Kar..28.2

शोफव्रणहरः कण्डूकुष्ठक्रिमिविनाशनः

śophavraṇaharaḥ kaṇḍūkuṣṭhakrimivināśanaḥ

Kar..29

शुक्लार्कस् तपनः श्वेतः प्रतापश् च सितार्ककः

śuklārkas tapanaḥ śvetaḥ pratāpaś ca sitārkakaḥ

Kar..29.2

सुपुष्पः शङ्करादिः स्याद् अत्यर्को वृत्तमल्लिका

supuṣpaḥ śaṅkarādiḥ syād atyarko vṛttamallikā

Kar..30

श्वेतार्कः कटुतिक्तोष्णो मलशोधनकारकः

śvetārkaḥ kaṭutiktoṣṇo malaśodhanakārakaḥ

Kar..30.2

मूत्रकृच्छ्रास्रशोफार्तिव्रणदोषविनाशनः

mūtrakṛcchrāsraśophārtivraṇadoṣavināśanaḥ

Kar..31

राजार्को वसुको ऽलर्को मन्दारो गणरूपकः

rājārko vasuko 'larko mandāro gaṇarūpakaḥ

Kar..31.2

काष्ठीलश् च सदापुष्पो ज्ञेयो ऽत्र सप्तसंमितः

kāṣṭhīlaś ca sadāpuṣpo jñeyo 'tra saptasaṃmitaḥ

Kar..32

राजार्कः कटुतिक्तोष्णः कफमेदोविषापहः

rājārkaḥ kaṭutiktoṣṇaḥ kaphamedoviṣāpahaḥ

Kar..32.2

वातकुष्ठव्रणान् हन्ति शोफकण्डूविसर्पनुत्

vātakuṣṭhavraṇān hanti śophakaṇḍūvisarpanut

Kar..33

श्वेतमन्दारकस् त्व् अन्यः पृथ्वी कुरवकः स्मृतः

śvetamandārakas tv anyaḥ pṛthvī kuravakaḥ smṛtaḥ

Kar..33.2

दीर्घपुष्पः सितालर्को दीर्घात्यर्कः रसाह्वयः

dīrghapuṣpaḥ sitālarko dīrghātyarkaḥ rasāhvayaḥ

Kar..34

श्वेतमन्दारको ऽत्युष्णस् तिक्तो मलविशोधनः

śvetamandārako 'tyuṣṇas tikto malaviśodhanaḥ

Kar..34.2

मूत्रकृच्छ्रव्रणान् हन्ति क्रिमीन् अत्यन्तदारुणान्

mūtrakṛcchravraṇān hanti krimīn atyantadāruṇān

Kar..35

नमेरुः सुरपुंनागः सुरेष्टः सुरपर्णिका

nameruḥ surapuṃnāgaḥ sureṣṭaḥ suraparṇikā

Kar..35.2

सुरतुङ्गश् च पञ्चाह्वः पुन्नागगुणसंयुतः

suratuṅgaś ca pañcāhvaḥ punnāgaguṇasaṃyutaḥ

Kar..36

पलाशः किंशुकः पर्णो वातपोथो ऽथ याज्ञिकः

palāśaḥ kiṃśukaḥ parṇo vātapotho 'tha yājñikaḥ

Kar..36.2

त्रिपर्णो वक्रपुष्पश् च पूतद्रुर् ब्रह्मवृक्षकः

triparṇo vakrapuṣpaś ca pūtadrur brahmavṛkṣakaḥ

Kar..36.3

ब्रह्मोपनेता काष्ठद्रुः पर्यायैकादश स्मृताः

brahmopanetā kāṣṭhadruḥ paryāyaikādaśa smṛtāḥ

Kar..37

पलाशस् तु कषायोष्णः क्रिमिदोषविनाशनः

palāśas tu kaṣāyoṣṇaḥ krimidoṣavināśanaḥ

Kar..37.2

तद्बीजं पामकण्डूतिदद्रुत्वग्दोषनाशकृत्

tadbījaṃ pāmakaṇḍūtidadrutvagdoṣanāśakṛt

Rājanighaṇṭu