1.1.54.5

चतुरङ्गुलकोत्सेधं तोयाधारं गलादधः

caturaṅgulakotsedhaṃ toyādhāraṃ galādadhaḥ

1.1.55

अधोभाण्डे मुखं तस्य भाण्डस्योपरिवर्तिनः

adhobhāṇḍe mukhaṃ tasya bhāṇḍasyoparivartinaḥ

1.1.55.2

षोडशाङ्गुलविस्तीर्णपृष्ठस्यास्ये प्रवेशयेत्

ṣoḍaśāṅgulavistīrṇapṛṣṭhasyāsye praveśayet

1.1.56

पार्श्वयोर् महिषीक्षीरचूर्णमण्डूरफाणितैः

pārśvayor mahiṣīkṣīracūrṇamaṇḍūraphāṇitaiḥ

1.1.56.2

लिप्त्वा विशोषयेत्संधिं जलाधारे जलं क्षिपेत्

liptvā viśoṣayetsaṃdhiṃ jalādhāre jalaṃ kṣipet

1.1.57

चुल्ल्याम् आरोपयेद् एतत् पातनयन्त्रम् ईरितम्

cullyām āropayed etat pātanayantram īritam

1.1.57.2

अथोर्ध्वभाजने लिप्तस्थापितस्य जले सुधीः

athordhvabhājane liptasthāpitasya jale sudhīḥ

1.1.58

दीप्तैर् वनोपलैः कुर्याद् अधःपातं प्रयत्नतः

dīptair vanopalaiḥ kuryād adhaḥpātaṃ prayatnataḥ

1.1.58.2

कच्छपयन्त्रान्तर्गतमृन्मयपीठस्थदीपिकासंस्थः

kacchapayantrāntargatamṛnmayapīṭhasthadīpikāsaṃsthaḥ

1.1.58.3

यस्मिन्निपतति सूतः प्रोक्तं तद् दीपिकायन्त्रम्

yasminnipatati sūtaḥ proktaṃ tad dīpikāyantram

1.1.59

तिर्यक्पातनस्थाने एतत्

tiryakpātanasthāne etat

1.1.59.2

इति पातनयन्त्राणि

iti pātanayantrāṇi

1.1.59.3

अथ धातूपधातुरसोपरससत्त्वतैलादिपातनार्थं यन्त्राण्युच्यन्ते सिद्धसारं गर्भसारं परमानन्दमूर्तिजम्

atha dhātūpadhāturasoparasasattvatailādipātanārthaṃ yantrāṇyucyante siddhasāraṃ garbhasāraṃ paramānandamūrtijam

1.1.59.4

पातालाकाशसंज्ञे च श्रीरञ्जककरुणाकरम्

pātālākāśasaṃjñe ca śrīrañjakakaruṇākaram

1.1.60

वारुणी ज्योतिर् इत्यादि यन्त्राणि स्युर् अनेकधा

vāruṇī jyotir ityādi yantrāṇi syur anekadhā

1.1.60.2

चुल्ल्याम् आरोपयेत् पात्रं गम्भीरं कल्कपूरितम्

cullyām āropayet pātraṃ gambhīraṃ kalkapūritam

1.1.60.3

तत्पार्श्वनलिकामार्गाद्द्रुतसत्त्वस्य विप्रुषाः

tatpārśvanalikāmārgāddrutasattvasya vipruṣāḥ

1.1.61

पतन्ति येन तद्यन्त्रं सिद्धसाराख्यम् ईरितम्

patanti yena tadyantraṃ siddhasārākhyam īritam

1.1.61.2

कल्को मूर्छनमारणबन्धनौषधीजनितः

kalko mūrchanamāraṇabandhanauṣadhījanitaḥ

1.1.62

तथैव पात्रं गम्भीरं सच्छिद्रकपिधानकम्

tathaiva pātraṃ gambhīraṃ sacchidrakapidhānakam

Rasakāmadhenu