Śālm..91

सितदर्भो ह्रस्वकुम्भः पूतो यज्ञियपत्त्रकः

sitadarbho hrasvakumbhaḥ pūto yajñiyapattrakaḥ

Śālm..91.2

वज्रो ब्रह्मपवित्रश् च तीक्ष्णो यज्ञस्य भूषणः

vajro brahmapavitraś ca tīkṣṇo yajñasya bhūṣaṇaḥ

Śālm..91.3

सूचीमुखः पुण्यतृणो वह्निः पूततृणो द्विषट्

sūcīmukhaḥ puṇyatṛṇo vahniḥ pūtatṛṇo dviṣaṭ

Śālm..92

दर्भमूलं हिमं रुच्यं मधुरं पित्तनाशनम्

darbhamūlaṃ himaṃ rucyaṃ madhuraṃ pittanāśanam

Śālm..92.2

रक्तज्वरतृषाश्वासकामलादोषशोषकृत्

raktajvaratṛṣāśvāsakāmalādoṣaśoṣakṛt

Śālm..93

कुशो ऽन्यः शरपत्त्रश् च हरिद्गर्भः पृथुच्छदः

kuśo 'nyaḥ śarapattraś ca haridgarbhaḥ pṛthucchadaḥ

Śālm..93.2

शारी च रूक्षदर्भश् च दीर्घपत्त्रः पवित्रकः

śārī ca rūkṣadarbhaś ca dīrghapattraḥ pavitrakaḥ

Śālm..94

दर्भौ द्वौ च गुणे तुल्यौ तथापि च सितो ऽधिकः

darbhau dvau ca guṇe tulyau tathāpi ca sito 'dhikaḥ

Śālm..94.2

यदि श्वेतकुशाभावस् त्व् अपरं योजयेत् भिषक्

yadi śvetakuśābhāvas tv aparaṃ yojayet bhiṣak

Śālm..95

बल्वजा दृढपत्त्री च तृणेक्षुस् तृणबल्वजा

balvajā dṛḍhapattrī ca tṛṇekṣus tṛṇabalvajā

Śālm..95.2

मौञ्जीपत्त्रा दृढतृणा पानीयाश्वा दृढक्षुरा

mauñjīpattrā dṛḍhatṛṇā pānīyāśvā dṛḍhakṣurā

Śālm..96

बल्वजा मधुरा शीता पित्तदाहतृषापहा

balvajā madhurā śītā pittadāhatṛṣāpahā

Śālm..96.2

वातप्रकोपणी रुच्या कण्ठशुद्धिकरी परा

vātaprakopaṇī rucyā kaṇṭhaśuddhikarī parā

Śālm..97

कुतृणं कत्तृणं भूतिर् भूतिकं रोहिषं तृणम्

kutṛṇaṃ kattṛṇaṃ bhūtir bhūtikaṃ rohiṣaṃ tṛṇam

Śālm..97.2

श्यामकं ध्यामकं पूतिर् मुद्गलं दवदग्धकम्

śyāmakaṃ dhyāmakaṃ pūtir mudgalaṃ davadagdhakam

Śālm..98

कुतृणं दशनामाढ्यं कटुतिक्तकफापहम्

kutṛṇaṃ daśanāmāḍhyaṃ kaṭutiktakaphāpaham

Śālm..98.2

शस्त्रशल्यादिदोषघ्नं बालग्रहविनाशनम्

śastraśalyādidoṣaghnaṃ bālagrahavināśanam

Śālm..99

अन्यद् रोहिषकं दीर्घं दृढकाण्डो दृढच्छदम्

anyad rohiṣakaṃ dīrghaṃ dṛḍhakāṇḍo dṛḍhacchadam

Śālm..99.2

द्राघिष्ठं दीर्घनालश् च तिक्तसारश् च कुत्सितम्

drāghiṣṭhaṃ dīrghanālaś ca tiktasāraś ca kutsitam

Śālm..100

दीर्घरोहिषकं तिक्तं कटूष्णं कफवातजित्

dīrgharohiṣakaṃ tiktaṃ kaṭūṣṇaṃ kaphavātajit

Rājanighaṇṭu