9.18.2

त्रिपादं चैव कर्णे तु चरेत् सर्वं निपातने

tripādaṃ caiva karṇe tu caret sarvaṃ nipātane

9.19

शृङ्गभङ्गे ऽस्थिभङ्गे च कटिभङ्गे तथैव च

śṛṅgabhaṅge 'sthibhaṅge ca kaṭibhaṅge tathaiva ca

9.19.2

यदि जीवति षण्मासान् प्रायश्चित्तं न विद्यते

yadi jīvati ṣaṇmāsān prāyaścittaṃ na vidyate

9.20

व्रणभङ्गे च कर्तव्यः स्नेहाभ्यङ्गस् तु पाणिना

vraṇabhaṅge ca kartavyaḥ snehābhyaṅgas tu pāṇinā

9.20.2

यवसश् चोपहर्तव्यो यावद् दृढबलो भवेत्

yavasaś copahartavyo yāvad dṛḍhabalo bhavet

9.21

यावत् सम्पूर्णसर्वाङ्गस् तावत् तं पोषयेन् नरः

yāvat sampūrṇasarvāṅgas tāvat taṃ poṣayen naraḥ

9.21.2

गोरूपं ब्राह्मणस्याग्रे नमस्कृत्वा विसर्जयेत्

gorūpaṃ brāhmaṇasyāgre namaskṛtvā visarjayet

9.22

यद्य् असंपूर्णसर्गाङ्गो हीनदेहो भवेत् तदा

yady asaṃpūrṇasargāṅgo hīnadeho bhavet tadā

9.22.2

गोघातकस्य तस्यार्थं प्रायश्चित्तं विनिर्दिशेत्

goghātakasya tasyārthaṃ prāyaścittaṃ vinirdiśet

9.23

काष्ठलोष्टकपाषाणैः शस्त्रेणैवोद्धतो बलात्

kāṣṭhaloṣṭakapāṣāṇaiḥ śastreṇaivoddhato balāt

9.23.2

व्यापादयति यो गां तु तस्य शुद्धिं विनिर्दिशेत्

vyāpādayati yo gāṃ tu tasya śuddhiṃ vinirdiśet

9.24

चरेत् सांतपनं काष्ठे प्राजापत्यं तु लोष्टके

caret sāṃtapanaṃ kāṣṭhe prājāpatyaṃ tu loṣṭake

9.24.2

तप्तकृच्छ्रं तु पाषाणे शस्त्रे चैवातिकृच्छ्रकम्

taptakṛcchraṃ tu pāṣāṇe śastre caivātikṛcchrakam

9.25

पञ्च संतपने गावः प्राजापत्ये तथा त्रयः

pañca saṃtapane gāvaḥ prājāpatye tathā trayaḥ

9.25.2

तप्तकृच्छ्रे भवन्त्य् अष्टाव् अतिकृच्छ्रे त्रयोदश

taptakṛcchre bhavanty aṣṭāv atikṛcchre trayodaśa

9.26

प्रमापणे प्राणभृतां दद्यात् तत् प्रतिरूपकम्

pramāpaṇe prāṇabhṛtāṃ dadyāt tat pratirūpakam

9.26.2

तस्यानुरूपं मूल्यं वा दद्याद् इत्य् अब्रवीन् मनुः

tasyānurūpaṃ mūlyaṃ vā dadyād ity abravīn manuḥ

9.27

अन्यत्राङ्कनलक्ष्मभ्यां वाहने मोचने तथा

anyatrāṅkanalakṣmabhyāṃ vāhane mocane tathā

9.27.2

सायं संगोपनार्थं च न दुष्येद् रोधबन्धयोः

sāyaṃ saṃgopanārthaṃ ca na duṣyed rodhabandhayoḥ

9.28

अतिदाहे ऽतिवाहे च नासिकाभेदने तथा

atidāhe 'tivāhe ca nāsikābhedane tathā

Parāśaradharmasaṃhitā