णं मुण्डं कान्तलोहं निरुत्थं जायते मृतम्

tīkṣṇaṃ muṇḍaṃ kāntalohaṃ nirutthaṃ jāyate mṛtam

5.55.2

त्रिफलामधुसंयुक्तम् एतत्सेव्यं रसायनम्

triphalāmadhusaṃyuktam etatsevyaṃ rasāyanam

5.56

द्वादशांशेन दरदं तीक्ष्णचूर्णस्य मेलयेत्

dvādaśāṃśena daradaṃ tīkṣṇacūrṇasya melayet

5.56.2

कन्यानीरेण संमर्द्य यामयुग्मं तु तत्पुटेत्

kanyānīreṇa saṃmardya yāmayugmaṃ tu tatpuṭet

5.56.3

पुटेदेवं लोहचूर्णं सप्तधा मरणं व्रजेत्

puṭedevaṃ lohacūrṇaṃ saptadhā maraṇaṃ vrajet

5.57

काकोदुम्बरिकानीरे लोहपत्राणि सेचयेत्

kākodumbarikānīre lohapatrāṇi secayet

5.57.2

तप्ततप्तानि षड्वारं कुट्टयेत्तद् उदूखले

taptataptāni ṣaḍvāraṃ kuṭṭayettad udūkhale

5.58

तत्पञ्चमांशं दरदं क्षिप्त्वा सर्वं विमर्दयेत्

tatpañcamāṃśaṃ daradaṃ kṣiptvā sarvaṃ vimardayet

5.58.2

कुमारीनीरतस् तीक्ष्णं पुटे गजपुटे तथा

kumārīnīratas tīkṣṇaṃ puṭe gajapuṭe tathā

5.59

त्रिवारं त्रिफलाक्वाथैस्तत्संख्याकैरतन्द्रितः

trivāraṃ triphalākvāthaistatsaṃkhyākairatandritaḥ

5.59.2

एवं चतुर्दशपुटैर्लोहं वारितरं भवेत्

evaṃ caturdaśapuṭairlohaṃ vāritaraṃ bhavet

5.60

तिन्दूफलस्य मज्जायां खड्गं लिप्त्वातपे खरे

tindūphalasya majjāyāṃ khaḍgaṃ liptvātape khare

5.60.2

धारयेत् कांस्यपात्रेण दिनैकेन पुटत्यलम्

dhārayet kāṃsyapātreṇa dinaikena puṭatyalam

5.61

लेपं पुनः पुनः कुर्याद् दिनान्ते तत्प्रपेषयेत्

lepaṃ punaḥ punaḥ kuryād dinānte tatprapeṣayet

5.61.2

त्रिफलाक्वाथसंयुक्तं दिनैकेन मृतिर्भवेत्

triphalākvāthasaṃyuktaṃ dinaikena mṛtirbhavet

Rasamañjarī