Mūl..61.2

कण्ठशोषशमनो ऽतिदीपनः श्लेष्मपित्तशमनो ऽतिबृंहणः

kaṇṭhaśoṣaśamano 'tidīpanaḥ śleṣmapittaśamano 'tibṛṃhaṇaḥ

Mūl..62

कण्डूलः शूरणः कन्दी सुकन्दी स्थूलकन्दकः

kaṇḍūlaḥ śūraṇaḥ kandī sukandī sthūlakandakaḥ

Mūl..62.2

दुर्नामारिः सुवृत्तश् च वातारिः कन्दशूरणः

durnāmāriḥ suvṛttaś ca vātāriḥ kandaśūraṇaḥ

Mūl..63

अर्शोघ्नस् तीव्रकन्दश् च कन्दार्हः कन्दवर्धनः

arśoghnas tīvrakandaś ca kandārhaḥ kandavardhanaḥ

Mūl..63.2

बहुकन्दो रुच्यकन्दः शूरकन्दस् तु षोडशः

bahukando rucyakandaḥ śūrakandas tu ṣoḍaśaḥ

Mūl..64

शूरणः कटुकरुच्यदीपनः पाचनः क्रिमिकफानिलापहः

śūraṇaḥ kaṭukarucyadīpanaḥ pācanaḥ krimikaphānilāpahaḥ

Mūl..64.2

श्वासकासवमनार्शसां हरः शूलगुल्मशमनो ऽस्रदोषकृत्

śvāsakāsavamanārśasāṃ haraḥ śūlagulmaśamano 'sradoṣakṛt

Mūl..65

सितशूरणस् तु वन्यो वनकन्दो ऽरण्यशूरणो वनजः

sitaśūraṇas tu vanyo vanakando 'raṇyaśūraṇo vanajaḥ

Mūl..65.2

स श्वेतशूरणाख्यो वनकन्दः कण्डूलश् च सप्ताख्यः

sa śvetaśūraṇākhyo vanakandaḥ kaṇḍūlaś ca saptākhyaḥ

Mūl..66

श्वेतशूरणको रुच्यः कटूष्णः क्रिमिनाशनः

śvetaśūraṇako rucyaḥ kaṭūṣṇaḥ krimināśanaḥ

Mūl..66.2

गुल्मशूलादिदोषघ्नः स चारोचकहारकः

gulmaśūlādidoṣaghnaḥ sa cārocakahārakaḥ

Mūl..67

मुखालुर् मण्डपारोहो दीर्घकन्दः सुकन्दकः

mukhālur maṇḍapāroho dīrghakandaḥ sukandakaḥ

Mūl..67.2

स्थूलकन्दो महाकन्दः स्वादुकन्दश् च सप्तधा

sthūlakando mahākandaḥ svādukandaś ca saptadhā

Mūl..68

मुखालुकः स्यान् मधुरः शिशिरः पित्तनाशनः

mukhālukaḥ syān madhuraḥ śiśiraḥ pittanāśanaḥ

Mūl..68.2

रुचिकृद् वातकृच् चैव दाहशोषतृषापहः

rucikṛd vātakṛc caiva dāhaśoṣatṛṣāpahaḥ

Mūl..69

पिण्डालुः स्यात् ग्रन्थिलः पिण्डकन्दः कन्दग्रन्थी रोमशो रोमकन्दः

piṇḍāluḥ syāt granthilaḥ piṇḍakandaḥ kandagranthī romaśo romakandaḥ

Mūl..69.2

रोमाह्वः स्यात् सो ऽपि ताम्बूलपत्त्रो लालाकन्दः पिण्डको ऽयं दशाह्वः

romāhvaḥ syāt so 'pi tāmbūlapattro lālākandaḥ piṇḍako 'yaṃ daśāhvaḥ

Mūl..70

पिण्डालुर् मधुरः शीतो मूत्रकृच्छ्रामयापहः

piṇḍālur madhuraḥ śīto mūtrakṛcchrāmayāpahaḥ

Mūl..70.2

दाहशोषप्रमेहघ्नो वृष्यः संतर्पणो गुरुः

dāhaśoṣapramehaghno vṛṣyaḥ saṃtarpaṇo guruḥ

Mūl..71

अन्यस् तु रक्तपिण्डालू रक्तालू रक्तपिण्डकः

anyas tu raktapiṇḍālū raktālū raktapiṇḍakaḥ

Rājanighaṇṭu