Parp..28

ऋद्धिः सिद्धिः प्राणदा जीवदात्री सिद्धा योग्या चेतनीया रथाङ्गी

ṛddhiḥ siddhiḥ prāṇadā jīvadātrī siddhā yogyā cetanīyā rathāṅgī

Parp..28.2

मङ्गल्या स्याल् लोककान्ता यशस्या जीवश्रेष्ठा द्वादशाह्वा क्रमेण

maṅgalyā syāl lokakāntā yaśasyā jīvaśreṣṭhā dvādaśāhvā krameṇa

Parp..29

वृद्धिस् तुष्टिः पुष्टिदा वृद्धिदात्री मङ्गल्या श्रीः सम्पद् आशीर् जनेष्टा

vṛddhis tuṣṭiḥ puṣṭidā vṛddhidātrī maṅgalyā śrīḥ sampad āśīr janeṣṭā

Parp..29.2

लक्ष्मीर् भूतिर् मुत् सुखं जीवभद्रा स्याद् इत्य् एषा लोकसंज्ञा क्रमेण

lakṣmīr bhūtir mut sukhaṃ jīvabhadrā syād ity eṣā lokasaṃjñā krameṇa

Parp..30

ऋद्धिर् वृद्धिश् च कन्दौ द्वौ भवतः कोशयामले

ṛddhir vṛddhiś ca kandau dvau bhavataḥ kośayāmale

Parp..30.2

श्वेतरोमान्वितः कन्दो लताजातः सरन्ध्रकः

śvetaromānvitaḥ kando latājātaḥ sarandhrakaḥ

Parp..31

तूलग्रन्थिसमा ऋद्धिर् वामावर्तफला च सा

tūlagranthisamā ṛddhir vāmāvartaphalā ca sā

Parp..31.2

वृद्धिस् तु दक्षिणावर्तफला प्रोक्ता महर्षिभिः

vṛddhis tu dakṣiṇāvartaphalā proktā maharṣibhiḥ

Parp..32

ऋद्धिर् वृद्धिश् च मधुरा सुस्निग्धा तिक्तशीतला

ṛddhir vṛddhiś ca madhurā susnigdhā tiktaśītalā

Parp..32.2

रुचिमेधाकरी श्लेष्मक्रिमिकुष्ठहरा परा

rucimedhākarī śleṣmakrimikuṣṭhaharā parā

Parp..33

प्रयोगेष्व् अनयोर् एकं यथालाभं प्रयोजयेत्

prayogeṣv anayor ekaṃ yathālābhaṃ prayojayet

Parp..33.2

यत्र द्वयानुसृष्टिः स्याद् द्वयम् अप्य् अत्र योजयेत्

yatra dvayānusṛṣṭiḥ syād dvayam apy atra yojayet

Parp..34

धूम्रपत्त्रा तु धूम्राह्वा सुलभा तु स्वयम्भुवा

dhūmrapattrā tu dhūmrāhvā sulabhā tu svayambhuvā

Parp..34.2

गृध्रपत्त्रा च गृध्राणी क्रिमिघ्नी स्त्रीमलापहा

gṛdhrapattrā ca gṛdhrāṇī krimighnī strīmalāpahā

Parp..35

धूम्रपत्त्रा रसे तिक्ता शोफघ्नी क्रिमिनाशिनी

dhūmrapattrā rase tiktā śophaghnī krimināśinī

Parp..35.2

उष्णा कासहरा चैव रुच्या दीपनकारिणी

uṣṇā kāsaharā caiva rucyā dīpanakāriṇī

Parp..36

प्रसारणी सुप्रसरा सारणी सरणी सरा

prasāraṇī suprasarā sāraṇī saraṇī sarā

Parp..36.2

चारुपर्णी राजबला भद्रपर्णी प्रतानिका

cāruparṇī rājabalā bhadraparṇī pratānikā

Parp..37

प्रबला राजपर्णी च बल्या भद्रबला तथा

prabalā rājaparṇī ca balyā bhadrabalā tathā

Parp..37.2

चन्द्रवल्ली प्रभद्रा च ज्ञेया पञ्चदशाह्वया

candravallī prabhadrā ca jñeyā pañcadaśāhvayā

Rājanighaṇṭu