9.58.2

गृहेषु सततं तिष्ठेच्छुचिर् नियमम् आचरेत्

gṛheṣu satataṃ tiṣṭhecchucir niyamam ācaret

9.59

इह यो गोवधं कृत्वा प्रच्छादयितुम् इच्छति

iha yo govadhaṃ kṛtvā pracchādayitum icchati

9.59.2

स याति नरकं घोरं कालसूत्रम् असंशयम्

sa yāti narakaṃ ghoraṃ kālasūtram asaṃśayam

9.60

विमुक्तो नरकात् तस्मान् मर्त्यलोके प्रजायते

vimukto narakāt tasmān martyaloke prajāyate

9.60.2

क्लीबो दुःखी च कुष्ठी च सप्त जन्मानि वै नरः

klībo duḥkhī ca kuṣṭhī ca sapta janmāni vai naraḥ

9.61

तस्मात् प्रकाशयेत् पापं स्वधर्मं सततं चरेत्

tasmāt prakāśayet pāpaṃ svadharmaṃ satataṃ caret

9.61.2

स्त्रीबालभृत्यगोविप्रेष्व् अतिकोपं विवर्जयेत्

strībālabhṛtyagovipreṣv atikopaṃ vivarjayet

10.1

चातुर्वर्ण्येषु सर्वेषु हितां वक्ष्यामि निष्कृतिम्

cāturvarṇyeṣu sarveṣu hitāṃ vakṣyāmi niṣkṛtim

10.1.2

अगम्यागमने चैव शुद्ध्यै चान्द्रायणं चरेत्

agamyāgamane caiva śuddhyai cāndrāyaṇaṃ caret

10.2

एकैकं ह्रासयेद् ग्रासं कृष्णे शुक्ले च वर्धयेत्

ekaikaṃ hrāsayed grāsaṃ kṛṣṇe śukle ca vardhayet

10.2.2

अमावास्यां न भुञ्जीत ह्य् एष चान्द्रायणो विधिः

amāvāsyāṃ na bhuñjīta hy eṣa cāndrāyaṇo vidhiḥ

10.3

कुक्कुटाण्डप्रमाणं तु ग्रासं वै परिकल्पयेत्

kukkuṭāṇḍapramāṇaṃ tu grāsaṃ vai parikalpayet

10.3.2

अन्यथा भावदोषेण न धर्मो न च शुध्यति

anyathā bhāvadoṣeṇa na dharmo na ca śudhyati

10.4

प्रायश्चित्ते ततश् चीर्णे कुर्याद् ब्राह्मणभोजनम्

prāyaścitte tataś cīrṇe kuryād brāhmaṇabhojanam

10.4.2

गोद्वयं वस्त्रयुग्मं च दद्याद् विप्रेषु दक्षिणाम्

godvayaṃ vastrayugmaṃ ca dadyād vipreṣu dakṣiṇām

10.5

चण्डालीं वा श्वपाकीं वा ह्यभिगच्छति यो द्विजः

caṇḍālīṃ vā śvapākīṃ vā hyabhigacchati yo dvijaḥ

10.5.2

त्रिरात्रम् उपवासित्वा विप्राणाम् अनुशासनम्

trirātram upavāsitvā viprāṇām anuśāsanam

10.6

सशिखं पवनं कृत्वा प्राजापत्यद्वयं चरेत्

saśikhaṃ pavanaṃ kṛtvā prājāpatyadvayaṃ caret

10.6.2

गोद्वयं दक्षिणां दद्याच्छुद्धिं पाराशरो ऽब्रवीत्

godvayaṃ dakṣiṇāṃ dadyācchuddhiṃ pārāśaro 'bravīt

10.7

क्षत्रियो वाथ वैश्यो वा चण्डालीं गच्छतो यदि

kṣatriyo vātha vaiśyo vā caṇḍālīṃ gacchato yadi

Parāśaradharmasaṃhitā