Śat..61.2

रुचिकृद् दीपनी हृद्या गुल्मप्लीहापहा भवेत्

rucikṛd dīpanī hṛdyā gulmaplīhāpahā bhavet

Śat..62

वाकुची सोमराजी च सोमवल्ली सुवल्लिका

vākucī somarājī ca somavallī suvallikā

Śat..62.2

सिता सितावरी चन्द्रलेखा चान्द्री च सुप्रभा

sitā sitāvarī candralekhā cāndrī ca suprabhā

Śat..63

कुष्ठहन्त्री च काम्बोजी प्रतिगन्धा च वल्गुजा

kuṣṭhahantrī ca kāmbojī pratigandhā ca valgujā

Śat..63.2

स्मृता चन्द्राभिधा राजी काल्माषी च तथैन्दवी

smṛtā candrābhidhā rājī kālmāṣī ca tathaindavī

Śat..64

कुष्ठदोषापहा चैव कान्तिदा वल्गुजा तथा

kuṣṭhadoṣāpahā caiva kāntidā valgujā tathā

Śat..64.2

चन्द्राभिधा प्रभायुक्ता विंशतिः स्यात् तु नामतः

candrābhidhā prabhāyuktā viṃśatiḥ syāt tu nāmataḥ

Śat..65

वाकुची कटुतिक्तोष्णा क्रिमिकुष्ठकफापहा

vākucī kaṭutiktoṣṇā krimikuṣṭhakaphāpahā

Śat..65.2

त्वग्दोषविषकण्डूतिखर्जुप्रशमनी च सा

tvagdoṣaviṣakaṇḍūtikharjupraśamanī ca sā

Śat..66

शणपुष्पी बृहत्पुष्पी शणिका शणघण्टिका

śaṇapuṣpī bṛhatpuṣpī śaṇikā śaṇaghaṇṭikā

Śat..66.2

पीतपुष्पी स्थूलफला लोमशा माल्यपुष्पिका

pītapuṣpī sthūlaphalā lomaśā mālyapuṣpikā

Śat..67

शणपुष्पी रसे तिक्ता कषाया कफवातजित्

śaṇapuṣpī rase tiktā kaṣāyā kaphavātajit

Śat..67.2

अजीर्णज्वरदोषघ्नी वमनी रक्तदोषनुत्

ajīrṇajvaradoṣaghnī vamanī raktadoṣanut

Śat..68

द्वितीयान्या सूक्ष्मपुष्पा स्यात् क्षुद्रशणपुष्पिका

dvitīyānyā sūkṣmapuṣpā syāt kṣudraśaṇapuṣpikā

Śat..68.2

विष्टिका सूक्ष्मपर्णी च बाणाह्वा सूक्ष्मघण्टिका

viṣṭikā sūkṣmaparṇī ca bāṇāhvā sūkṣmaghaṇṭikā

Śat..68.3

शणपुष्पी क्षुद्रतिक्ता वम्या रसनियामिका

śaṇapuṣpī kṣudratiktā vamyā rasaniyāmikā

Śat..69

तृतीयान्या वृत्तपर्णी श्वेतपुष्पा महासिता

tṛtīyānyā vṛttaparṇī śvetapuṣpā mahāsitā

Śat..69.2

सा महाश्वेतघण्टी च सा महाशणपुष्पिका

sā mahāśvetaghaṇṭī ca sā mahāśaṇapuṣpikā

Śat..70

महाश्वेता कषायोष्णा शस्ता रसनियामिका

mahāśvetā kaṣāyoṣṇā śastā rasaniyāmikā

Śat..70.2

कुतूहलेषु च प्रोक्ता मोहनस्तम्भनादिषु

kutūhaleṣu ca proktā mohanastambhanādiṣu

Rājanighaṇṭu