3.26.2

बीजानामपि पाकं हृष्यन्ति च तदनु तप्यन्ति

bījānāmapi pākaṃ hṛṣyanti ca tadanu tapyanti

3.27

इत्थमनेकदोषैर्बहुश्रमैर्गगनचारणं मत्वा

itthamanekadoṣairbahuśramairgaganacāraṇaṃ matvā

3.27.2

निर्दिश्यते प्रकारः कर्मणि शास्त्रेऽपि संवादी

nirdiśyate prakāraḥ karmaṇi śāstre'pi saṃvādī

3.28

अग्राह्यो निर्लेपः सूक्ष्मगतिर्व्यापकोऽक्षयो जीवः

agrāhyo nirlepaḥ sūkṣmagatirvyāpako'kṣayo jīvaḥ

3.28.2

यावद्विशति न योनौ तावद्बन्धं कुतो भजते

yāvadviśati na yonau tāvadbandhaṃ kuto bhajate

3.29

इति परमहंसपरिव्राजकाचार्यश्रीमद्गोविन्दभगवत्पादविरचिते रसहृदयाख्ये तन्त्रे निर्मुखवासनामुखान्तर्भूतसमुखपत्त्राभ्रकचरणात्मकस् तृतीयो ऽवबोधः

iti paramahaṃsaparivrājakācāryaśrīmadgovindabhagavatpādaviracite rasahṛdayākhye tantre nirmukhavāsanāmukhāntarbhūtasamukhapattrābhrakacaraṇātmakas tṛtīyo 'vabodhaḥ

4.1

कृष्णो रक्तः पीतो यो ऽभ्रः स्यात् स्थूलतारकारहितः

kṛṣṇo raktaḥ pīto yo 'bhraḥ syāt sthūlatārakārahitaḥ

4.1.2

वज्री स पीतकर्मणि पातितसत्त्वो घनो योज्यः

vajrī sa pītakarmaṇi pātitasattvo ghano yojyaḥ

4.2

निश्चन्द्रिकं हि गगनं वासितमपि वासनाभिर् इह शतधा

niścandrikaṃ hi gaganaṃ vāsitamapi vāsanābhir iha śatadhā

4.2.2

तदपि न चरति रसेन्द्रः सत्त्वं कथमत्र यत्नतः प्रभवेत्

tadapi na carati rasendraḥ sattvaṃ kathamatra yatnataḥ prabhavet

4.3

मुक्त्वैकमभ्रसत्त्वं नान्यः पक्षापकर्तनसमर्थः

muktvaikamabhrasattvaṃ nānyaḥ pakṣāpakartanasamarthaḥ

4.3.2

तेन निरुद्धप्रसरो नियम्यते बध्यते च सुखम्

tena niruddhaprasaro niyamyate badhyate ca sukham

4.4

पक्षच्छेदम् अकृत्वा रसबन्धं कर्तुम् ईहते यस्तु

pakṣacchedam akṛtvā rasabandhaṃ kartum īhate yastu

4.4.2

बीजैरेव हि स जडो वाञ्छत्यजितेन्द्रियो मोक्षम्

bījaireva hi sa jaḍo vāñchatyajitendriyo mokṣam

4.5

नाधः पतति न चोर्ध्वं तिष्ठति यन्त्रे भवेद् अनुद्गारी

nādhaḥ patati na cordhvaṃ tiṣṭhati yantre bhaved anudgārī

4.5.2

अभ्रकजीर्णः सूतः पक्षच्छिन्नः स विज्ञेयः

abhrakajīrṇaḥ sūtaḥ pakṣacchinnaḥ sa vijñeyaḥ

4.6

श्वेतादिचतुर्वर्णाः कथितास्ते स्थूलतारकारहिताः

śvetādicaturvarṇāḥ kathitāste sthūlatārakārahitāḥ

4.6.2

वज्री सत्वं मुञ्चत्यपरे ध्माताश्च काचतां यान्ति

vajrī satvaṃ muñcatyapare dhmātāśca kācatāṃ yānti

4.7

सितरक्तासितपीता ये केचिदुदाहृता घना लोके

sitaraktāsitapītā ye kecidudāhṛtā ghanā loke

4.7.2

अल्पबला निःसत्त्वा वज्री श्रेष्ठस्तु सर्वेषाम्

alpabalā niḥsattvā vajrī śreṣṭhastu sarveṣām

Rasahṛdayatantra