Dharmalib

Rājanighaṇṭu

āyurveda

Notable Lemmas:

pitta (183 Occurences)kaṭu (178 Occurences)kapha (176 Occurences)ghna (171 Occurences)uṣṇa (164 Occurences)

2621–2640 of 6851 verses

Prabh.53

वरतिक्तो यवफलः संग्राही पाण्डुरद्रुमः

varatikto yavaphalaḥ saṃgrāhī pāṇḍuradrumaḥ

Prabh.53.2

प्रावृषेण्यो महागन्धः स्यात् पञ्चदशधाभिधः

prāvṛṣeṇyo mahāgandhaḥ syāt pañcadaśadhābhidhaḥ

Prabh.54

कुटजः कटुतिक्तोष्णः कषायश् चातिसारजित्

kuṭajaḥ kaṭutiktoṣṇaḥ kaṣāyaś cātisārajit

Prabh.54.2

तत्रासितो ऽस्रपित्तघ्नस् त्वग्दोषार्शोनिकृन्तनः

tatrāsito 'srapittaghnas tvagdoṣārśonikṛntanaḥ

Prabh.55

इन्द्रयवा तु शक्राह्वा शक्रबीजानि वत्सकः

indrayavā tu śakrāhvā śakrabījāni vatsakaḥ

Prabh.55.2

तथा वत्सकबीजानि भद्रजा कुटजाफलम्

tathā vatsakabījāni bhadrajā kuṭajāphalam

Prabh.56

ज्ञेया भद्रयवा चैव बीजान्ता कुटजाभिधा

jñeyā bhadrayavā caiva bījāntā kuṭajābhidhā

Prabh.56.2

तथा कलिङ्गबीजानि पर्यायैर् दशधाभिधा

tathā kaliṅgabījāni paryāyair daśadhābhidhā

Prabh.57

इन्द्रयवा कटुस् तिक्ता शीता कफवातरक्तपित्तहरा

indrayavā kaṭus tiktā śītā kaphavātaraktapittaharā

Prabh.57.2

दाहातिसारशमनो नानाज्वरदोषशूलमूलघ्नी

dāhātisāraśamano nānājvaradoṣaśūlamūlaghnī

Prabh.58

शिरीषः शीतपुष्पश् च भण्डिको मृदुपुष्पकः

śirīṣaḥ śītapuṣpaś ca bhaṇḍiko mṛdupuṣpakaḥ

Prabh.58.2

शुकेष्टो बर्हिपुष्पश् च विषहन्ता सुपुष्पकः

śukeṣṭo barhipuṣpaś ca viṣahantā supuṣpakaḥ

Prabh.59

उद्दानकः शुकतरुर् ज्ञेयो लोमशपुष्पकः

uddānakaḥ śukatarur jñeyo lomaśapuṣpakaḥ

Prabh.59.2

कपीतनः कलिङ्गश् च श्यामलः शङ्खिनीफलः

kapītanaḥ kaliṅgaś ca śyāmalaḥ śaṅkhinīphalaḥ

Prabh.59.3

मधुपुष्पस् तथा वृत्तपुष्पः सप्तदशाह्वयः

madhupuṣpas tathā vṛttapuṣpaḥ saptadaśāhvayaḥ

Prabh.60

शिरीषः कटुकः शीतो विषवातहरः परः

śirīṣaḥ kaṭukaḥ śīto viṣavātaharaḥ paraḥ

Prabh.60.2

पामासृक्कुष्ठकण्डूतित्वग्दोषस्य विनाशनः

pāmāsṛkkuṣṭhakaṇḍūtitvagdoṣasya vināśanaḥ

Prabh.61

करञ्जो नक्तमालश् च पूतिकश् चिरबिल्वकः

karañjo naktamālaś ca pūtikaś cirabilvakaḥ

Prabh.61.2

पूतिपर्णो वृद्धफलो रोचनश् च प्रकीर्यकः

pūtiparṇo vṛddhaphalo rocanaś ca prakīryakaḥ

Prabh.62

करञ्जः कटुर् उष्णश् च चक्षुष्यो वातनाशनः

karañjaḥ kaṭur uṣṇaś ca cakṣuṣyo vātanāśanaḥ