1.4.10

पित्रा प्रत्ताम् आदाय गृहीत्वा निष्क्रामति _ ऐषि मनसा दूरम् दिशः _ पवमानः _ हिरण्य पर्णः वैकर्णः सः त्वा मद् मनसाम् करोतु इति असौ इति

pitrā prattām ādāya gṛhītvā niṣkrāmati _ aiṣi manasā dūram diśaḥ _ pavamānaḥ _ hiraṇya parṇaḥ vaikarṇaḥ saḥ tvā mad manasām karotu iti asau iti

1.4.11

अथ एनौ समीक्षयति अघोर चक्षुः अ पति घ्नी एधि शिवा पशुभ्यः सुमनाः सु वर्चाः वीरसूः देव कामा स्योना शम् नः भव द्विपदे शम् चतुष्पदे सोमः प्रथमः विविदे गन्धर्वः विविदे उत्तरः तृतीयः अग्निः ते पतिः तुरीयः ते मनुष्य जाः सोमः अददत् गन्धर्वाय गन्धर्वः अददत् अग्नये रयिम् च पुत्रान् च अदात् अग्निः मे अथ उ इमाम् सा नः पूषा शिवतमाम् ऐरय सा नः ऊरू उशती विहर यस्याम् उशन्तः प्रहराम शेपम् यस्याम् उ कामाः बहवः निविष्ट्यै इति

atha enau samīkṣayati aghora cakṣuḥ a pati ghnī edhi śivā paśubhyaḥ sumanāḥ su varcāḥ vīrasūḥ deva kāmā syonā śam naḥ bhava dvipade śam catuṣpade somaḥ prathamaḥ vivide gandharvaḥ vivide uttaraḥ tṛtīyaḥ agniḥ te patiḥ turīyaḥ te manuṣya jāḥ somaḥ adadat gandharvāya gandharvaḥ adadat agnaye rayim ca putrān ca adāt agniḥ me atha u imām sā naḥ pūṣā śivatamām airaya sā naḥ ūrū uśatī vihara yasyām uśantaḥ praharāma śepam yasyām u kāmāḥ bahavaḥ niviṣṭyai iti

1.4.12

ऐरय

airaya

1.5.1

प्रदक्षिणम् अग्निम् पर्याणीय एके पश्चात् अग्नेः तेजनीम् कटम् वा दक्षिण पादेन प्रवृत्य उपविशति

pradakṣiṇam agnim paryāṇīya eke paścāt agneḥ tejanīm kaṭam vā dakṣiṇa pādena pravṛtya upaviśati

1.5.2

अन्वारब्धे आघारौ आज्यभागौ महाव्याहृतयः सर्वप्रायश्चित्तम् प्राजापत्यम् स्विष्टकृत् च

anvārabdhe āghārau ājyabhāgau mahāvyāhṛtayaḥ sarvaprāyaścittam prājāpatyam sviṣṭakṛt ca

1.5.3

एतत् नित्यम् सर्वत्र

etat nityam sarvatra

1.5.4

प्राक् महाव्याहृतिभ्यः स्विष्टकृत् अन्यत् चेद् आज्यात् हविः

prāk mahāvyāhṛtibhyaḥ sviṣṭakṛt anyat ced ājyāt haviḥ

1.5.5

स्विष्टकृत्

sviṣṭakṛt

1.5.6

सर्वप्रायश्चित्त प्राजापत्य अन्तरम् एतत् आवाप स्थानम् विवाहे

sarvaprāyaścitta prājāpatya antaram etat āvāpa sthānam vivāhe

1.5.7

राष्ट्रभृतः इच्छन् जय अभ्यातानान् च जानन्

rāṣṭrabhṛtaḥ icchan jaya abhyātānān ca jānan

1.5.8

येन कर्मणा ईर्त्सेत् इति वचनात्

yena karmaṇā īrtset iti vacanāt

1.5.9

चित्तम् च चित्तिः च आकूतम् च आकूतिः च विज्ञातम् च विज्ञातिः च मनः च शक्वरीः च दर्शः च पौर्णमासम् च बृहत् च रथन्तरम् च प्रजापतिः जयान् इन्द्राय वृष्णे प्रायच्छत् उग्रः पृतनाः जयेषु तस्मै विशः समनमन्त सर्वाः सः उग्रः सः बभूव स्वाहा इति

cittam ca cittiḥ ca ākūtam ca ākūtiḥ ca vijñātam ca vijñātiḥ ca manaḥ ca śakvarīḥ ca darśaḥ ca paurṇamāsam ca bṛhat ca rathantaram ca prajāpatiḥ jayān indrāya vṛṣṇe prāyacchat ugraḥ pṛtanāḥ jayeṣu tasmai viśaḥ samanamanta sarvāḥ saḥ ugraḥ saḥ babhūva svāhā iti

1.5.10

अग्निर् भूतानाम् अधिपतिः स मावत्व् इन्द्रो ज्येष्ठानां यमः पृथिव्या वायुर् अन्तरिक्षस्य सूर्यो दिवश् चन्द्रमा नक्षत्राणां बृहस्पतिर् ब्रह्मणो मित्रः सत्यानां वरुणो ऽपां समुद्रः स्रोत्यानाम् अन्नं साम्राज्यानाम् अधिपतिस् तन्मावतु सोम ओषधीनां सविता प्रसवानां रुद्रः पशूनां त्वष्टा रूपाणां विष्णुः पर्वतानां मरुतो गणानाम् अधिपतयस् ते मावन्तु पितरः पितामहाः परे ऽवरे ततास्ततामहाः

agnir bhūtānām adhipatiḥ sa māvatv indro jyeṣṭhānāṃ yamaḥ pṛthivyā vāyur antarikṣasya sūryo divaś candramā nakṣatrāṇāṃ bṛhaspatir brahmaṇo mitraḥ satyānāṃ varuṇo 'pāṃ samudraḥ srotyānām annaṃ sāmrājyānām adhipatis tanmāvatu soma oṣadhīnāṃ savitā prasavānāṃ rudraḥ paśūnāṃ tvaṣṭā rūpāṇāṃ viṣṇuḥ parvatānāṃ maruto gaṇānām adhipatayas te māvantu pitaraḥ pitāmahāḥ pare 'vare tatāstatāmahāḥ

1.5.10

इह मा अवन्तु अस्मिन् ब्रह्मणि अस्मिन् क्षत्रे अस्याम् आशिषि अस्याम् पुरोधायाम् अस्मिन् कर्मणि अस्याम् देव हूत्याम् स्वाहा इति सर्वत्र अनुषजति

iha mā avantu asmin brahmaṇi asmin kṣatre asyām āśiṣi asyām purodhāyām asmin karmaṇi asyām deva hūtyām svāhā iti sarvatra anuṣajati

1.5.12

अग्निः ऐतु प्रथमः देवतानाम् सः अस्यै प्रजाम् मुञ्चतु मृत्यु पाशात् तत् अयम् राजा वरुणः अनुमन्यताम् यथा इयम् स्त्री पौत्रम् अघम् न रोदात् स्वाहा इमाम् अग्निः त्रायताम् गार्हपत्यः प्रजाम् अस्यै नयतु दीर्घम् आयुः अ शून्य उपस्था जीवताम् अस्तु माता पौत्रम् आनन्दम् अभिविबुध्यताम् इयम् स्वाहा स्वस्ति नः अग्ने दिवः आ पृथिव्याः विश्वानि धेहि अयथा यजत्र यत् अस्याम् महि दिवि जातम् प्रशस्तम् तत् अस्मासु द्रविणम् धेहि चित्रम् स्वाहा सुगम् नु पन्थाम् प्रदिशन् नः एहि ज्योतिष्मत् धेहि अजरम् नः आयुः अपैतु मृत्युः अमृतम् नः आगात् वैवस्वतः नः अभयम् कृणोतु स्वाहा इति

agniḥ aitu prathamaḥ devatānām saḥ asyai prajām muñcatu mṛtyu pāśāt tat ayam rājā varuṇaḥ anumanyatām yathā iyam strī pautram agham na rodāt svāhā imām agniḥ trāyatām gārhapatyaḥ prajām asyai nayatu dīrgham āyuḥ a śūnya upasthā jīvatām astu mātā pautram ānandam abhivibudhyatām iyam svāhā svasti naḥ agne divaḥ ā pṛthivyāḥ viśvāni dhehi ayathā yajatra yat asyām mahi divi jātam praśastam tat asmāsu draviṇam dhehi citram svāhā sugam nu panthām pradiśan naḥ ehi jyotiṣmat dhehi ajaram naḥ āyuḥ apaitu mṛtyuḥ amṛtam naḥ āgāt vaivasvataḥ naḥ abhayam kṛṇotu svāhā iti

1.5.13

परम् मृत्यो इति च एके प्राशन अन्ते

param mṛtyo iti ca eke prāśana ante

1.6.1

कुमार्या भ्राता शमीपलाशमिश्रांल् लाजान् अञ्जलिनाञ्जलाव् आवपति

kumāryā bhrātā śamīpalāśamiśrāṃl lājān añjalināñjalāv āvapati

1.6.2

ताञ् जुहोति संहतेन तिष्ठती अर्यमणं देवं कन्या अग्निम् अयक्षत

tāñ juhoti saṃhatena tiṣṭhatī aryamaṇaṃ devaṃ kanyā agnim ayakṣata

1.6.2.2

स नो अर्यमा देवः प्रेतो मुञ्चतु मा पतेः स्वाहा

sa no aryamā devaḥ preto muñcatu mā pateḥ svāhā

1.6.2.3

इयं नार्य् उपब्रूते लाजान् आवपन्तिका

iyaṃ nāry upabrūte lājān āvapantikā

Pāraskaragṛhyasūtra